يوم فرحي
يوم فرحي حماتي دخلت عليا الأوضة وأنا بلبس فستاني وقالت لي مفيش قائمة هتتمضى ولا دهب هتاخديه ، وإحنا لازم نختبرك الأول! كانت فاكرة إنها بتلوي دراعي عشان تسرق شقى عمري.. بس مكانتش تعمل حساب اليوم اللي هتقف فيه في الشارع بتعيط وتترجاني، بعد ما طردتها من الشقة وأخدت حقي تالت ومتلت وبقيت هانم في عصمة راجل بجد.
..حصرى لموقع لمحة
في نفس يوم الفرح، وأنا قاعدة في الكوافير بالفستان، دخلت حماتي المستقبلية وشيلت عيني من المراية لقيتها بتبتسم بمنتهى البرود وبتقول
بصي يا فريدة، إحنا مش هنمضي على القائمة دي دلوقتي، كمان تلات سنين ونبقى نشوف الموضوع ده.
إحنا لازم نختبرك الأول، ونشوفك واخدة ابني عشان تجهزيه وتطمعي فيه، ولا عشان بتحبيه وشايلية في عينيكي.
أنا دمي فار وجالي هبوط من كتر الصدمة، لدرجة إني مكنتش قادرة أصلب طولي.
صاحبتي الأنتيم سندتني وقالت لي بصوت واطي عشان تهديني
يا فريدة، اهدي عشان خاطري، بلاش عصبية إنتي لسه ممضياهم على وصل أمانة بفلوس دهبك اللي بعتيه عشان تكملي مع طارق شقته.. بلاش تضيعي حقك.
الحما لما سمعت جملة وصل الأمانة عينيها لمعت وبقت زي الصقر، وراحت مادّة إيدها في شنطتها ومطلعة ورقة وقلم ورزعتهم على تسريحة الميكب.
طالما معاكي وصل أمانة بفلوس الدهب، يبقى القائمة دي تتلغي خالص ومفيش قوايم هتتكتب أساساً.
والوصل ده هتمضيلنا عليه بتنازل، عشان نبقوا على بياض ومالكوش غير بعض.
أخت العريس دخلت شالت علبة الذهب بتاعة الشبكة من على الترابيزة، وحطت مكانها جركنين برسيل جيل وإزازة بريل للمواعين!
يا عروسة، الست العاقلة متقعدش تتبهرج بالذهب،
أما خطيبي، فطلع من جيبه ورقة عقد اتفاق كل حاجة بعد الجواز هتبقى بالنص AA.
مصاريف البيت بالنص، فواتير المايه والكهرباء بالنص، حتى لو جيبنا عيال مصاريفهم بالنص.
بص لي وقال
يا فريدة، الدنيا اتطورت ودلوقتي كله بيعمل جواز مودرن، وبندور على المساواة بين الراجل والست.
بصيت من شباك الأوضة على القاعة اللي كانت مليانة على آخرها بالمعازيم والناس، وضحكت بسخرية.
وبعدين قلعت فستان الفرح، وشيلت الطرحة من على شَعري.
ووقفت قدامهم كلهم وقُلت بأعلى صوت
الفرح ده ملغي.
1.
لما الباب اتفتح، دخلت حماتي شادية وهي رافعة راسها لفوق، ولابسة عباية استقبال شيك لونها نبيتي، وفي إيدها نسخة القائمة اللي المفروض العريس يمضيها قبل ما نطلع القاعة.
أمي قامت من مكانها وسلمت عليها وقالت بترحيب
أهلاً يا أم العريس، نورتي يا حبيبتي، يلا عشان طارق يوقع على القائمة والمأذون يكتب الكتاب.
حماتي شادية مردتش عليها أصلاً، وراحت حاطة ورقة القائمة جوه شنطتها وقَفلت السوستة.
قلبي سقط في رجلي.
يا طنط، مش إحنا كنا متفقين إن طارق هيمضي القائمة في القاعة الصغيرة قبل الزفة؟
شادية ضحكت بمنتهى البرود
يا فريدة يا حبيبتي، إحنا امبارح بالليل عملنا اجتماع عائلي.. وطارق مش هيمضي على قوايم دلوقتي خالص.
الضحكة اتجمدت على وش أمي، وسألتها يعني إيه الكلام ده؟
مش معناها مش هيمضي خالص، بس هنأجلها شوية. شادية قعدت على الأنتريه وقالت بنبرة باردة كمان تلات سنين لما تخلفوا وتثبتي إنك بنت أصول، هنبقى نمضيهالك.
