دقة قديمة مها زياد

تقدر تخلصه براحتك بس ياريت متبقاش تشيل العلامة إلي حطاها
شكرني طبعا وقالي حاضر
سيبته وخرجت من المكتبة وأنا عاوزة أقعد شوية كمان وشه مريح أوي عيونه العسلية دي هادية
كان ميعاد محاضرتي جه فدخلت قعدت لوحدي كالعادة بقالي سنتين في الكلية مقدرتش أعمل صحاب كلهم مش شبهي
لسه في بداية الترم ففي دكاترة ومعيدين كتير لسه مدخلوش المادة بتاعت دلوقتي جديدة ودكتورها جديد لسه متعين جديد بس بيقولوا شاطر إسمه حلو كمان لفت إنتباهي أصله تسعيناتي فاروق
في شباب من إلي كانوا واقفين على الباب قالوا إن الدكتور في أول الطرقة دقيقة وكان في شاب داخل من باب المدرج
طلع نفس الشاب إلي شوفته في المكتبة كنت فاكراه طالب معانا بس الصدمة لما طلع هو نفسه الدكتور الجديد
يادي المصيبة يعني عرفني دلوقتي وممكن يبقي يوقفني أجاوب أنا شاطرة الحمد لله فخوفي مش من الأسئلة بس أنا الرهاب الإجتماعي يقولي يا أستاذة
ببقي عارفة الإجابة ولو دكتور قومني أقولها قدام الدفعة الإجابه بتطير وببقي شبه العبيطة
بدأ يشرح وأنا بحاول أركز في المحاضرة ومأركزش معاه مع إن بقيت البنات واضح عليهم أوي الإعجاب لدرجة سخيفة في بنات حاولت تعطف وتلطف وتستخف في دمها علشان تلفت إنتباهه بس هو كان مركز معايا
مش بضحك على نفسي بس بجد كان مركز معايا وفي كذا بنت أخدت بالها وبقوا يبصولي من تحت لتحت كده
إستمر الوضع كده لحد أخر السنة بعد إمتحان الفاينل بتاع المادة لقيته مستنيني قدام القاعة بره طبعا عملت نفسي مشوفتوش لحد ما نده عليا إعطاني جواب وسابني ومشي
جواب! يااااه هو لسه في حد بيكتب جوابات
أنا لسه بكتب جوابات فعادي يعني روحت وفتحته وبدأت اقرأ وعيوني بتطلع قلوب
كلامه قمر طريقتة جميلة وخطه مختلف عن أي خط شوفته كإنه مرسوم
السلام على من شغلت عقلا كنت أظنه لا يشغل وسحرت قلبلا كنت أحسبه لن يعشق
يمكن تستغربيني بجوابي ده بس أنا كله بيقول عليا دقة قديمة وأنا مبسوط بده أنا حسيتك شبهي
معنديش الجرأه الكافية إني أجي أعترفلك بحبي في وشك بس أنا بتمني تفتحيلي بابك
صدقيني هكون أسعد إنسان لو دبلتك نورت صابعي
هكون ممتن للحظ إلي ضحكلي على الأقل مرة في عمري
في نهاية الجواب حابب أقولك
لقد خلقنا لبعضنا حتي وإن كنا لا نعلم فكل الصفات المشتركة بيننا تثبت ذلك
حبك للمكتبة والكتب في زمن أصبحت فيه الكتب الألكترونية هي السائدة إستايل لبسك إلي مشوفتوش على حد من أيام ممثلتي المفضلة وإلي لفت إنتباهي ليك أكتر
حتي جمالك الهادي وهدوئك وإحترامك
حتي الهيلز إلي بتلبسيها في زمن بقيت الكوتشيات والسليبرات فيه مالية البلد
أخر سر أنا مكنتش محتاج الكتاب يوم المكتبة بس أنا عملتها حجة علشان أكلمك
بتمني لو موافقة تردي عليا في جواب برقم باباكي
دمتي في حفظ الله وقلبي
إنتهيليه أنا لسه مشبعتش من كلامه
قومت بسرعة كتبت في جواب رقم بابا وتاني يوم روحت مكتبه وكان مش موجود فإستغليت الفرصة وحطيته تحت كتاب على مكتبه ومشيت
بعد الإمتحانات كان هو بيلبسني الشبكة خلصت كليتي وإتجوزنا كان بيتنا هادي وأنيق كله أعجب بيه مع إنه دقة قديمة بس كل ما هو قديم جميل
صحيح كل حاجة في حياتنا كانت دقة قديمة إلا حبنا ده الوحيد اللي عمره ما قدم بالعكس كل يوم حنيته بتزيد واهتمامه بيكبر وحبه في قلبي بيعلى طرديا مع الأيام اللي بنعدي بيها سوا 
دقة_ قديمة
إسكريبت
Maha_Zayed