حكاية مريم

عشان عندي بهاق صح 
. متاخديش الموضوع ب حساسية أوي كده يا مريم أي واحده مكانها كانت هتقول كده 
مش أي واحده يا أحمد في ناس كانت هتحترم إن المرض ده مش بإيدي اتعالج منه و إنه مش معدي أصلا 
. أنا آسف يا مريم كل شئ قسمة و نصيب .
هو جرح المشاعر ب الساهل كده هو إزاي العالم مؤذي بالطريقة دي ! اسمي مريم مريضة بهاق والدي متوفي و معنديش غير اخ واحد و متجوز مليش غير ماما هي الي جنبي دايما أحمد خطيبي أو كان و انفصلنا 
. مين زعل ست البنات 
حضنتها جامد أكني بستخبي من العالم فيها أحيانا كل الي بيحتاجه الإنسان وقت زعله هو حضن !  
. اتخانقت أنت و أحمد 
افترقنا ..
. حابه تحكيلي 
نمت في حضنها أول ليلة في الفراق بنبقي لسه مصدومين فكرة إن خلاص كل حاجه انتهت ده آخر كلام و دي آخر نظرة في وش بعض

دي آخر كل حاجه صحيت دماغي مصدعة أكن عقلي بيعاتبني علي اختياري الغلط بالصداع  
. اعمل قهوة و تقعدي تحكيلي 
ماشي
. يالا احكيلي بقي 
اتصل عليا و قالي إنه عايز يقابلني ضروري لما قولتلك إني هقابله في كافية قالي إن مامته مش حباني و كل شويه خناقات بسببي من أول الخطوبة عشان ابنها إزاي يتجوز مريضة بهاق ! 
أحمد اكبر مني بسنتين كان جاري و كنا مع بعض من و احنا صغيرين في تالته ثانوي اعترف أنه بيحبني و هيتقدم و أنا في تانيه جامعة اتصابت ب البهاق و أنا في أولي جامعة  
. و أنت زعلانه  
كان بيقولي إنه بيحبني إزاي اتخلي عني ! 
. عشان مش بيحبك 
إزاي 
. فتحي عينك متبصيش ب قلبك بس أنت بتحبيه صح 
. متتكسفيش من انك تظهري مشاعرك ليا يا مريم 
الصراحة اه 
. إلي أنت شيفاه في عينه ده مش حب ده انعكاس حبك ليه لو كنت بتحبيه فعلا 
. أنت مش بتحبيه أصلا 
إزاي أنا ب ..
. الحب مش بيتولد من يوم و ليلة يا حبيبتي الحب عايز مشاكل عشان يتولد عايز خصام و الي بيحب بجد هو الي هيستمر ..
خدتني في حضنها و كملت كلام .. 
. عارفه ابوك لما اتقدملي مكنتش موافقة و كانت أفكاري طايشة زي البنات أنا عايزة اعيش قصة حب بس ربنا خلق راحة جوايا نحيته رغم إن جدك مكنش غاصبني بس قولت اديله فرصة و اتعرفت عليه في فترة الخطوبة و حسيت ب انجذاب كنت فاكره إنه حب زي اي بنت بس مكنش حب الحب جه بعد الجواز لما قابلنا مشاكل كتير مع بعض و مرت أيام علينا من غير ما يكون في فلوس في البيت و استحملنا مع بعض و مرينا ب فترات صعبة كتير لما شافني و أنا في اسوأ حالاتي و في فترة الحمل الي هرموناتي متلغبطة فيها و مع ذلك كان بيحبني برضوا و حب عيوبي قبل مميزاتي و استحملني و أنا استحملته الأحلام الوردية بتنتهي في أول شهر هتشوفيه و هو صاحي وشه منفخ و شعره الجميل الي بيحط عليه جل منعكش هتشوفيه و هو تعبان و تقفي جنبه و من آياته أن خلق لكم من أنفسكم أزواجا لتسكنوا إليها و جعل بينكم مودة و رحمة إن في ذلك لآيات لقوم يتفكرون ركزي في معني الآية و هتحسي براحة جواك .
طب و هعرف إزاي إني بحب 
. مش هتحتاجي تسألي السؤال ده هتلاقي كلمة بترفعك ل سابع سما و كلمة تشقلب يومك بس متدوريش عليه سيبي قلبك و غضي بصرك و التزمي بأوامر ربنا و أنت ليك رزقك و كل حد ليه رزقه و رزقك هيجيلك يابنتي .
طب أنا زعلانه ليه مادام مش بحبه 
. كان في بينكم ذكريات يا مريم و قلبك مال شويه ليه ف دلوقتي راح و انتهت كل حاجه هتحسي ب فراغ في قلبك و في حياتك و ده طبيعي 
همسح الشات و الصور 
. لو مسحتيهم