البنات الأيام دي بقوا أول ما يتجوزوا
بصيت لخطيبى طارق اللي كان عمال يهرب بعينيه مني، وقال بصوت واطي
يا فريدة، أمي مش قصدها حاجة، هي بس عايزة تطمن وتأمن مستقبلي شوية.. وإنتي عارفة، أبويا وأمي معندهمش غيري.
حسيت ب كتمة في نفسي. هم قاصدين يختاروا يوم الفرح بالذات، ويختاروا وقت المعازيم كلهم بقوا موجودين بره، عشان يلووا دراعي ويجبروني أبلع الإهانة وأنا ساكتة خوفاً من الفضيحة..
وقفت فجأة وحسيت بهبوط، وصاحبتي آية جريت ورايا وسندتني وقالت لي بصوت واطي عشان تهديني
يا فريدة، اهدي عشان خاطري، بلاش عصبية إنتي لسه ممضياهم على وصل أمانة بفلوس دهبك اللي بعتيه عشان تكملي مع طارق شقته.. بلاش تضيعي حقك.
حماتي شادية سمعت الجملة، وفي ثانية كانت واقفة جنب الشنطة بتاعتي، ومادّة إيدها تفتش فيها لحد ما طلعت وصل الأمانة اللي طارق كان ماضيهولي لما بعت دهبي القديم عشان أساعده يشطب الشقة اللي باسمه!
بصت للوصل والضحكة الخبيثة اترسمت على وشها
يا فريدة، موضوع وصل الأمانة ده حاجة كبيرة كده ومتقوليش عليها؟ طالما معاكي وصل بفلوس الدهب، يبقى القائمة دي تتلغي خالص ومفيش قوايم هتتكتب أساساً.
ساعتها الصدمة فيهم بقت اكبر بكتير من ما تخيلت .
نور أخت العريس دخلت على التسريحة وشالت علبة القطيفة اللي كان المفروض يبقى فيها الشبكة الذهب الجديدة اللي طارق جابهالي، وحطت مكانها كيس بلاستيك أسود كبير جواه جركنين برسيل جيل وإزازة بريل للمواعين!
وقالت ببرود الذهب طالع في العالي، والست العاقلة متقعدش تتبهرج بيه، الحاجات دي هي اللي
أمي إيدها كانت بتترعش من كتر القهر أنتم بتهينونا وبتذلوا بنتي يوم فرحها!
طارق لغى شخصيته تماماً وطلع ورق من جيبه وداس بيه في إيدي
طالما فتحنا السيرة، امضيلي بقى على تنازل عن وصل الأمانة ده، وخدي عقد اتفاق مصاريف الجواز الحديثة.. كل حاجة بعد كده بالنص AA، مصاريف البيت، الفواتير، وحتى مصاريف الخروجات.
آية صاحبتي زعقت أنتم لغيتوا القائمة، وسرقتوا الشبكة، وعايزينه يتنازل عن فلوس دهبها اللي شطبتوا بيها شقته، وكمان تقسموا المصاريف بالنص؟ هي فين الرجولة في كده؟
حماتي برقت لها وقالت بزعيق مالكيش دعوة يا حتة وصيفة!
بصيت لطارق وقولتله أنا بعت دهبي كله ووقفت جنبك عشان شقتك تتشطب، وتيجي يوم فرحي ترفض تمضي القائمة وتطمع في وصل الأمانة؟
كشر وقال فريدة، بلاش فضايح واهدي بقى النهارده، ومتمضيش القائمة عادي يعني، البيوت مبتتبنيش بورق.
حماتي وقفت قدامي وقالت بنبرة تهديد المعازيم بره مالين القاعة، لو الفرح ده باظ، هتفضلي عانس وطالع عليكي سمعة إنك خربتي بيتك بإيدك عشان الفلوس، ومحدش هيعبرك بعد كده!
بصيت لها كام ثانية، وفجأة ضحكت ضحكة قوية.
مديت إيدي وشيلت طرحة الفرح من على شَعري ورزعتها على الأرض.
ودخلت الحمام، تلات دقائق بالظبط، وخرجت وأنا لابس لبسي العادي الترنج والجاكيت.
أخدت شنطتي والوصل في جيبي، ونترت إيد طارق اللي كان بيحاول يوقفني وقولتله
الفرح ده اتلغى، وشقتك اللي شطبتها بفلوس دهبي.. مش هتعتبها رجلية.
3.
لما خرجت من أوضة الميكب بلبسي العادي، القاعة بره كانت مقلوبة وهيصة. المعازيم كلهم بدؤوا يوشوشوا ويشاوروا عليا بذهول.
حماتي وطارق ونور جريوا ورايا ووشهم جايب ألوان،
