كنت خاطب لمدة سنه انجي الخطيب

اللي وقفت قدام عيلة كاملة بتستغل الناس، وجابتلي كرامتي وفلوس أخدوها مني بالقوة والټهديد!
سألته بصوت مخڼوق هي.. هي عملت كدة ليه؟ بعد كل اللي أنا عملته فيها؟
والدها قام وقف، مسك عصايته وبصلي أخر نظرة وقاللي عملت كدة عشان هي تربية راجل.. وعشان لما بعتتلها تقولها أنا أخدت نصيبي وزيادة وبتمنى توقفي دعا، هي بعتتلك تقولك القصة لسه ما خلصتش عشان كانت عايزة تقولك إن عدل ربنا مش بس إنه ينتقم منك.. عدل ربنا إنه يخليك تشوف إن البنت اللي أنت رميتها ونعتها بالنكدية وشفتها مفيش منها فايدة، هي الوحيدة اللي صانتك وردتلك حقك لما أقرب الناس ليك نهبوك ورموك في الشارع.
الراجل ساب المظروف ومشي.. سابني قاعد في الكافيه لوحدي، قدامي فلوسي وكرامتي اللي اتقصت، بس روحي من جوه كانت بټموت.
طلعت يجري بره الكافيه، ركبت تاكسي ورحت لبيتها. طلعت السلم بسرعة چنونية، وقفت قدام باب شقتهم وخبطت. فتحتلي أمها، بصتلي بهدوء وقالتلي ادخل يا ابني.
دخلت الصالة.. لقيتها واقفة هناك. كانت لابسة إسدالها الصلاة، وشها هادي، صافي، فيه نور عجيب ما شفتوش قبل كدة. ما كانش فيه في عينها أي كره، ولا اڼتقام، ولا حتى تشفي.
قربت منها وأنا مبحوح، نزل على ركبي قدامها في الصالة وأنا بعيط زي الطفل سامحيني.. والله العظيم أنا آسف.. أنا أوسخ بني آدم على وش الأرض. أنا عرفت قيمتك، عرفت إنك أطهر وأنضف حاجة دخلت حياتي وأنا بإيدي دمرتها. أنا مستعد أعمل أي حاجة في الدنيا.. مستعد أعيش خدام تحت رجليكي، بس سامحيني وارجعيلي.
بصتلي وهي واقفة، مكانها ثابت ما اتهزتش. بصتلي بنظرة كلها رحقة شفقة، وقالتلي بصوت هادي جداً، صوت زي النسمة بس قطع كل أمل جوايا
أنا سامحتك من زمان يا اسمك.. سامحتك لوجه الله عشان أعرف أعيش وأكمل حياتي من غير ما أكون شايلة كره في قلبي. بس الرجوع؟ دا المستحيل بعينه.
رفعت وشي ليها وأنا بترجاها ليه؟ طالما سامحتيني وجبتيلي حقي.. ليه رافضة نبتدى من جديد؟
قالتلي وهي بتبتعد خطوة لورا أنا جبتلك حقك عشان ربنا أمرنا بالعدل، وعشان ما أقبلش إن حد يظلمك حتى لو كان خصمي.. أنا جبتلك حقك عشان أثبت لنفسي وليك إن ربنا ما بيبسيبش مظلوم، وعشان أقفل صفحتك من حياتي وأنا ضامنة إني ما ظالمتكش ولا شمت فيك.
كملت وهي بتحط إيدها على قلبها لكن المشاعر اللي ماټت بسبب القسۏة والضغط وتأنيب الضمير.. ما بتموتش وترجع تاني. أنا دلوقتي واحدة تانية خالص غير البنت الساذجة اللي كانت بتصدق كل كلمة بتجاملها بيها. أنا عرفت ربنا، وعرفت قيمة نفسي.. وأنت، بقيت بالنسبة لي مجرد درس قاسې اتعلمت منه، والدرس خلاص انتصى.
وقفت على رجلي وأنا حاسس إن الدنيا كلها فضيت حواليا. الفلوس في إيدي ملهاش أي قيمة، الحق اللي رجعلي ملوش أي طعم.. لأن الحاجة الوحيدة اللي كانت ممكن تنقذ روحي وتباركلي في حياتي، راحت مني وللأبد.. بإيدي أنا.
سيبت البيت ونزلت.. مشيت في الشارع وأنا شايل حقيبتي وفلوسي، بس قلبي كان فاضي تماماً. عرفت إن أصعب عقاپ ممكن يتدوقه إنسان مش إنه يخسر فلوسه أو يتضرب أو يتهان.. أصعب عقاپ إن ربنا يخليك تشوف النعمة اللي كانت في إيدك، وتعرف قدرها وحقيقتها، في نفس اللحظة اللي تتأكد فيها إنك مستحيل تطولها تاني.
