يوم خطوبة اخويا الکاتبه نور محمد
فيهم كان عامل حسابها...
الکاتبه_نور_محمد
الجزء الأخير،
وصلت للباب الخلفي للقاعة، قلبي كان بيدق زي الطبول بس عقلي كان أبرد من التلج. لقيت نرمين واقفة بفستان خطوبتها المنفوش، بتبص حواليها پخوف وتوتر. أول ما شافتني، ملامحها اتغيرت وقالت باستغراب
إنتي؟ بنت خالة طارق؟ إنتي اللي بعتّي الرسالة؟
ابتسمت بسخرية وطلعت موبايلي من شنطتي
أنا مش بنت خالته يا نرمين.. أنا أخته الكبيرة اللي شقيت وتعبت عشان أعمل منه بني آدم، وهو استعرّ مني وخباكي عني. بس دي مش مشكلتنا دلوقتي.. مشكلتنا في اللي هتشوفيه هنا.
فتحت الفيديوهات والتسجيلات اللي على موبايلي وحطيت الشاشة قدام عينيها.
صوت طارق كان طالع واضح وهو بيكلم واحدة تانية، وبيقولها بالحرف يا بنتي خطوبة إيه اللي أعملها حساب؟ دي مجرد كوبري.. أبوها لواء متقاعد وعنده علاقات هتفتحلي سكك شغل بالملايين.
مجرد ما أثبت رجلي في الشركة بتاعتهم، هرميلها ورقتها وأتجوزك إنتي في الشقة اللي أختي المغفلة
نرمين حطت إيدها على بوقها، ودموعها نزلت بوظت الميكياج اللي دافعة فيه ألوفات. بصتلي پصدمة وقالت بصوت بيترعش إنتوا إيه؟ عيلة من الشياطين؟
مسكت إيدها وبصيت في عينيها بثبات أنا ضحېة زيك بالظبط.. بس أنا قررت أبطل أكون الضحېة. هتدخلي معايا ولا هتمثلي إنك مشوفتيش حاجة وتكملي المسرحية؟
مسحت دموعها پعنف، وعينيها قلبت شرار ندخل.. وننهي المهزلة دي.
زقينا باب القاعة الرئيسي إحنا الاتنين مع بعض. الموسيقى كانت شغالة وطارق كان واقف على الاستيدج بيدور على عروسته. أول ما شافنا داخلين مع بعض، وشه جاب ألوان الطيف
والمايك وقع من إيده عمل صوت صفارة عالية خلت القاعة كلها تسكت وتبص علينا.
أمي جريت علينا وهي بتلطم على وشها بصوت واطي يا مصېبتي! إنتي طلعتي ليه؟ وعملتي إيه في البنت؟
نرمين زقتها بالراحة وقالت بصوت عالي ابعدي عني يا ست إنتي! أنا عرفت حقيقتكم كلكم.
طارق نزل يجري من على الاستيدج، وبيحاول يبتسم بوشه الباهت قدام المعازيم وأهل
طلعت المقص من شنطتي.. المقص اللي أمي كانت بتخيط بيه هدومي القديمة عشان توفر فلوس تديها لطارق. طارق رجع لورا پخوف لما شاف المقص بيلمع في إيدي.
قلتله بصوت هادي بس مسموع للقاعة كلها
متخافش يا باشمهندس.. أنا مش هوسخ إيدي بدمك. أنا جاية أقص آخر حبل بيربطني بيك وبأمي.
قربت منه، ومسكت الكرافتة الحرير الغالية اللي أنا دافعة تمنها، وبحركة سريعة قصيتها نصين بالمقص.
الكرافتة دي بفلوسي.. والبدلة بفلوسي.. والشقة اللي كنت ناوي تتجوز فيها حبيبة القلب التانية بعد ما تسرق فلوس أهل نرمين.. برضه بفلوسي!
أبو نرمين اللواء قرب ومسك طارق من ياقته وزعق كلام إيه اللي بتقوله ده؟ حبيبة قلب تانية مين وفلوس مين؟
نرمين رفعت الموبايل بتاعي وشغلت الفويس نوت في المايك بتاع القاعة.
صوت طارق وهو بيخطط يستغلها ويستغل فلوس أبوها رن في المكان كله. أهل العروسة هجموا على طارق، وأمي
وقفت أتفرج عليهم ثواني، وبعدين بصيت لأمي اللي بتبصلي بكسرة ورجاء، وقلتلها
طول عمري بشتري رضاكم، وكنت فاكرة إن الډم عمره ما يبقى ماية. بس إنتوا اللي خليتوه سم. أنا بكرة الصبح هبيع الشقة اللي باسمي، وهاخد كل قرش ليا، وهبدأ حياتي من أول وجديد بعيد عنكم. اللي يبيع لحمه عشان المظاهر، ميستاهلش يعيش غير في الفضايح.
رميت المقص جنب أمي على الأرض، ولفيت ضهري للقاعة اللي كانت مقلوبة فوقاني تحتاني، ومشيت بخطوات ثابتة، رافعة راسي للسما. لأول مرة من سنين أحس إن ظهري مفرود، وإن الهوا اللي بتنفسه نضيف.
الرسالة اللي اتعلمتها ودفعت تمنها غالي العيلة اللي متسندكش في ضعفك وتفتخر بيك في نجاحك، وتستغلك تحت مسمى صلة الرحم.. بترهم حلال، والهروب منهم هو أول طريق للنجاة. قيمتك مش في تضحيتك للناس الغلط، قيمتك في احترامك لنفسك.
تمت
إيه رأيكم؟ النهاية دي لو عجبتك القصه ادعمها بلایك وکومنت للاسمرار
