رواية الخادمة والبيه بقلم شيري عصام
مره هتخرج مع شاب وكمان بليل وكمان علشان أول مره تحضر صفقة
وبعدها راحت زينب على المستشفي علشان تطمن على رامي وتشوف يسريه..
زينب دخلت اوضة رامي لقت فى ناس هناك وكانت يسريه قاعده معاهم وواضح إنهم يعرفوا بعض..
زينبالسلام عليكم
إبتسمت يسريه لما شافتها وبدأت تتكلم
يسريهوعليكم السلام اتفضلي ياحبيبتي
دى زينب يا سعاد هانم سعاد الدسوقي زوجة إبراهيم خليفه صاحب مصنع بلاستك كبير...سعاد تبقي ساكنه جامب رامي ولما عرفت إنهم أغنيه جدا بدأت انها تتعرف على يسريه وبتحاول تقرب يارا لرامي لأن يارا بتحبه
سعاد بنظرة غريبه اهلا يا زينب
وبدأت تتكلم يارا بنت سعاد اممم اهلا يا زينب انا يارا
سعاد ودي بقا مين يا يسريه هانم! أصل أول مره اشوفها يعني..
يسريه بإبتسامة دى زينب بنت ناس حبايبي
إبتسمت يارا بنظرة إستهزاء ب زينب وقالت تشرفنا يا زينب
إبتسمت زينب وقالت اهلا بيكم
وقعدت شويه وكان واضح إن رامي كل شويه يبصلها ومكنش بيتكم كتير
وبعد حوالى ربع ساعه استأذنو ومشيوا
رامي بتعب يااه أخيرا مشيو..
يسريه بضحكه يبنى إسكت دول جايين يطمنو عليك
إبتسمت زينب وقالت أخبار حضرتك النهارده إيه!!
رامي الحمدلله تمام.. إعملى حسابك إنك رايحه مع أحمد بكره علشان الصفقه
زينب أه أستاذ أحمد قالى
وكانت يسريه قاعده ومش بتتكلم
راميتمام ماشي..طبعا انت مستغربه إيه اللى خلانى أخاليكى تروحي معاه!
بصت زينب ل يسريه بتوتر وقالتأ..أه الصراحه
رامي إبتسم وقال الصراحه أثبتيلى آمانتك وإجتهادك فى شغلك فى الشهراللى اشتغلتيه معايا وكنت دايما بستني منك غلطه ولكن انت ماشاءالله كنتى دايما بتقدمي الأفضل..فقولت أديك الفرصه دى واخاليك تحضري الصفقه...
زينب بهدوء وإبتسامه بسيطه شكرا لحضرتك.. عن إذنكم
يسريه هتمشي ليه يا زينب خاليك قاعده معانا شويه
زينب بإبتسامة معلش يا يسريه هانم أنا عندي شغل كتير بكره ولازم اروح أجهز نفسي
يسريه بإبتسامة تمام ياحبيبتي بالتوفيق ان شاء الله
مشيت زينب وفضلت يسريه مع إبنها
_فى بيت سعاد...
يارا شوفتي يامامي كان بيبصلها ازاي
سعاد بيبصلها ازاي
يارا كل شويه يبصلها وكل م أكلمه يبتسم ويرد عليا على قد الكلمه حتى قولتله اخبارك قالى الحمدلله وخلاص ولا حتى قالى عامله ايه ولا قالى أي حاجة واول لما
دخلت اللى اسمها زينب دى كان واضح عليه إنه بيبصلها كل شويه ويبتسم لما هى تقول حاجه..
سعاد بضحك ياربييي هو إنت مفكره إنه هيبصلها ضحكت مش معقول انا ھموت من الضحك....
يارا اتعصبت أكتر يامامي بقا بطلى ضحك زينب شكلها حلو ولو غيرت إستايلها هتبقي أحلى منى شخصيا
سعاد بضحك تفكيرك بقا سلبي اوى ياقلب مامي.. زينب باين عليها مش من هنا ولا من طبقه عاليه وانا بقولك أهو مستحيل رامي السيوفي يبص لإنسانه زي دى.!
يارا بعصبيه مامييييي..!!! رامي ده ليا لوحدي اوكي.!!!!
وسابتها ومشيت..
_تاني يوم الساعه 6 عند زينب
المنبه ترررررررررن تررررررن
زينب بنوم يختاااي حالا النهارده طلع..
آجلت المنبه ونامت تاني
بعد 5دقايق
المنبه ترررررررررن تررررررن
قامت زينب اتوضت وصلت ولبست من اللبس الجديد اللى جابته ولفت طرحتها بطريقة جميله وحطت ميك اب خفيف جدا ومشيت
مشيت زينب ووصلت الشركه متأخر ربع ساعه
كان وصل أحمد وبيسأل عليها علشان ياخد منها ملفات الشغل
وصلت زينب وأحمد طلب يشوفها علشان الملفات
الباب خبط
أحمد وهو باصص فى الابتوب
_اتفضل
زينب الملفات يافندم
بص أحمد ولكن بدأ يظهر على وشه التفاجئ وقال فى نفسهوااو
ولكن خفي اللى ظهر على وشه فى ثواني وقال كنتى فين كل ده يا انسه زينب.!
زينب أسفه يا مستر احمد والله انا اللي صحيت متاخر
أحمد بصلها لأنها اول مره تقول مستر...
وقال اوك no problem مفيش مشكله بس بلاش تتأخري تاني
مشيت زينب وأحمد فضل يفكر لدقايق ايه اللى بيحصل وازاي زينب غيرت لهجتها وغيرت استايل لبسها
خلصت زينب شغل على الساعه 3العصر وراحت ل يسريه ورامي
دخلت زينب الاوضه لقت رامي نايم..