الشارع كان فاضي والهدوء قاټل. الفلوس والمستندات في إيدي وزنها أتقل من الجبال، ومشيت مسافة طويلة مش عارف
أنا رايح فين ولا أقدامي واخداني لفيين. كل خطوة كنت بمسح دموعي وأفتكر نظرتها الأخيره.. نظرة الست القوية اللي سامحت بس قفلت الباب للأبد.
وصلت البيت، ودخلت. أمي وأختي كانوا قاعدين قلقانين، أول ما شافوا المظروف والورق في إيدي، أختي قامت شهقت إيه دا؟! الحاجات دي جيبتها إزاي؟!
حطيت المظروف على الترابيزة وقعدت على أقرب كرسي. حكيتلهم كل حاجة.. حكيتلهم إزاي البنت اللي أنا رميتها وظلمتها، هي اللي جابتلي حقي وحمتني من السچن والفضايح، وإزاي ردتلي كرامتي قدام العيلة والمنطقة، وفي الآخر رفضت ترجعلي وقالتلي إن الدرس انتهى.
أمي بكت وانحنت باست رأسي وهي بتقول الحمد لله يا ابني إن حقك رجع، والحمد لله إن البنت دي طلعت بنت أصول وبرأتك.. بس يا خسارة اللي ضاع من إيدك يا ابني، يا خسارة الجوهرة اللي ما عرفتش قيمتها إلا لما راحت.
مرت الأيام، والأخبار بدأت تتغير في المنطقة. عم طليقتي التانية وأبوها اضطروا يخرجوا قدام كبار العيلة ويقولوا إن حصل سوء فهم، وإن القايمة والشبكة اتردوا بالحسنى، وإن ما كانش في أي اعتداء. سمعتي بدأت تتصلح تدريجياً، بس أنا ما بقاش يفرق معايا كلام الناس. الشغف جوايا ماټ، وبقيت حاسس إني عايش بجسد فاضي من غير روح.
في يوم من الأيام، قررت أبدأ أصلح اللي أقدر عليه. أخدت جزء من الفلوس اللي رجعتلي، ورحت للناس اللي كنت مدين ليهم، سددت ديوني كلها. والجزء الباقي قررت أفتح بيه مشروع صغير بعيد عن منطقتنا، مكان أبدأ فيه من جديد، بس المرة دي على نضافة.. من غير فهلوة، من غير كدب، ومن غير ما أجي على حق حد.
الشهور مرت.. بقيت أروح شغلي من الصبح للبدري وأرجع على بيتي. بقيت أصلي، وكل ما أقف على السجادة، أدعي ربنا يسامحني على السنين اللي ضيعتها في الهوى والتلاعب بقلوب الناس.
وف يوم، وأنا قاعد في المحل بتاعي، دخل عليا واحد صاحبنا مشترك بيني وبين عيلة خطيبتي الأولى. سلم عليا بحرارة، وقعد يشرب معايا الشاي. كنا بتتكلم في مشاغل الحياة، وفجأة قاللي بنبرة هادية
عرفت أخر الأخبار يا صحبي؟
قلبي دق بسرعة.. وسألته بصوت مكتوم أخبار إيه؟
قاللي اسم خطيبتك الأولى.. اتحددت خطوبتها الأسبوع الجاي على واحد مهندس محترم جداً، ابن ناس وشارسها من زمان، وكان مستني بس إنها توافق لأنها كانت رافضة الفكرة تماماً الفترة اللي فاتت.
الخبر نزل عليا زي الصاعقة، رغم إني كنت عارف إن دا اليوم اللي لازم هيجي.. لكن سماعه كان شيء تاني خالص.
صاحبي كمل كلامه وهو مش واخد باله من ملامحي اللي اتغيرت بس الأغرب من كدة يا أخي.. إنها اشترطت عليه شرط واحد بس قبل ما يقرأوا الفاتحة.. شرط غريب جداً ومحدش كان فاهمه غير أبوها.
بصيتله بعينين زي الجمر وقلتله شرط إيه؟
قاللي اشترطت إن كتب الكتاب والزفاف يكونوا في أسرع وقت، وأنهم يسافروا يعيشوا برة مصر.. في الخليج، وقالت لأبوها إنها مش عايزة تفضل هنا ولا يوم واحد زيادة.
سكت وصاحبي مشي، وقعدت لوحدي في المحل. عرفت إنها بتسافر عشان تبعد عن كل الذكريات، عشان تقفل الصفحة الأخيرة تماماً وما تسيبش أي احتمال إن طرقنا تتقاطع تاني في يوم من الأيام.
قبل خطوبتها بيومين، قررت أعمل أخر حاجة ممكن أعملها عشان أريح ضميري.. نزلت السوق واشتريت هدية قيمة جداً، ومصليّة من أنضف أنواع الحرير، وكتبت كارت صغير وحطيته مع الهدية، وبعثتها مع دليفري لبيتها من غير ما أكتب اسمي على الطرد، بس كنت
عارف إنها أول ما تقرأ الكارت هتعرف مين
اللي باعتها.
