زيارة غير مناسبة
حصلت يا حبيبي من الأول خالص.
الولد بلع ريقه، وبص حواليه كأنه لسه خايف بابا كان بيتكلم في التليفون كتير اليومين اللي فاتوا وكان بيقفل على نفسه الأوضة
وبعدين؟
مرة سمعت صوت ست كانت بتتكلم بصوت عالي وبابا كان متعصب
سهام حاولت تفضل هادية قالوا إيه؟ فاكر حاجة؟
هز راسه كانت بتقول له يسرع وإن كل حاجة لازم تخلص قبل ما ترجعي
الجملة دي وقعت تقيلة على قلبها، بس كملت وشوفتها؟
آه جت البيت مرتين كانت بتبص حواليها كتير وتسأل عنك
سهام حسّت إن الصورة بتتكمل قدامها مش صدفة، كل حاجة كانت مترتبة.
والنهاردة؟
الولد غمض عينه لحظة جت بدري وبابا كان متوتر كانوا بيتخانقوا وبعدين دخلوا أوضتك
إنت دخلت وراهم؟
لا بس سمعت صوت حاجة بتتقطع وصوت باب
سهام سكتت، دموعها نزلت في صمت، بس مسحتها بسرعة قبل ما يشوفها وبعدين حصل إيه؟
خرجوا بسرعة الست كانت بتجري وبابا قال لي أفضل مكاني وما أفتحش الباب لأي حد
سكتت لحظة طويلة، وبعدين قامت فجأة يلا بينا.
هنروح فين؟
على البيت بس مش لوحدنا.
ركبت تاكسي وطلبت عنوان أختها. طول الطريق كانت ساكتة، عينيها باصة من الشباك، بس عقلها شغال بسرعة رهيبة بيربط كل حاجة ببعضها.
أول ما وصلت، أختها فتحت الباب بصدمة سهام! إنتي رجعتي؟!
سهام دخلت من غير مقدمات محتاجة مساعدتك دلوقتي.
قعدوا جوا، وحكت لها كل حاجة بالتفصيل. أختها كانت مصدومة إنتي متأكدة من اللي بتقوليه ده؟
سهام ردت بثبات أنا شفت بعيني وسمعت من ابني ومفيش حاجة في البيت
أختها سكتت شوية، وبعدين قالت يبقى لازم ترجعي هناك بس المرة دي مش لوحدك.
بعد ساعة كانت سهام واقفة قدام شقتها تاني، ومعاها أختها وابنها. قلبها بيدق بس المرة دي مش خوف المرة دي تصميم.
فتحت الباب بالمفتاح دخلوا.
البيت كان ساكت بس مش زي المرة اللي فاتت. في حاجة اتغيرت في إحساس إن في حد كان هنا من شوية.
دخلت الصالة ببطء وبعدين وقفت فجأة.
استني
أشارت ناحية الأرض.
في أثر تراب خفيف داخل من باب الشقة لحد الطرقة كأن حد دخل مستعجل.
قربت أكتر ومشيت ورا الأثر لحد ما وصلت لأوضة النوم.
الباب كان مفتوح نص فتحة.
بصت لأختها خليكي ورايا.
ودفعت الباب
الأوضة كانت متلخبطة أكتر من الأول الشنطة اتقفلت، بس مش بنفس ترتيبها والدولاب
أختها همست واضح إن في حد رجع هنا بعد ما مشيتي.
سهام قلبها دق بقوة دخلت بسرعة تفتش.
فتحت الدرج قلبت الهدوم لحد ما وقفت فجأة.
حاجتي ناقصة
إيه؟
ورق مهم كان هنا مش موجود.
سكتوا الاتنين التوتر بقى تقيل في المكان.
وفجأة
صوت خبط خفيف على باب الشقة.
التلاتة بصوا لبعض في نفس اللحظة
الخبط اتكرر أهدى بس أوضح.
مين؟ أختها قالتها بصوت عالي.
مفيش رد.
سهام قربت من الباب ببطء قلبها بيدق بعنف ومدت إيدها على الكالون
وقبل ما تفتحه بلحظة
سمعت صوت واطي من بره
أنا عارف إنك رجعتي ولازم نتكلم دلوقتي.
الصوت كان صوت عصام بس نبرته كانت مختلفة فيها حاجة غريبة حاجة مش مريحة.
سهام بصت لأختها وبعدين لابنها اللي مسك
وخدت نفس عميق
وقررت تفتح الباب.