زينب السلام عليكم يا مستر رامي..!
رامي
عرفت زينب انه نايم ولكن كان واضح ان فى حد كان فى الاوضه
وفجأة دخلت يسريه من وراها وضړبتها بمرح على كتفها
بصت زينب بخضه لقت يسريه
زينب عمتوووو وحشتيني
يسريه بضحكه يابكاااشه.. بس ايه القمر ده يابت يازينب ايه الجمال ده.. ربنا يحفظك ياقلب عمتو
وفجأة صحي رامي وقال عمتو.!!!!!!!!
بصت زينب ويسريه بصدممه..
وننتقل عند أحمد وهو فى
الشركه وقاعد بيجهز الشغل الباقي
وفجأة افتكر زينب وإبتسم وإفتكر قد ايه هو أعجب بيها..
flashback..
يوم الإنترڤيو علشان الشغل
زينبا لسلام عليكم ورحمة الله وبركاته
أحمدوعليكم السلام ورحمة الله افندم
زينب انا كنت كلمت السكرتيره اول امبارح يافندم علشان وظيفة المحاسب وحضرتك ادتنى الميعاد ده..
إفتكر أحمد وقالأه أه انت زينب فريد!
زينب أيوا
أحمداوكي هسألك كام سؤال ولو جاوبتي بإتقان ان شاء الله يتم تعيينك
زينب بثقهان شاءالله
وبدأ احمد الأسإله وبالفعل كانت اجابتها مثاليه ولبقه جدا فى الكلام وتم تعيينها
إستأذنت زينب ومشيت والسعاده واضحه على وشها
أحمدباين عليها كويسه...
flash back
وفجأة يقطع تفكيره صوت تليفونه...
_عند رامي..
يسريه بصت وبدأت تتكلمأيوا يا رامي..
رامي مكنش مصدق وحكتله يسريه كل حاجه..
رامي بصدممه يااه كل ده.!! بقا هانم بنت خالى وانا معرفش..
إبتسمت يسريه وقالتأه يا رامي
أفضل حالات السعادة هي ما تنسجم مع عقلك وقلبك وجوارحك
إبتسم وقال فى نفسه الدنيا ضيقه أوى..
ولكن قالكويس
وزينب كانت قاعده مش بتتكلم..
رامي النهارده ميعاد الصفقه الجديده أتمنى متتأخريش انت وأحمد
زينب حاضر..
وإستأذنت زينب علشان تمشى
وطلعت تجري يسريه وراها
يسريهزينب زينب
زينبن عم
يسريه مش عاوزاك تزعلي من رد فعل رامي لأن الموضوع صعب عليه ومش مستوعب لحد دلوقتي..
زينب وهى بتحط إيدها على كتف يسريه برفقعارفه والله بس انا همشي علشان رايحه بليل مع احمد وحضرتك عارفه ولازم اجهز نفسي واشوف هقول ايه لو حد منهم سألنى على حاجه
يسريه بثقه انا واثقه انك هتكوني أقرب واحده ل رامي ان شاء الله..
إبتسمت زينب ومشيت
الساعه 9 اتصل احمد على زينب وقالها ان فى عربيه هتاخدها علشان تروح وهو هيقابلها هناك
وبالفعل وصلت زينب وكانت لابسه دريس راقي جدا وهيلز وشانطه راقيه وإكسسوار بسيط وكان شكلها راقي..
بدأت الصفقه وقعد زينب واحمد وبدأو فى الكلام..
وبالفعل أحمد وزينب اقنعو العملاء بالصفقه من رغم ان المبلغ المطلوب كان مش كبير ومكنوش وافقين العملاء الا ان زينب اقنعتهم ان الشركه هتساعدهم كتير فى تسويق الاجهزة وانهم شركتهم هتكبر أكبر وأكبر بعد تعاقد شركة السيوفي معاهم
وبالفعل اقتنع العملاء جدا ومضو العقد
وخلص اليوم وبدأ رامي فى تحسن أكتر وأكتر
راحت زينب وجمعت حسابات كل اريدات الشركه فى الشهرين اللى فاتو وإدتهم لاحمد
أحمد اوك يا انسه زينب اعملي حسابك ان انت هيتصرفلك مكافأة النهارده علشان اتقانك لشغلك ده وده بأمر من رامي
استغربت زينب ولكن محبتش تتكلم كتير ووافقت..
وبعد حوالى 4ساعات شغل متواصلين ل زينب آخدت بريك وقعدت مع رحمه ونور
رحمه سكرتيرة رامي
رحمه ها يا زينب عامله ايه بقى وربنا يسهلك يستى على المكافأة
ضحكت زينب وقالت يختي قل أعوذ برب الفلق
رحمه بضحك مش بحسد مش بحسد
نور بضحك الله يكون في عونك يا زينب بجد وشك فى وش مستر رامي علطول
سكتت زينب وفجأة قالت إحم مش فاهمه قصدك يانور!
نور بصي علشان مخبيش عليكي انا مش بحب مستر رامي خالص لأنه علطول پيتخانق معانا ويزعق فينا بس الصراحه مش علطول لأن احيانا بيجي مكاتبنا يطمن علينا كلنا بس بنسبة 80 بيخانق دبان وشه....
حاست زينب بزعل من كلام نور
بس خفت ده وقالت بس انت ازاي تحكمي عليه كده يانور ده غلط
قاطعتهم رحمه وقالت سوري فى التدخل بس يا زينب مستر رامي انسان محترم جدا والصراحه انا بقالى سنه شغاله معاه ومشوفتش منه أي تصرف وحش بس لما يكون متعصب مبيحبش يشوف حد قدامه وعلشان نور حوالى مرتين مكنش خلصت شغلها ومستر رامي اتعصب عليها فهى بتقول الكلام ده.. وكل واحد ووجهة نظره...
