قصة البديل حماده هيكل
وصل لتحت
لقى نفسه لسه فوق ..وقف مستغرب
نزل مرة تانية على السلم وهو خايف وبيترعش
وبرضو موصلش للدور الارضي فضل يطلع وينزل يطلع وينزل أكتر من عشر مرات لحد ما نفسه أتقطع
وهو لسه في نفس المكان
قعد على كرسي كان موجود بالقرب منه ..وهو بياخد نفسه
وبيفكر في طريقة يخرج بيها من البيت الملعون دا
قبل ما يظهرله الراجل مرة تانية
بعدها حس بعطش شديد ..دخل المطبخ عشان يشرب
فتح التلاجة ومسك أزازة ميه ورفعها وهو بيشرب منها
نبضات قلب ماركوس زادت
وجري بسرعه ولكن لما خرج لقى الراجل واقف ليه على بداية
السلم وهو بيضحك ضحكة مخيفه وقال له
_متحاولش تهرب محدش هينجدك مني
_حرام عليك..عايز مني ايه
_أنت البديل لإبني اللي
وحاول يمسكه ولكن الطفل هرب منه ودخل الأوضه مرة تانية وقفل الباب بالمفتاح ..سمع صوت خبط الراجل على
الباب وهو بيقوله
_أفتح انا مش هأذيك ..متخافش مني
كان واقف مرعوب وبعدها فتح شباك الأوضة
وكان تحت منه مباشرة حمام السباحه
وأول ما اتفتح الباب نط من الشباك ..وأرتطم جسمه
بالمياه ..وغاص فيها للأسفل لحد ما رجله لمست قاع الحمام
وبعدها المياه رفعته تاني لفوق ..ولما رفع راسه
شهق شهقه طويلة وأخد نفسه ..لكنه لقى نفسه
في بانيو داخل حمام..خرج منه ولقى نفسه رجع تاني
جوه البيت .. مفيش فايده شكله أتسجن هنا خلاص
ظهر الراجل من جديد ..وقدر يمسكه
حاول يهرب منه أو يفلت من إيديه لكنه مقدرش
حس
دي إبتدت تسري في عروق جسمه كله
مسكه من رقبته ورفعه من الأرض وفضل يضرب بإيديه
ورجليه في الهوا وحس أن نفسه خلاص بيخلص
وروحه هتطلع ..وبعدها شاف خيال لوالده
جاي من بعيد ..وهو بيجري بكل قوته وبيقوله أطمن متخافش أنا جنبك ..وبعدها خبط الراجل فوق رأسه
بمطرقة حديد ..فلت الطفل من إيده بعد ما صرخ صرخه عالية جدا.. فقد الطفل الوعي بعدها
ولما فتح عيونه في الصبح لقى نفسه نايم في سرير
وست في منتصف الثلاثينيات قاعدة جنبة على طرف السرير
بصلها بأستغراب وقال بخوف
_انا فين!!..وانتي مين
_متخافش انت في أمان ..ممكن اعرف ايه جابك بيتي
ودخلت هنا إزاي
حكى ليها اللي
لغاية ماوصل هنا وفقد الوعي
ظهرت الحيرة على وشها وقالتله
_انا والدة الطفل اللي مات في الحادثه
وزوجي هو اللي جابك هنا او شبحه بمعنى_أصح
انا كنت عند والدتي من يومين ورجعت النهاردة الصبح
واستغربت لما لقيتك واقع على الأرض وفاقد الوعي
على فكرة انت فيك شبه من ابني اللي مات
وبتفكرني بيه ..
_انا خايف ارجع الدار لانهم أكتشفوا غيابي طبعا
واكيد هيعاقبوني ..وكمان مش عايز أقعد هنا وخايف من الراجل يأذيني
_أنت هدية من السما ليا وجيت عشان تعوضني عن ابني اللي مات ..متقلقش أحنا هنسيب البيت دا خالص
وهنسكن في مكان تاني جميل ..وهتصل بالمحامي بتاعي
عشان يتابع مع الدار إجراءات
من النهاردة هنعيش مع بعض ومش هسيبك ابدا
البديل
حماده_هيكل