الكارت كان مكتوب فيه كلمة واحدة بس شكراً إنك علمتيني أكون راجل.. ربنا يسعدك في حياتك الجديدة.
عدى يوم الخطوبة، وعرفت إنها قرأت الفاتحة والبيت كان مليان فرحة وضحك. وفي نفس الليلة، وأنا قاعد في أوضتي بالليل باصص للسقف، موبايلي رن..
كان إشعار رسالة جديدة على الواتساب من نفس الرقم.
فتحت الرسالة ببرودة وإيدين بتترعش، لقيت الصورة الشخصية لحسابها اتغيرت.. حاطة صورة إيدها وهي لابة دبلة الخطوبة الجديدة، وتحتها كلمة واحدة كتبتيهالي رد على الهدية..
كلمة واحدة نسخت كل أمل فاضل جوايا، ودخلتني في الصدمة الأخيرة والنهائية..
كانت الكلمة اللي بعتتهالي تحت صورة الدبلة هي عفواً.. ودعواتي لك بالهدى.
كانت كلمة خفيفة جداً، بس وقعها عليا كان كفيل يخليني أحس إن القصة اتقفلت بالأقفال والصاج، وإن كل اللي فات بقى مجرد ماضي مالوش أي رجعة. ما كانش فيها أي كره، ولا شفقة، ولا حتى عتاب.. كانت مجرد نملة حبر بتعلن رسمياً مۏت آخر خط وصل بيني وبينها.
قفلت الموبايل، وحطيته على الكومودينو جنب السرير. بصيت للسقف وأنا حاسس إن في حاجة جوايا اتغيرت للأبد. للوهلة الأولى حسيت بغصة وۏجع بياكل في صدري، بس مع الدقايق، الۏجع دا بدأ يتحول لراحة غريبة.. راحة الشخص اللي كان مستني حكم الإعدام ولما اتنفذ أخيراً، استريح من الخۏف والانتظار.
عدت الأيام بسرعة. اتجوزت وسافرت مع جوزها الخليج، والبيت اللي كان في شارعنا بقى مقفول وساكن، زي صفحتي في حياتها تماماً.
أنا كملت في طريقي. كبرت محلي الصغير، وبقت كل قرش يدخلي أتأكد إنه حلال مية في المية، مفيش فيه قرش شبهة ولا حق حد. معاملتي مع الناس اتغيرت، بقيت أتقي ربنا في كل كلمة وكل خطوة، وبقيت لما أوفق بين اتنين أو أدخل في نصيحة، أفتكر دايماً إن ربنا مابينساش، وإن اللي بنزرعه اليوم بنحصده بكرة.
أمي وأختي لما شافوا حالي اتعدل وبقيت راجل تاني خالص، بدأوا يفتحوا معايا موضوع الجواز تاني. في الأول كنت برفض تماماً، كنت خاېف أظلم حد معايا أو أكرر أي غلطة، بس أمي دعتلي في يوم وقالتلي يا ابني ربنا غفور رحيم، وطالما اتعلمت وتوبت واستغفرت، يبقى ما تحرمش نفسك من بيت وحياة.. ابدأ على نضافة وبنية صافية.
وبالفعل، بعد سنتين كاملين من الشغل والتعب وتقويم النفس، اتعرفت على بنت أصول، هادية، متدينة، وأهم حاجة إنها كانت صريحة معايا في كل حاجة وأنا كنت صريح معاها في كل حاجة. حكيتلها إن عندي ماضي اتعلمت منه، وإن أهم شرط عندي في حياتنا هو الصدق والتقوى، وهي تقبلت دا بكل احترام.
اتكتب كتابنا، والمرة دي ما كانش فيه لا جري، ولا خوف، ولا استعجال عشان أهرب من حاجة. كان فيه هدوء وسکينة أول مرة أحس بيهم في حياتي.
في ليلة زفافي، وأنا واقف في الكوشة وبصيت لمراتي وهي جنبي، افتكرت رحلتي كلها.. افتكرت الشاب الطائش اللي كان فاكر الفهلوة شطارة، والتلاعب بشاعر الناس ذكاء. افتكرت اللحظة اللي حسيت فيها إن الدنيا اسودت لما اتظلمت من طليقتي التانية، واللحظة اللي اتعلمت فيها أصل الرجولة من البنت اللي أنا استضعفتها زمان.
دعيت ربنا في سري ودعوتلي ودعيتلها.. دعيت إن ربنا يسعدها في حياتها الجديدة ويجازيها خير عن كل لحظة ۏجع سببهالها، ويغفرلي اللي فات، ويباركلي في بيتي الجديد.
القصة اتختمت، مش بالنهاية اللي كنت بتتمناها وأنا مكسور وبترجاها ترجعلي، بس بالنهاية اللي كنت محتاجها عشان أكون بني آدم صح.
عرفت إن دعوة المظلوم مش بس بتدمر الظالم.. دي أوقات بتكون هي السبب الوحيد اللي بيفوقه من غفلته ويدله على الطريق الصح قبل ما يفوت الأوان.