إبتسمت زينب ليهم وطلبت منهم يغيروا الموضوع
_فى المستشفى
الدكتور ل يسريه الحمدلله يافندم رامي بيه إتحسن بس هيفضل كمان أسبوع علشان يكون اتحسن خالص
يسريه بإبتسامة تمام يادكتور وشكرا جدا لحضرتك
دخلت يسريه وقالت لرامى على اللى الدكتور قاله وهو وافق بكل سهوله وده كان عكس توقع يسريه نهائي
يسريه بتعجب مالك ياحبيبي
رامي مش عارف ياماما.. فيه حجات غريبه بتحصل معايا
يسريه زي ايه
رامي الصراحه بفكر في ندى كتير..
يسريه بقلق إحم أه وإنت ايه اللى خلاك تفتكرها.!
رامي بصلها وسكت
يسريه بحب قولى ياحبيبي متخبيش عليا
رامي لأن زينب دايما قدامى وهى شبهها.. بس الصراحه انا ندمان على معاملتي ليها.. انا لما فتحت عينى وشوفتها وهى جامبي وانت قولتيلى إنها كانت معاك اليومين اللى انا كنت فى غيبوبه فيهم وكمان دخولها فى الصفقه واقنعها للعملاء
وكمان كلامها الطيب عني للموظفين من رغم إنى كنت بعاملها وحش وقعدت معانا يومين وانا كنت كل لما أشوفها اشتمها وأزعق معاها... بس والله كل ده غصبن عني هى فكرتني ب ندى وكمان هى من الريف وأنا مش بحب الريفيين بس هى ك إنسانه كويسه
إبتسمت يسريه وطبطبت عليه وقالت حبيبي الريف دول ناس جميله ومع الايام هتعرف كده ان شاء الله
وفجأة يقاطعهم صوت يارا وهى بتقول صباااح الخير...
رابط البارت السادس اضغط هنا
البارت السادس من رواية الخدامه_والبيه
يارا صباااح الخييير
رامي ظهر على وشه عدم القبول ليها ودور وشه وقال إصطبحنا وإصطبح الملك لله...
يارا بمرح مصطنع طنط أخبارك يا جميل.!
يسريه بطيبه الحمدلله ياحبيبتي إنت عامله ايه
بصت يارا ل رامي لاقته مدور وشه النحيه التانيه
يارا بصوت عالي تدريجيا تمام الحمدلله
أخدت يسريه بالها وقالت دايما يارب..
يارا رامي أخبارك!
بص رامي بإبتسامة مصطنعه تمام الحمدلله.. ماما انا حاسس اني تعبان شويه عاوز أنام فضلا
يارا فهمت يقصد إيه وقالت لالا ألف سلامه عليك.. بس دا لسه الساعه 11الصبح وانا جيت اقعد معاك شويه علشان اطمن عليك تقوم تنام
رامي بصلها وقال اتفضلي يا أنسه يارا
قعدت يارا ويسريه قعدت جامب رامي وحل الصمت على المكان
يسريه نورتينا يا يارا ياحبيبتي
يارا بحب مصطنع حبيبتي ياطنط
وقالت ل رامي ها يابطل هتخرج امتى من هنا
رامي بصلها بجمود وقال مش عارف لسه وزى م انتى شايفه المحاليل لسه فى إيدي.. المهم انتي مروحتيش كليتك ليه
يارا بضحك هههههههههههه قولت اجي ازورك النهارده وهبقي آخد المحاضرات من صحابي
رامي عرف إنها شكلها قاعده كتير ف سكت
يارا بحب ل رامي فطرت!
رامي الحمدلله
ولكن فجأه حد يتصل على يسريه فإستأذنت وقامت
يسريهعن إذنكم ياولاد هرد على الموبايل
وأول لما خرجت قعدت يارا جامب رامي وقالت قولت إيه فى الموضوع اللى قولتلك عليه..
رامي عمل نفسه مش فاكر وقال بلامبلاه موضوع إيه
يارا إرتبطانا يا رامي.!!
رامي ظهر على وشه الجمود وقال قولتلك قبل ما أدخل المستشفى أنا راجل ماليش فى الجو ده
عين يارا دمعت وقالت بس إنت عارف انى بحبك يارامى..
رامي بتنهيده يا يارا إنت أصغر مني ب سنين إفهمي إنى مش هعرف أعمل اللى انت عاوزاه ده ويوم ما هحب هتقي ربنا فى اللى بحبها واروح اطلب ايدها علطول ماليش انا فى جو الخروجات والڤلانتين والحب اللى قبل الجواز ده..
_وفى نفس الوقت دخلت يسريه وسمعت كل الكلام..
يارا بس
رامي بصوت عالي الى حدا ما مبسش يا يارا خالينا إخوات أحسن وانت أختي الصغيره وصدقيني انا عمري ماشوفتك غير أختي ولو قولت غير كده هخدعك..
خرجت يسريه بهدوء وندهت على الممرضه على الممرضه وطلبت منها تدخل تقول ليارا إن رامي لازم يرتاح..
وبعد 5دقايق دخلت الممرضه وقالت ان لازم يارا تخرج علشان ميعاد الدوا ولازم يرتاح
خرجت يارا وهى پتبكي...
وشافتها يسريه من بعيد وكانت شبه صعبان عليها عياطها
وبعدين دخلت يسريه على رامي
يسريه بإبتسامة بسيطه رامي حبيبي
رامي ساعتها كان ساند راسه على الحيطه وقال وهو شارد نعم يا أمي!
