حماتي
إيدها في الهواء بغضب وجشع
يا خاينة يا مكرة! بقى تعملي الحركة دي من ورا ابن حبيبي؟! أنتِ جاية بعشيلتك ودهبك المستخبي تعملي علينا ملكة وأنتِ في أصلك حتة موظفة بتاخد مصروفها بالمليم؟! الشقة دي ابن شقي وعرق ابني، ومش هسيبك تاخدي منها طوبة واحدة حتى لو على رقبتي!
التفتت لحماتي بقمة البرود، ورفعت حابجي بسخرية
يا حاجّة صفاء... ياريت تهدي على صحتك شوية، عشان الضغط لو ارتفع دلوقتي مش هتلاحقي تشوفي باقي المفاجآت! ابنك اللي بتقولي عليه شقي وعرق، طوال 4 سنين جواز ما يدفعش غير الفواتير والأكل البسيط، بينما أنا اللي كنت بشيل أقساط الشقة، وأنا اللي بغير العفش، وأنا اللي حوشت من مرتبي وساعات شغلي الإضافية بالليل والنهار عشان أجيب التلاجة الجديدة اللي طمعتوا فيها إنتِ وبنتك!
داليا، أخت جوزي، قامت وقفت بارتباك وقالت وهي بتبكي بدموع كدابة
يا سارة... أنا ماليش دعوة باللي بينك وبين شريف! أنا كنت فاكرة إنكم بتساعدوني من خيركم، هو يعني عشان تلاجة تمشوني وتطردوا شريف من شقته؟! إحنا عيلة واحدة!
ضحكت ضحكة عالية رنت في الشقة كلها، ضحكة مليانة قهر وسخرية من التمثيل الرخيص اللي كان بيمارسوه عليّ طوال السنين دي
عيلة واحدة؟! حلوة أوي الكلمة دي يا داليا!
شريف مسك إيدي بقوة، وعينيه كانت مليانة توسل ورعب، كبرياؤه اللي كان بيتنطط بيه عليّ إمبارح وهو بيقول هنبيع بتاعتك ونجيب لأختي واحدة اتمسح تماماً
سارة... أرجوكي اهدى وخلين نتكلم في الأوضة جوة! أمي وداليا مالهمش ذنب، أنا اللي غلطت وأنا مستعد أعتذر لك قدامهم كلهم! التلاجة مش هتباع، وهجيب لأختي واحدة بالتقسيط على حسابي الشخصي، بس بلاش موضوع الشقة ده... الشقة دي هي شقى عمرنا وبيتنا اللي بنيناه سوا!
سحبت إيدي من قبضة إيده بمنتهى القسوة والجفاف، وبصيت له بنظرة خلت جسمه كله يترعش
تتكلم في الأوضة جوة؟! متأخر أوي يا شريف... الكلام كان المفروض يتقال من يوم ما شفتني بتعب وبشقى وكنت بتستغل طيبتي وهدوئي وتعتبره ضعف! من يوم
كُملت بصوت ثابت وصارم
المشتري اللي الأستاذ محمود جابه، جاي بكرة الصبح الساعة 10 بالدفع النقدي الكامل... العقد المسجل للبيع اترتب، والشرط الجزائي أتدفع خلاص. الشقة دي هتباع ب 2 مليون و ألف جنيه، ودا حق مالي المباشر اللي هيتردلي بالمليم عشان أبدأ بيه حياتي النظيفة بعيد عن الاستغلال والكذب!
حماتي سقطت على الانتريه وهي بتصرخ وتولول
يا فضيحتك يا شريف! بقى مراتك تبيع الشقة من تحت رجليك وتطردك في الشارع؟! يا رب يا بنتي المظلومة تاخدي حقك منها! دي ست معندهاش أصل ولا تعرف يعني إيه بيوت وسَتر!
بصيت لحماتي وضحكت بثقة
الأصل والستر يا حاجّة صفاء هما إن الست تصون بيتها وجوزها، بس لما الجوز ده يبيع مراته بالرخيص عشان يقدم شقاها هدايا لأهله، يبقى الستر معاه بيبقى جحيم وبلاهة! إنتِ طوال السنين اللي فاتت كنتِ بتدخلي في كل صغيرة وكبيرة، كنتِ بتقوليله يا بنتي دي أخته، هو يعني لما يساعد أخته يبقى غلط؟، والنهارده أنا بقولك دي فلوسي وشقيا، ولما أرجع حق كرامتي وعرق جبيني ما يبقاش غلط أبداً!
شريف كان واقف مش قادر يتنفس، حس إن
شريف زعق بنبرة مليانة يأس واندفاع
أنا مش هخرج من الشقة دي يا سارة! مش هسمحلك تبيعيها ولا تخرجيني منها، أنا جوزك وليا حقوق شرعية وقانونية هنا!
رديت عليه بابتسامة نصر باردة جداً، وطلعت من شنطتي الظرف الثاني اللي كنت مجهزاه مع المحامي صباح اليوم
الحقوق الشرعية والقانونية دي إنت لغيتها بنفسك يوم ما طمعت في حقي يا شريف! والظرف ده فيه دعوى طلاق للضرر مرفوعة رسميًا بالشهر العقاري، ومعاها قائمة المنقولات الزوجية كاملة وموثقة ب 450 ألف جنيه! بكرة الصبح المشتري هييجي مع المحامي، وإذا ما أخلتوش الشقة بهدوء وباحترام، المحضر وقوات التنفيذ هما اللي هيتولوا إخلائها فوراً مع المحامي!
داليا، أخت جوزي، مسكت إيد أمها ورجعت لورا برعب، وبقت بتبص لشريف بنظرات لوم وخوف بعد ما أدركت إن الطمع والجشع بتوعهم هما اللي خربوا بيت ابنهم ودمروا مستقبله بالكامل.
داليا قالت بصوت بيرتعش
شريف... قوم يا شريف نشوف حل! إحنا مش هنقدر نقعد هنا أكتر من كده، الست دي شكلها بجد وما
شريف بص لأمه
