وافقت اعالج رجل المافيا
افتكرت إنها كدبة من كدباته، بس دلوقتي مقتنعة إن مفيش حاجة كانت كدب.
كريم تتبع مصدر الرسالة، وعرف إن الإشارة طلعت من بيت الضيافة اللي جوة أرض القصر نفسه. المكان ده كان عايش فيه عمرو الجارحي، عم سليم والمسؤول المالي والإداري للعيلة من وقت الحادثة.
سليم لف كرسيه التيتانيوم بسرعة ناحية الباب وعيونه بتطق شرار، بس هناء وقفت في طريقه ومنعته
مش هتخرج وأنت ثاير وعميان بالغل كدا.
الجو اتكهرب وسليم زعق
إمشي من قدامي!
هناء ردت بكل برود
لأ.. اللي بعت الرسالة دي عاوزك تتصرف من غير ما تفكر. بجد يعني، لو بقالك 20 سنة بتمشي نص البلد دي، مش هتعرف تتحكم في أعصابك 5 دقايق كمان؟
كريم كتم نفسه من الصدمة، وسليم بص لها بمزيج من الغضب والذهول.. مكنش فيه حد في الدنيا بيقول له لأ، فما بالك بست جاية عشان الفلوس؟ لكن كلامها نجح، وسليم هدي وقعد مكانه.
بدأوا يراجعوا الملفات الطبية المخفية في الأوضة، وهنا هناء لقت مستند رسمي بنقل طبي ممضي من دكتور متخصص اسمه شريف علام.
المستند كان تاريخه بعد الحادثة ب 3 أسابيع
بس النقل دا عمره ما حصل!
في اللحظة دي، جيه حارس وبلغ إن عمرو الجارحي بيحاول يهرب من البوابة الخلفية للقصر، ومعاه الدكتور رفعت، الدكتور الخاص بتاع سليم.
نظام الأمن الأوتوماتيكي قفل البوابات على عربيتهم في منطقة الصوبة الزجاجية القديمة المشتل اللي في آخر الجنينة.
وصل سليم، هناء، وكريم تحت المطر والتلج.
عمرو كان مستنيهم واقف بكل برود ببالطو أسود شيك، ورفعت كان حاضن شنطة جلد في حضنه وهو بيترعش.
عمرو بص لهناء وقال بسخرية
يبقى أنتي بقى الست اللي حركت رجله!
سليم م رمشش وقال بصوت يرعب
أنت اللي ألغيت علاجي يا عمي؟
عمرو سكت.. بس الدكتور رفعت انهار وبدأ يعيط، والحقيقة بدأت تظهر حتة حتة.
بعد الانفجار، الدكتور شريف علام اكتشف إن النخاع الشوكي مكنش مدمر بالكامل، وكان فيه فرصة حقيقية إن سليم يقف على رجله بعملية جراحية وتحفيز مكثف وعلاج طبيعي فوري.
بس عمرو ألغى النقل، ورشا
عمرو قال ووشه مفيهوش نقطة دم بس مقتنع بجرملته
أنا حميتك وخليتك عايش! وريث بيمشي وبيتفسح كان هيفتح علينا حرب تضيع العيلة.. وأنت على كرسي مكنش حد بيلمسك، في الأول كان صعبان عليهم وبعدين بقوا بيخافوا منك!
سليم ضحك ضحكة جافة ومريرة
أنت سجنتني 20 سنة وسميت ده حماية؟
عمرو
أنا عملت منك ملك!
سليم
لأ.. أنت علمتني أسمع الكلام وسميت ده حب.
كريم سأل عن الدكتور شريف علام، فاعترف عمرو إن شريف حاول يهرب بسليم برا مصر ومعاه كل الملفات، بس بعدها بأسبوعين مات في حادثة عربية على طريق مصر الإسكندرية الصحراوي.. ومحدش صدق إنها كانت حادثة.
الكل كان متوقع إن سليم هيأمر برجالته يصفوا عمرو والدكتور رفعت في مكانهم، بس سليم اتغير.
طلب من كريم يكلم النيابة العامة، محاميه الخاص، واتنين صحفيين يبعتلهم نسخ فورية من الملفات، وأمر بتسليم كل السيرفرات، الحسابات السرية، والتسجيلات للعدالة.
عمرو بص له برعب
هتسلم لحمك ودمك للحكومة؟
سليم رد عليه
دمي سرق مني 20 سنة من عمري.
في اللحظة دي، تليفون هناء رن.. رقم مجهول.
صوت راجل نطق اسمها هناء؟
نفسها انقطع وقالت
دانيال؟
جه الصوت من الناحية التانية مكسور
أيوه يا هناء.
هناء حسيت ب 7 سنين من الغل والقهر بيفرقعوا في صدرها. دانيال مكنش ميت ولا هرب مع واحدة تانية، دانيال كان تحت برنامج حماية الشهود التابع للنيابة.
كان سرق ملفات نيمسيس وشهد ضد دكاترة، رجال أعمال، ومسؤولين كبار، ومُنع من الاتصال بعيلته لأنهم كانوا هيستخدموا ابنهم يوسف عشان يوصلوا له ويصفوه.
هناء عيطت بقهر
سبت ابنك يفتكر إنك مش عاوزه!
دانيال
عارف.. ومفيش كلام في الدنيا هيعوض السنين دي.
بس دانيال كشف حاجة أسوأ؛ مرض يوسف مكنش تشخيصه صح بالكامل. شبكة نيمسيس كانت اكتشفت جين مناعي وراثي عند يوسف، ومسحت النتيجة عشان الولد ميربطش بين حالات تانية الشبكة دي تلاعبت فيها.
والخبر الحلو المرض ليه علاج.. صعب وغالي وطويل، بس موجود.
هناء قعدت على الرصيف وعيطت بنحيب مكنتش سمحت لنفسها تطلعه من سنين.. طول السنين دي كانت بتحارب