يسريه يارا عاوزه منك إيه!
وفجأة بصلها بصدممه وقال هتحتاج إيه يعني
يسريه انا سمعتك وانت بتقول خالينا إخوات أحسن..
رامي حاول ېكذب ولكن معرفش واضطر يحكي لوالدته على كل حاجه...
رامي من حوالى 3سنين أهل يارا جم وعاشو جامبنا وانت عارفه ده اتعرفت انا على إبراهيم بيه والدها اللى هو جه من يومين ژاني ده وبعدين وفى يوم كنت فى النادي أنا وأحمد وشوفت ابراهيم بيه وكان معاه يارا بنته ووالدها عرفني عليها والموضوع عدي وبعدها كان
فى دكتور فى الجامعه بتاعتها يبقي صاحبي وروحت الجامعه علشان كنا متفاقين نتقابل في الجامعه علشان يعرفني على العميد وده لأنهم كانو محتاجين أجهزة مستورده وروحت وهناك قابلتها تاني وسلمت عليها عادي وخلصت شغل وروحت وبعدين لاقيتها جاتلى الشركه وبتطلب منى نتقابل وانا رفضت بسبب الشغل وطلبت منى رقم التليفون وادتهولها عادي وبعدين لاقيتها بدأت تكلمني كتير وانا مكنتش برد غير قليل ومن حوالى شهر قالتلى انها بتحبنى وعاوزنا نرتبط انا رفضت ولحد دلوقتي كل شويه تفاتحني فى الموضوع...
يسريه
قاعده مصدومه من الكلام ومش بترد وبعد حوالى دقيقه قالت ومقولتليش ليه يارامى على كل ده!
رامي والله يا أمي انا كنت هقولك بس مجاتش فرصه
ساعتها عرفت يسريه سر تقرب سعاد ويارا منها بقالهم فتره
يسريه بإبتسامة طيب ارتاح ياحبيبي دلوقتي
_فى الشركه
زينب كانت بتشتغل وفجأة جه فى بالها كلام نور وهى بتقول إنه مغرور وقعدت تكلم نفسها شويه وتقول هو ليه رامي دايما ليه عصبي.!
ولكن فجأه رن تليفونها بصت على الإسلام لقت خالتى ايمان
زينب السلام عليكم ياخالتي.. أه.. الف الف مبروك بجد فرحتيني.. طيب ينفع اجيب حد معايا!! تمام ياحبيبتي والف مبروك تاني تسلميلي يارب.. مع السلامه
وكملت شغل لحد لما خلصت ومشيت..
روحت زينب وراحت الڤيلا عند يسريه علشان تشوف سميه
أول لما وصلت سلمت على سميه وقعدت معاها
سميه بإبتسامة والله وحشتيني جدا ياهانم عامله ايه
زينب بإبتسامة متبادله وانتى اكتر ياسميه والله انا الحمدلله والله بخير المهم طمنيني عليكي انتى وعمي سامح
سميه الحمدلله والله يا حبيبتي... مش أنا روحت زورت رامي بيه
زينب بضحكه خفيفه ايوا ايوا عمتي قالتلى.. وقالت كمان انك ضحكتيهم كتير اوي بدمك الشربات ده.. الله يسعدك ياسميه يارب
سميه بضحك بصوت عالي ياشيخه.. بس والله رامي بيه صعبان عليا إيده كلها محاليل والشاش اللى على وشه بجد حاجه حزينه عليه
بصت زينب بحزن وقالت الصراحه من رغم انه كان بيعاملني وحش بس انا نفسي يخرج قريب.. على فكره رامي طيب خالص والله
ولكن سميه بصتلها بخبث وقالت اه.. ده من امتي وانتى بتقولي الكلام ده عليه..!
زينب ضحكت وقالت ها! لا والله بجد
سميه متبادله الضحكه الا ايه الجمال ده والمكياج القمر ده
زينب بغرور مصطنع إحم ده العادي ياروحي
سميه بضړب علي كتفها وايه اللهجه دى كمان
زينب بضحكه خفيفه يسريه هانم اللى طلبت منى كده بس الصراحه ياسميه الحياة هنا جميله وكمان الشغل حلو جدا وانا مرتاحه جوى فيه
سميه بإبتسامة حب ياحبيبتي ربنا يريح بالك كمان وكمان بس هقولك حاجه حلوه.. خلى لهجتك طول ما انتى فى المدينه خاليكى زيهم وطول ما انتى فى البلد اتكلمي زيهم علشان ولا ده يتريق ولا ده يتريق وصدقيني ياهانم انتى لوحدك جميله وقلبك طيب والله
إبتسمت زينب بفرح من الكلام وقالت تسلميلي ياسميه يارب
الا قوليلى ألتزمتى لى الصلاه ولا لسه
سميه بفرحه عارفه يابت انا عندي اهو سنه بس انتى آثرتي فى حياتى كنت دايما بقطع فى الصلاة مثلا انتظم اسبوع ومصليش أسبوع ولكن بعد ماقولتيلى على موضوع الوضوء والثواني ده وانا بصلى الحمدلله بقالى كده حوالى 20 يوم بصلى وبإستمرار
زينب بفرح ربنا يثبتك يارب ياحبيبتي قوليلى بقا نفذتيه ازاي
سميه كنت اول لما أعدى من قدام الحمام أدخل اتوضي حتى لو مش وقت وضوء وكمان لو دخلت لقضاء حاجتي كنت بكمل واتوضي وفى وقت الأذان كنت بسيب اللى فى ايدى واروح أصلى ولما ألاقي نفسي مكسله بستغفر وأستعيذ من الشيطان واعد لغاية 5وامشي اتوضي وأصلى ولو انا متوضيه بروح أصلى علطول وقعدت حوالى 10ايام اكرر نفس الحوار لحد لما حاسيت بتعود
زينب بفرحه ياجمالك ياجمالك ربنا يثبتك يارب ماشاء الله.. والقرآن!
