الضربة القاضية انجي الخطيب
نيرمين كبير، مش هتحس بحاجة. يلا جهزي نفسك، بكره هننزل نكتسح المولات!
نيرمين كانت نايمة في السرير، باصة للسقف ومركزة في كل كلمة. هبلة.. قدرت أسيطر عليها.. تمام يا مدحت.
طلعت موبايلها وفتحت تطبيق البنك. هي عندها حسابين حساب المرتب الأساسي، وحساب فرعي مربوط بالفيزا اللي مع مدحت عشان مصاريف البيت.
بكل هدوء، دخلت على الإعدادات
حد المشتريات اليومي 500 جنيه.
سحب كاش 0 جنيه.
تحويلات بنكية إيقاف.
التنبيهات على موبايلها هي بس.
وداست حفظ.
يوم 29 ذو الحجة البروفة
مدحت رجع بالليل ووشه قالب.
نيرمين! الكارت فيه إيه؟ جيت أفول العربية قالي العملية مرفوضة! اضطررت أحط ب 50 جنيه بس فكة كانت معايا زي الشحاتين!
نيرمين ردت وهي باصة في اللاب توب غريبة! تلاقيه ضغط على السيستم عشان العيد.. خدمة العملاء قالوا لي إن فيه تحديثات في الشبكة وممكن تهيس يومين تلاتة.
مدحت وشه اصفر تلات أيام؟! والطلبات والهدوم اللي هنشتريها بكره مع ماما ولارا؟
جرب يا حبيبي، يمكن المبالغ الصغيرة تعدي. ولو مأزمت قوي.. ابقى اصرف من أرباح استثماراتك اللي قلت عليها.
يوم الوقفة العرض الأخير
نيرمين في الشغل، وموبايلها مش بيبطل رن رسايل من البنك
محاولة شراء محل ملابس براند 25000 جنيه مرفوض.
محاولة شراء محل عطور 15000 جنيه مرفوض.
محاولة شراء
في الهايبر ماركت، مدحت كان واقف قدام الكاشير، ووراه طابور طويل. وحماتها الحاجة زينب واقفة ومعاها ترولي مليان على عينه فخدة ضاني، بط، مكسرات، ياميش، وحلويات غالية. ولارا واقفة جنبهم بتنفخ بضيق.
على الأقل نشتري الأكل! لارا زعقت بصوت واطي. أنت وعدتنا يا مدحت! إيه الفضيحة اللي حصلت في محل اللبس دي؟ خليت شكلي وحش قدام الناس!
مدحت كان بيعرق اسكتي! الكارت هيشتغل دلوقتي.. العيب في المكنة.
الكاشير ببرود الحساب 12600 جنيه يا فندم. فيزا ولا كاش؟
مدحت بثقة فيزا.
المكنة طلعت صوت بيييب مزعج.. العملية مرفوضة.
جرب تاني! مدحت صرخ. أنا متأكد إن فيها فلوس!
الكاشير بص له بشك يا أستاذ المكنة بتقول تجاوز الحد المسموح.. هي دي فيزا مشتريات ولا كارت ميزة بتاع معاشات؟
الناس في الطابور بدأت تزعق خلصونا يا جماعة! اللحمة هتسيح!.. يا أستاذ لو مش معاك فلوس سيب الحاجة وامشي!
مدحت طلع موبايله واتصل بنيرمين وهو بيغلي.
أنتي عملتي إيه في الزفت الكارت؟! مدحت زأر في التليفون. أنا واقف قدام الكاشير، وأمي معايا والترولي مليان، وانفضحت وسط الخلق!
نيرمين ردت ببرود الجليد مدحت، متزعقش، أنا في اجتماعي السنوي.
اجتماع إيه وزفت إيه! فكي الكارت فوراً! عايز أدفع حساب الأكل والداون بايمنت بتاع الساحل!
