دقة قديمة مها زياد

إيه الي إنت لبساه ده يا بيان ده لبس مامتك
سؤال سألتهولي زميلتي ميري قدام كل الدفعةبهدف إنها تحرجني ولكن على مين مش هعطيها الفرصة
رديت عليها بكل ثقة وتحدي وقولتلها
لا يا ميري دي سوت يا حبيبتي بس أنا مفصلاها على نظام التيورات
ردت بكل غرور وهي رافعة مناخيرها في السماء
أه موضه التسعينات يعني طيب يا ستي مفرقتش كتير كنت خدي من هدوم مامتك حتي توفير بدل ما تضيعي فلوسك في الأرض
رد زميل سخيف سخافة بجد برد أسخف منه
إحنا كده دلوقتي إتأكدنا إنها فعلا دقة قديمة
بصيتله بإشمئزاز وقولتله
لا يا معتز أنا مش دقة قديمة أنا متربية ودي طبعا حاجه مسمعتش عنها قبل كده
هو طبعا فهم تلميحي على إنه مش متربي فإتكسف وحس إني طلعته على المسرح فمشي
وطبعا ميري بتحبه فإتحمقت لزعله وإستحلفتلي كالعادة بس عادي يعني

إلي معاه ربنا ميخافش
مشيوا كلهم وسابوني لوحدي كنت متضايقة من الوحدة بس مبسوطة براحة البال
أصل تساوي إيه اللمه لو كدابة ومنافقة
شغلت البلاي ليست بتاعتي على القرآن بصوت مشاري راشد إلي بيحسسني بالهدوء
تعرفوا إنهم مطلعين عليا دقة قديمة دي علشان بلبس دريسات وسوتات شبه التسعينات وعلشان بسمع مشاري راشد !
بيقولولي في حد لسه بيسمع قرآن!
مكنتش فاهمه السؤال لإنه مش طبيعي هو مصاغ غلط تقريبا
أصل أكيد قصدهم هو في حد لسه مبيسمعش قرآن
ده إحنا محتاجين ميكروفونات تمشي في الشارع تدعونا للتوبه والرجوع إلي الله إحنا عايشين في أسوأ حقبة زمنيه عدت على التاريخ والله
من إلي شوفته هنا كنت فاقدة الأمل إني أشوف في الكلية الطويلة العريضة دي حد بيحاول يحافظ على إلي باقي من قيم المجتمع إلي ربتنا عليها أهالينا
أه يا جماعة أنا دقة قديمة لو حبي للبس التسعينات وهدوء ورقي التسعينات يخليهم يوصفوني بكده فا أه أنا معترفة ومش مكسوفه من ده
من كتر مللي من قعدتي لوحدي طلعت لمكاني المفضل المكان الوحيد إلي طلعت بيه من الكليةالمكتبة
دخلت وأخدت الكتاب إلي بقرأ فيه بقالي فتره ومعلمة أنا واقفة فيه لحد فين وقعدت لفت إنتباهي وجه جديد
وجه جميل طويل وعريض ولبسه أجمل شيك أوي لابس سمارت كاجوال
استايل اللبس ده أنا واقعة في غرامه طبعا لإنه شبه بدل التسعيناتأنا والله genzده ما كان ينفع يبقي الجيل إلي أتولد فيه أنا مكاني في التسعينات
المهم هو إختار كتابه وقعد المفاجأة إني لقيته مشغل سورة يوسف بصوت مشاري راشد بصوت واطي يادوب هو بس إلي يسمعه
أنا سمعته لإني كنت قاعدة في الترابيزة الي جمبه على طول فرحت طبعا وحسيت بإنتصار
أصل في ناس لسه بتسمع قرآن أهوه مش كله بيسمع مهرجانات وراب وحاجات غريبة كده مش فاهمة بيتكلموا منين بحسهم بيتكلموا من بطنهم أو كاتمين نفسهم بيكونوا مخنفيين والله يلا أهي أذواق هي منيلة صحيح بس لولا إختلاف الأذواق بقا
حاولت ألفت إنتباهه بس طبعا حيائي منعني لحد ما لقيته جاي يكلمني
يا فرج الله معقول قلبه دق دقة على نفوخك يا شيخه قلبه اي إلي دق ده ميعرفش إنك عايشة أصلا وبعدين إنت هتستهبلي إنت لحقتي تحبيه إنت لسه شيفاه من خمس دقايق
قرب مني وبكل أدب وهو باصص في الأرض قال
أنا آسف يا آنسة مش قاصد أضايقك بس أنا خلصت الجزء الأول من السلسه إلي معاكي وكنت محتاج الكتاب إلي معاكي لأنه الجزء الثاني
أنا متأسف بس هشوف فيه حاجة ضروري وهرجعه لحضرتك على طول
رديت وأنا بديهوله بكل ذوق
لا ولا يهمك خالص أنا أصلا كنت قايمة إتفضل