سميه بقرأ كل يوم قبل ما أنام وأول ما أصحى.. يعني اول لما اصحي بصلى وأمسك المصحف وأقرأ صفحتين مثلا واروح اشوف شغلي وقبل ما أنام بقرأ انا وعمك سامح لحد لما ننام
زينب كان باين عليها فرحتها الكبيره وبعد ماقعدوا مع بعض يجي نص ساعه إستأذنت زينب لأن معاها ورق ولازم تروح تشوف رامي علشان يمضيه
راحت زينب لقت يسريه قاعده مع رامي هو نايم وهى قاعده ماسكه المصحف
زينب بهدوء السلام عليكم يباشا
يسريه بإبتسامة وعليكم السلام ورحمة الله وبركاته ياحبيبتي تعالي
زينب لا بلاش خالى مستر رامي نايم وتعالى نقعد برا علشان عاوزاك
وهنا رامي فتح عينه وسمع كلامها ولقي نفسه تلقائيا بيبتسم..
يسريه بهدوء وهى قايمه تعالي الكافيه اللى تحت
_نزلو الاتنين ويسريه كان باين عليها التوتر ولكن حاولت تخبي علشان زينب متسألهاش
يسريه ها ياحبيبتي طمنيني عليكي عامله ايه دلوقتي
زينب بأرياحيه مبسوطه ياعمتو لأنى شاركت فى كورس انجليزي ونفسي اكون زي البنات اللى هناك دى وشاورت بمرح على بنتين شكلهم حلو وشيك
يسريه بضحك ههههههههه ياحبيبي انتى احسن
منهم بس الحوار كله على الاخلاق طول م أخلاقك كويسه إطمني..
إبتسمت زينب بفرح وقالت وكمان مبسوطه علشان ختمت القرآن الكريم مبسوطه جدا ياعمتو..
إحساس ختم القرآن ده إحساس مختلف عن أي حاجة تانية.. تحسي إنك أخيرا بقا فى كنز ملكك..
يسريه من فرحتها دمعت وقالت ياروحي ربنا يبارك فيك يارب ويهدي رامي وأشوفه زيك يارب يارب.. ربنا يثبتك ويودعنا حفظ القرآن الكريم يارب..
زينب حبيبة قلبي ياعمتو والله.. المهم كنت عاوزه اقولك حاجه كمان.. فرح بنت خالتى ايمان كمان اسبوع ان شاء الله ورنت عليا النهارده علشان اعمل حسابي واخلص شغلى وكده وقالتلى ان لازم تيجو معايا
إبتسمت يسريه بهدوء وقالت مش عارفه والله يا زينب هحاول اظبط امورى انا كان نفسي انزل البلد أصلا من زمان بس للاسف كنت بأجل الموضوع.
زينب بإبتسامة مستر رامي ان شاء الله هيجي معانا
يسريه بإبتسامة كبيره يارب ياحبيبتي ان شاء الله.. ولكن فجأه سكتت وقالتمش عارفه الصراحه بس هحاول انا اقنعه.. وكملت بمرح وقالت خلاص موافقه
قعدوا يتكلمو وطلبوا قهوه
بعد نص ساعه
زينب كنت محتاجه اشوف مستر رامي علشان الشغل اللى معايا هو دلوقتي ممكن يكون صحي
يسريه أه يلا تعالي
طلعو ل رامي لقوه صحي والممرضه بتعلق محلول تاني وبتديه العلاج
يسريه بهدوء وإبتسامه حبيبي
بصلها رامي وكان باين عليه الحزن..
دخلت زينب بإبتسامة بسيطه وقالت ازي حضرتك يا مستر رامي النهارده!
رامي ابتسم ولكن ثواني وخفاها وقال فى جمود تمام الحمدلله
زينب كنت جايبه لحضرتك الملفات دى علشان إمضة حضرتك..
رامي لما الممرضه تخلص
الممرضه تمام كده يافندم عن اذن حضرتك
زينب اتفضل الملفات
راميتمام يا زينب
وافق رامي على الملفات وأخدتها زينب واستاذنت علشان تمشي
ووصت يسريه انها تقنع رامى بالسفر معاهم للريف
رامي ماما هى زينب مالها كده غيرت شكل لبسها خالص وشيك اوى فى نفسها كده ليه
يسريه بضحك ايه حرام عليها يعني تلبس وتعيش زي البنات..
وفجأة دخل الدكتور بإبتسامة وقال اهلا رامي بيه اخبارك النهارده
رامي بإبتسامة الحمدلله يادكتور أحسن من الاول بكتير
الدكتور طيب الحمدلله.. الحمدلله حضرتك ممكن تخرج من المستشفى بكره ان شاء الله.. ربنا يديك الصحه يابطل
فرح رامي جدا وشكره ويسريه كانت الدنيا مش سيعاها من الفرحة
يسريه بفرحه الحمدلله ياحبيبي حمدالله على سلامتك
رامي بصلها وإبتسم وقال الله يسلمك ياحبيبتي
وفجأة يسريه قالت رامي هو انت معجب ب زينب.!!!!
رامي بصلها و
رابط البارت السابع من هنا
البارت السابع من الخدامه_والبيه
يسريه رامي هو إنت معجب بزينب..!!!!!!
رامي بجمود معجب بمين ياماما.! انتى بتقولي ايه بس.!
يسريه زي ماسمعت واظن ان كلامي مظبوط
رامي بضحك يعني هو بالعافيه معجب بيها.!
