جبروت زوجة أماني سيد
المحتويات
بيه.
أول ما شافوني، حماتي قالت بلؤم إيه يا أميرة؟ جاية تباركي لأخت جوزك تاني؟
فتحت شنطتي وطلعت منها المحضر والفاتورة، ورميتهم على الترابيزة في نصهم.. عمر وقف مخضوض إيه ده يا أميرة؟
قلت بصوت زي الرصاص ده محضر سرقة يا عمر.. أنا بلغت إن دهبي اتسرق، والشرطة دلوقتي بتدور عليه.. والكوليه اللي في رقبة بنتك ده، موصفاته موجودة في المحضر بالملي.. والفتورة دي تثبت إنه بتاعي.
حماتي وشها اصفر وبدأت تتهته سرقة إيه يا مج . نونة إنتي؟ ده جوزك هو اللي جابه لأخته!
بصيت لعمر وقلت له بابتسامة مرعبة جوزي ملوش فواتير باسمه، والدهب ده خروج من ذمتي المالية ل ذمتك إنتي يا عمر سرقة عيني عينك.. قدامكم حل من اتنين يا الكوليه ده يرجع في إيدي حالا ومعاه بوسة إيد واعتذار، يا إما هكلم الظابط دلوقتي وأقوله إن المسروقات موجودة في العنوان ده وفي رقبة البنت دي.. وتتجرجروا إنت وهي وأمك على القسم بتهمة السرقة والتستر!
العروسة بدأت تصوت وتفك الكوليه من رقبتها وهي بترتعش، وعمر وقف مذهول من جبروت مراته اللي كان فاكرها لقمة طرية.. وحماتي اللي كانت بتتشطر عليا، لقت نفسها مهددة بالحبس والفضيحة وسط أهل العريس.
قلت لهم وأنا بلم ورقي الدهب ده شقا سنيني.
عمر كان واقف متسمر في مكانه، عينه بتروح وتيجي بين المحضر اللي في إيدي وبين أمه وأخته اللي انكمشوا من الخوف. مكنش متخيل إن أميرة الهادية، اللي كانت بتوفر القرش على القرش عشان تجيب حتة دهب، ممكن تتحول ل وحش قانوني بياخد حقه بالورقة والقلم.
أخته بدأت تترعش وهي بتفك الكوليه من رقبتها بإيد بتترعش، ورمته على التربيزة وهي بتعيط وتقول
خدي حاجتك أهي.. مش عايزين منها حاجة، إنتي إيه يا شيخة؟ عايزة تفضحينا وتجرجرينا في الأقسام ليلة فرحي؟
حماتي حاولت تستعيد جبروتها وقامت وقفت وهي بتصوت
شفت يا عمر؟ شفت مراتك بتعمل فينا إيه؟ دي بتهددنا بالحبس! ارمي لها دهبها في وشها وطلقها، دي واحدة متتأمنش في بيت!
بصيت لحماتي ببرود تام وقلت لها
تؤتمن؟ إنتي بتتكلمي عن الأمانة يا حماتي؟ اللي يمد إيده على شقى غيره ميعرفش يعني إيه أمانة.. والدهب ده مش هرميه في وشي، ده حقي اللي إبني سرقه عشان يكبّرك بالباطل.. والطلاق يا عمر؟ لو فكرت فيه دلوقتي، المحضر ده هيتحول من سرقة ضد مجهول ل سرقة ضدك إنت وأهلك.. والورق اللي
عمر قرب مني، وصوته كان واطي ومكسور، وبان فيه الخوف الحقيقي
أميرة.. اهدي، مكنتش أعرف إنك هتوصليه للدرجة دي.. أنا كنت عايز أجبر خاطر أختي في ليلة زي دي.
ضحكت بسخ رية وقلت له
تجبر خاطرها بمال غيرك؟ ده اسمه سرقة مش جبر خاطر.. قدامك دقيقتين بالظبط، تلم لي كل الدهب اللي خدته من ورايا، الكوليه وأي حتة تانية فكرت تمد إيدك عليها، وتتأسف لي قدام أمك وأختك حالا.. وإلا المكالمة الجاية هتكون للظابط.
عمر بص لأمه بقلة حيلة، وانحنى وخد الكوليه من على التربيزة وقد مهولي بإيد بتترعش وهو بيقول بصوت مسموع
أنا آسف يا أميرة.. حقك عليا، والدهب هيرجع مكانه وما عاش ولا كان اللي يمد إيده على حاجتك تاني.
خدت الكوليه منه، وطلعته قدام عينيهم وأنا بمسحه بقطنة كانت في شنطتي كأني بطهر مكان رقبتهم، وقلت ليهم بمنتهى القوة
الدهب ده هيروح يتحط في خزنة في البنك بكره.. ومفاتيح بيتي هتتغير، وأي مليم هينقص من البيت بعد كدة، المحضر ده هيتفتح تاني.. إنتو عرفتوا دلوقتي إن أميرة اللي بتبني، تقدر في لحظة تهد كل حاجة على د ماغكم لو فكرتوا تستغفلوها.
خرجت من البيت وأنا حاسة بانتصار ملوش مثيل.. مكنش انتصار
بعد ما رجعت الكوليه، أميرة مابقتش هي هي أميرة الطيبة اللي كلمة توديها وكلمة تجيبها. قلبت وشها تماماً، وبقت في البيت زي الضيف، بتعمل الواجب اللي يرضي ربنا بس من غير روح، من غير ضحكة، ومن غير أي كلمة زيادة مع عمر.
عمر حاول في الأول يكابر، ويقول لنفسه يومين وهتروق، لكنه لقى نفسه عايش في سج . ن بارد. أميرة مابقتش تسأله رايح فين ولا جاي منين، ولا حتى بقت تهتم بطلباته الخاصة. كانت بتغسل وتطبخ في صمت مرعب، ولما يجي يتكلم معاها، ترد بكلمة واحدة آه أو لأ، وعينها دايماً في موبايلها أو في شغلها.
مر شهر، والتاني، وعمر بدأ ينهار.. البيت من غير روح أميرة بقى كئيب، وأمه وأخته اللي عمل عشانهم الفضيحة دي، مكنوش بينفعوه بشيء، بل بالعكس، كانوا دايماً بيشحنوه وهو مابقاش طايق يسمع صوتهم.
في ليلة، دخل عمر الأوضة ولقى أميرة قاعدة بتقرأ كتاب بهدوء. وقف قدامها وسكت كتير، وبعدين نزل على ركبته قدامها، وبص في عينها بد موع حقيقية المرة دي وقال
أميرة.
متابعة القراءة