مدحت، البنك قفل الحساب تماماً. قالوا إن فيه محاولات سرقة وعمليات شراء مريبة ورمي فلوس في الأرض. وبما إنك مستثمر وشاطر، اصرف من جيبك بقى. أما بالنسبة ليا، أنا حجزت لنفسي أسبوع في فندق سبا هقضي فيه إجازة العيد لوحدي عشان أفصل.. سلام يا بطل.
ليلة العيد كشف المستور
نيرمين كانت قاعدة في شقتها ملكها هي، والبيت نظيف وريحته بخور. الساعة 10 بالليل، الباب اتفتح ودخل مدحت ووراه أمه وأخته.. وشوشهم تقطع الخميرة من البيت، وجعانين، وإيديهم فاضية.
أهي! قاعدة الهانم ولا على بالها! حماتها صرخت وهي بتشاور بصوباعها. يا نيرمين يا بنت بطني! مفيش حيا؟ تسيبينا نتشحت في المولات والناس تتفرج علينا؟
نيرمين قامت بوقار، طلعت دوسيه من الدرج وحطته قدامهم.
منورة يا حاجّة زينب. منورة يا لارا. خير؟ داخلين بيت مش بيتكم وبتزعقوا ليه؟
مدحت مش بيتنا إيه؟ ده بيت جوزك!
نيرمين ضحكت بيت جوزك؟ طيب بص يا مستثمر يا كبير.. ده كشف حساب شركة مدحت العائلية. شايف الخانة دي؟ دخل مدحت في 2025؟ مكتوب فيها إيه؟
لارا بصت في الورقة مكتوب.. صفر؟
نيرمين بالظبط. وصرف مدحت من فيزتي في السنة اللي فاتت؟ 640 ألف جنيه. ده تمن برستيج أخوكي الكداب، وهداياكم اللي كان بيجيبهالك ويقولك ده من شقاي، وتمن البنزين والمنظرة.
نيرمين سحبت الورقة بعنف ابنك
مدحت وشه بقى أحمر زي الدم نيرمين.. بتصغريني قدام أمي وأختي؟ كنا نحلها بيننا..
اتحلت خلاص يا مدحت. شنطة هدومك ورا الباب، جهزتها لك من ساعة.
مدحت انهار شنطة إيه؟ أنتي بتطرديني؟ في ليلة العيد؟
أيوة. مش كنت بتقول لارا أنا الراجل وأنا اللي بقرر؟ وريني رجولتك بقى.. أجر شقة، وأكل أمك وأختك، بس بعيد عني. المفاتيح على التربيزة.. واتفضلوا بره.
لارا حاولت تتشطر أنا عايزة أدخل الحمام! وهاخد البرفان بتاعي اللي سبته المرة اللي فاتت!
نيرمين وقفت قدامها الحمام في الجامع اللي ع الناصية. والبرفان اللي بتتكلمي عنه ده بتاعي أنا، اللي كان مدحت بيسرقه مني ويدهولك.. اطلعي بره.
خرجوا وهما بيجروا أذيال الخيبة. حماتها بتدعي إن نيرمين هتعنس، ولارا بتصوت إن أخوها هيتجوز سيد سيدها، ومدحت بيجر الشنطة وهو بيعيط حرفياً.
نيرمين قفلت الباب بالترباسين والسلسلة.
الساعة جت 12.. صوت تكبيرات العيد بدأ يملى الشوارع الله أكبر، الله أكبر...
نيرمين قعدت، كلت حتة بسبوسة، وفتحت الموبايل لقت رسالة من مدحت نيرمين أنا آسف، أنا غبي، أنا عند أمي والكنبة مكسورة ومفيش أكل في البيت.. ينفع أرجع وأصالحك؟
نيرمين ابتسمت، وعملت Block.
عيد سعيد عليكي يا نيرمين.. سنة جديدة، وحساب
تمت
بقلم انجي الخطيب