يسريه أه ياخفيف.. على فكره انا بتكلم بجد..
رامي ايه بس اللى خلاكى تقولي كده!
يسريه علشان من ساعت م انت دخلت المستشفى كل م تشوفها تبتسم وبحسك مبسوط كده.. ده تفسيره ايه
رامي مفيش تفسير اصلا لان الكلام ده عادي.. الإبتسامة فى وجه اخيك صدقه ياسوسو
يسريه بضحك ماشي يخويا
_عدى اليوم وكان عادي جدا وكل واحد من أبطالنا فى حياته
1رامي فى المستشفى
1يسريه مع إبنها
1زينب دايما بتحاول تطور من شغلها علشان تثبت نفسها ل رامي..
1يارا بتفكر ازاي تخلى رامي يحبها
تاني يوم
الدكتور حمدالله على السلامة يارامي بيه..
رامي بإبتسامة حبيبي يادكتور
يسريه يلا يا رامي بقا علشان نمشي البيت هينور والله
وفجأة تدخل زينب وهى مبتسمه وبتقول حمدالله على سلامتك يا مستر رامي
رامي بإبتسامة الله يسلمك يازينب
يسريه بحركة طفوله يبني يلا بقا يلااااا انا مبسوطه ان الحمدلله هترجع تاني تنور بيتك
رامي بضحك ملى المكان يا أمي جاي والله اهو يلا نمشي
ضحكت زينب ببساطه وصممت يسريه انها تروح معاهم
_فى الڤيلا
سميه لووووووووووووولي الف حمدالله على سلامتك يارامي بيه..
يسريه بضحك الله يسعدك ياسميه يارب
يسريه بفرحهنورت بيتك ياحبيبي
سامح سلم على رامي وعيونه ماليانه فرحهحمدالله على السلامة يارامي يابني
ابتسم رامي وكان واضح على وشه البهجة والفرحه...
دخلت يسريه وهى مبسوطه وطلبت من زينب تودى العصير ل رامي عقبال ما هي تيجي وزينب كانت متوتره شويه ولكن يسريه أصرت
دخلت زينب وخبطت على الباب لقت رامي قاعد على السرير
زينب اتفضل يامستر رامي عمتو بعتالك العصير ده
رامي بهزار والله ياجماعه مش عارف اودى جمايلكو فين.. طيب شكرا جدا يازينب
ابتسمت زينب وعيونها فى الارض وقالت الشكر لله.. أستاذن انا
رامي وهو بيشرب من العصير
اتفضلي
نزلت
زينب بسرحان ياااااااه ياسميه
سميه ببصة خبث يااااااه يازينب
زينب بضحك ياااااااه يا سميه
ضحكت سميه غصبن عنها من طريقة زينب وقالت مالك يابت في إيه
زينب القبض قرب يا سميه
وفجأة تدخل يسريه بضحك وتقول يااااه يا زينب
واتملى المكان بالضحك والبهجة
وعن تواضع يسريه مثلا مع سميه .
وبعد ساعه من الضحك مابين يسريه وزينب وسميه
سميه بضحك هيستيري انا بجد قلبي هيقف من الضحك
زينب متبادلة الضحك الأكل هيشييييييط
يسريه بضحك انا مش قادره اقف اكتر من كده انا هروح اقعد مع إبني حبيبي
زينب بغمزه ايوا ياجامد
وفجأة قالت بصوت واطي حاولى تقوليله على سفر البلد..
يسريه حاضر سبيها على الله..
يسريه دخلت لقت رامي قاعد وقدامه الابتوب
يسريه بتعمل ايه يا رامي.!
رامي وهو باصص فى الاب بشوف الشغل اللى فاتني ياماما
يسريه پغضب مصطنع ايه ده.!!!!! يتحرق الشغل لازم ترتاح شويه
رامي قفل الاب وقال
بطفوله حاضل.. عاوز اللبن بقا
يسريه بضحك انت بتهزر!!
رامي ياماما يعني اسيب الشغل طيب!
يسريه بحنية ياحبيبي انت لازم ترتاح شويه
راميحاضر ياماما
يسريه وكمان عاوزه اقولك حاجه مهمه..
رامي بتركيز وهو قاعد على السرير اممممم اتفضلي ياست الكل
يسريه بغرور مصطنع احم حبيبي
رامي بضحك يلا قولي بقا
يسريه انا مسافره البلد وعاوزاك تيجي معايا.....
رامي كشړ مره واحده وقال انهى بلد.!
يسريه بجمود الريف
رامي لا مش جاي عندي شغل كتير
يسريه بحزن مصطنع بالله عليك علشان خاطري.. يعني هتسيب مامتك لوحدها.!
رامي السواق معاكي
يسريه يارامي بالله وكمان زينب هتيجي معايا ولازم تيجي معانا علشان تغير جو
رامي بضحك يعني يوم ما أسافر أغير جو هروح الريف!
يسريه بهدوء وعد هتتبسط
رامي يا أمي بالله عليكي سبينى فى حالي دلوقتي
يسريه بجمود امممم تمام اعمل حسابك انك مسافر كمان إسبوع معايا
رامي مش جاي برضو
يسريه بثقه هتيجي ان شاءالله وسابته ومشيت
_عند يارا فى الڤيلا تحديدااوضة يارا
يارا پحقد اوووووف ليه بيعمل معايا كده بسسسس.!!!!
سلمي صاحبة يارا بخبث يمكن فيه واحده تانيه فى حياته..
يارا بشړ لا مفيش هو ليا انا وبس...
سلمي اممممم يمكن مش عجباه
يارا بإستهزاء هه حبيبتي انا الشباب كلهم ھيموتو عليا..
