ماتت وهي بتولد ل نور محمد

ماتت وهي بتولد ل نور محمد
ماتت وهي بتولد وجوزها اتنفس الصعداء وأخيرا ارتاح.. بس فجأة الدكتور نطق كلمتين قلبوا الترابيزة على الكل ودمروا خطتهم للأبد!
صوت جهاز ضربات القلب والمستمر مالي أوضة الولادة صوت بيخترق الودان زي الإنذار
اللي مفيش حد عايز يسمعه..

خط مستقيم على الشاشة.
مفيش نبض.
يعني خلاص.. النهاية.
قلب نور وقف.. الست اللي قعدت 12 ساعة بتصارع الموت في ولادة متعثرة استسلمت أخيرا وراحت.
الدكاترة جروا في كل حتة..
الممرضات بيزعقوا.. بسرعة صدمات كهربا!

.. أدرينالين فورا!..
الأوضة تحولت لخلية نحل وموجة من الفوضى المنظمة..
بس في ركن بعيد كان فيه سكون مريب.
كان واقف هناك عمر جوزها.
وجنبه والدته الحاجة صفية.
وماسك في دراعه نهى السكرتيرة بتاعته كأنها هي صاحبة المكان مش نور اللي بتموت جوه.
لما الدكتور عادل شال الكمامة ونزل راسه للأرض وهو بيبص في ساعته عشان يعلن وقت الوفاة عمر معيطش.. منهارش..
بالعكس ده خد نفس طويل.. نفس واحد كان شايل جبل وانزاح.
الحاجة صفية ربعت ايديها وتمتمت بكلمتين الحمد لله استريحت وارتاحت.. مكنش دعاء بالرحمة ده كان احتفال بالخلاص!
أما نهى.. فابتسمت نص ابتسامة.. ابتسامة نصر كأنها بتقول أخيرا اللعبة خلصت.
كانوا فاكرين إن العقبة اللي في طريقهم اتشالت.
فاكرين إن الورث والملايين والشركات بقت في جيبهم خلاص.
بس اللي مكنوش يعرفوه واللي الطمع عماهم عنه إن موت نور مكنش النهاية..
ده كان أول مسمار في نعشهم كلهم.
الدكتور عادل بص ليهم بنظرة كلها شك واحتقار قلع الجوانتي وخد خطوة ناحيتهم ونطق كلمتين هدوا المعبد فوق دماغهم
دول توأم!
قبل ما أحكيلكم إزاي الكلمتين دول دمروا إمبراطورية الأكاذيب اللي بنوها وودوا عصابة الورث دي ورا الشمس لازم تعرفوا الحكاية بدأت منين.
نور مكنتش ساذجة هي بس كانت بتحب بجد.
بعد ما ورثت سلسلة الفنادق الكبيرة بتاعة أبوها حست بوحدة غريبة في قصرها.. ولما ظهر عمر المهندس الشيك بصوته الهادي وضحكته اللي تخطف افتكرت إنها لقت الأمان.
بس ياريتها ما لقتوش.
بعد الجواز القناع وقع.

الحنية بقت برود والاهتمام بقى انتقاد وقرف.
وبعدين ظهرت الحاجة صفية اللي جات تعيش معاهم بحجة تساعد نور في حملها بس الحقيقة إنها