سلمي والله كل واحد وذوقه
يارا پغضب قصدك ايه.!!!!!!!!
سلمي قصدي انه ممكن ليه إستايل معين او مقاييس معينه عاوزها لفتاة أحلامه..
يارا ليه هو انا فيا حاجه ناقصه!
سلمي مقصدش..
يارا هخاليه يحبني وبطاريقتي
سلمي هتعملي ايه طيب!
يارا بعصبيه أكتر لسسسسسسسسه هفكررررررر
طريقة يارا وهى مټعصبه خلت سلمي ضحكت بس كتمت ضحكتها
يارا ماااااااالك مبتسمه ليه!!!!! ده بدل ما تفكري معااااايا!
ديرت سلمي وشها وهى مېته ضحك من طريقة يارا
وقالت بصوت واطي حاضر...
عند زينب ويسريه الأكل جهز
يسريه داقت الأكل اللى زينب عملاه وقالت ياتكاتك ياحركاتك ياشيف حسن..
زينب بضحك بالهنا ياحبيبتي
سميه بضحك على فكره انا ساعدتها يعني مش هي اللى عملته لوحدها..
يسريه وزينب ضحكوا
يسريه ل سميه ياتكاتك ياحركاتك ياشيف حسن تاني
وفجأة نزل رامي وقال بتعملو ايه..!
يسريه عملت نفسها زعلانه منه ومردتش
سميه بنجهز الأكل يا رامي بيه
رامي تمام انا خارج
سميه رايح فين انت لسه تعبان!
رامي بص ل يسريه لقاها مش راضيه تبصله...
رامي رايح اتمشي شويه مش هعمل حاجه يعني
زينب بأدب حضرتك لسه تعبان الأفضل ترتاح شويه علشان متتعبش
رامي اومال الدكتور كتبلى خروج ليه.. انا ماشي
خرج رامي ولسه هيتمشي لقي يارا واقفه مع صاحبتها ولو خرج هتشوفه وتنادي عليه.. راح داخل تاني
دخل رامي لقاهم واقفين بيبصولوا...
رامي ايه! لقيت الجو برد
يسريه بصت ل زينب وسميه
سميه بضحك احنا في الربيع..
رامي بصلهم وحس بإحراج وقال أه افصد يعني انى مش قادر اخرج دلوقتي.. هخرج بليل
وطلع اوضته
يسريه ل زينب تعالي معايا
طلعت يسريه ومعاها زينب وبصوا من البلكونة
يسريه شايفه اللى هناك دى!
زينب أه.. مش دى البنت اللى كانت بتزور رامي فى المستشفى..
يسريه أه
زينب مالها
يسريه هى دى الجو البرد اللى بيقول عليه رامي...
زينب بضحك ازاي
يسريه حكت ل زينب كل حاجه وفي الاخر قالت
علشان كده مش بيحب يشوفها
زينب حست بفرحه ولكن خفت الموضوع وقالت طيب كويس وكمان رامي أكبر منها بكتير بس الصراحه مستغربه هو فى بنت كده.!
يسريه وافقتها الكلام وقالت والله يازينب مش عارفه ازاي البنت دلوقتي هى اللى بقت بتجري ورا الولد.. فين الحياء والأدب بتاعها فين الإحتشام اللى ربنا عز وجل أمرنا بيه..! ازاي البنت بقت بترخص نفسها لدرجة انها لو اعجبت بولد بس تروح
تكلمه وتصاحبه.! فين الادب بتاع زمان! فين العادات والتقاليد اللى اتربينا عليها وعرفنا ان البنت مينفعش تكلم ولد ولا تصاحب ولد علشان حرام وعيب.. ربنا يهدي البنات والشباب والله إحنا بقينا فى أخر الزمن خلاص..
زينب كانت مبتسمه من كلام يسريه من رغم انها غنيه ومعاها فلوس وعايشه فى مكان راقي إلا انها متخلتش عن العادات والتقاليد اللى اتربت عليها..
زينب انا موافقاكي فى كل الكلام ده بس البنات بتقول ان الزمن اتغير يا عمتو ويقولوا الجيل غير الجيل
يسريه وهى داخلة من البلكونة الزمن اتغير بس الدين زي ماهو
زينب ابتسمت أكتر وقالت فى نفسها بجد معاها حق طول ما البنت صاينه نفسها طول ماهتكون غاليه فى نظر كل اللى يعرفها
نزلت زينب ورا يسريه لقت سميه حطت الأكل..
يسريه وهى واقفه اطلعي يا سميه نادى ل رامي علشان ياكل
وانتى يا زينب اقعدي معانا يلا علشان تاكلى
زينب بهدوء بالهنا ياعمتو بس معلش انا لازم أمشى دلوقتي..
يسريه مسكتها من إيدها جامد وقالت أقعدى قولتلك كلى
زينب ضحكت وقالت طيب ومستر رامي
يسريه ضحكت وقالت يبنتي ياحبيبتي انا عمتك ورامي إبن عمتك بلاش الجو ده بقا وأقعدى كلى معانا يلا
رامي بهدوء السلام عليكم ياجماعه
يسريه سكتت...
زينب وعليكم السلام ورحمة الله وبركاته..
رامي بص ل يسريه لقاها مش راضيه تتكلم اصلا
رامي طيب ايه حد ناوي ياكل!
يسريه شدت زينب قعدتها وهى قعدت
ورامي بص وابتسم لوالدته ولكن هي مبتسمتش
رامي ايه يا ماما مالك.!
يسريه
زينب إحم في إيه ياعمتو.!
يسريه بصتلها وسكتت
رامي طيب انا هاكل ورايح الشغل بعد بكره ان شاء الله
زينب بإبتسامة بسيطه حضرتك
لازم ترتاح شويه علشان متتعبش
رامي مفيش حاجه بعملها هنا يا زينب ولازم اروح الشغل..
أكلو ورامي شكر فى الأكل وقام
يسريه وهى لسه بتاكل إعملى حسابك ان رامي هيروح معانا البلد..
زينب بفرحه ايه ده ازاي هو وافق
يسريه هو مقالش كده بس صدقيني هيروح ان شاء الله
زينب ايه ده ازاي
يسريه بصي
زينب بضحك فكره حلوه والله..
زينبعمتو انا لازم أمشي دلوقتي
يسريه ليه بس!
زينب عندي شغل كتشير اوى اوى
يسريه بضحك ربنا معاكي ويوفقك يارب ياحبيبتي
مشيت زينب ولكن مروحتش....
خلص اليوم ويسريه بتمثل انها زعلانه من رامي..
تسريع الأحداث وبعد مرور يومين
رامي بيلبس البدله ونازل..
نزل لقي يسريه قاعده بتفطر ودى أول مره تفطر من غيره
رامي وقف وحط تليفونه والمفاتيح على السفره وقعد اممم مالك بقا زعلانه ليه
يسريه مردتش
رامي خلاص هفكر واشوف اذ كان ينفع اجي معاكي ولالا.. بس متزعليش..
يسريه بصتله وقالت براحتك
رامي بغزل انت راحتي ياجميل
يسريه بضحك ماشي يخويا اقعد كل
ضحك رامي وباس ايد والدته ومشي
ولكن مع خروجه من الڤيلا يسريه رنت على حد..
_فى الطريق..
إسماعيل السواق حمدالله على السلامة يابيه
رامي الله يسلمك يا اسماعيل.. مالك ماشي براحه كده ليه
إسماعيل اتوتر وقال علشان.. علشان...
رامي بخبث علشان إيه!!!!
إسماعيل الصراحه محمد لما سرع عمل حاډثة وانا همشي براحه..
رامي بضحك يا اسماعيل ده قدر ومكتوب وربنا بيسترها على عباده..
اسماعيل ضحك وقال فى سره يارب سامحني على الكدب ده وهات العواقب سليمه
رامي وصل الشركه أخيرا...
الحارس ل رامي حمدالله على السلامة يارامي بيه..
رامي وهو داخل الله يسلمك ياهلال
الحارس بتوتر رامي بيه رامي بيه
رامي وقف ها نعم
الحارس عاوز اقول لحضرتك حاجه مهمه
رامي بعدين بعدين.
وسابه ودخل ولكن.....
اټصدم لما دخل الشركه ومكنش مصدق اللى شايفه
رامي ده ايه ده!!!!!!!!!
رابط البارت الثامن من هنا
البارت التامن من رواية الخدامه_والبيه
رامي وصل الشركه أخيرا...
الحارس ل رامي حمدالله على السلامة يارامي بيه..
رامي وهو داخل الله يسلمك ياهلال
الحارس بتوتر رامي بيه رامي بيه
رامي وقف ها نعم
الحارس عاوز اقول لحضرتك حاجه مهمه..
رامي بعدين بعدين.
وسابه ودخل ولكن.....
اټصدم لما دخل الشركه ومكنش مصدق اللى شايفه
رامي ده ايه ده!!!!
دخل رامي لقي المكان كله ورد وفي الوش مكتوب حمدالله على السلامة
رامي ظهر على وشه السعادة والكل كان واقف مستنيه
رامي كان باين عليه الفرحة والصدممه من اللى قدامه
بقلم شيري عصام
دخل سلم على الكل وكان مبتسم وفرحان ولقي فى هداية كمان من الموظفين..
ولقي أحمد وزينب واقفين مستيينه بفرحه
رامي بفرحه والله ياشباب مش عارف اقول ايه.. بس بجد شكرا من قلبي... بس مين اللى عمل كده!
أحمد قرب منه وسلم عليه بفرحه وقال زينب يا رامي هي اللى إقترحت اننا نفاجئك علشان
ربنا قومك بالسلامه
رامي بص ل زينب بإبتسامة وقال شكرا جدا يا زينب بجد
زينب ردت بإبتسامة وقالت الشكر لله دى حاجه بسيطه.. حمدالله على سلامة حضرتك
وعدى الموقف بسعاده وكل واحد دخل يشوف شغله
أحمد ل رامي اتفضل يباشا أدى كل الملفات وأدى الشغل اللى تم فى الاسبوعين اللى فاتوا..
رامي تمام يا أحمد.. سيبه هنا وتعالى اقعد عاوز اتكلم معاك شويه بعيدا عن الشغل
أحمد نعم ياصاحبي
رامي بقولك ماما عاوزانى اروح معاها الريف وانا مش عارف اروح ولالا
أحمد رامي إنت لازم تغير جو..
رامي بس انت عارف اني مش بحب الريف
أحمد الصراحه يا رامي انا شايف انك معندكش سبب لكره الناس دى
رامي يبني انا أه عمري ما روحت الريف ولكن.. دايما بشوف فى الافلام والمسلسلات انهم ناس مش بتفهم وناس مش بتعلم أولادها وكمان بيخلفوا كتير ومش بيعرفوا يتفاهمو دا غير طريقة كلامهم الغريبة
أحمد يبني مش كل حاجه فى الأفلام والمسلسلات حقيقه.. وكمان ما زينب اهي من الريف وشيك جدا فى لبسها وتعاملها مع الناس هى اه اول لما جات مأخدتش بالها من ده ولكن الشخص بيتعلم.. لو عاوز رأيي روح مع يسريه هانم وشوف الناس هناك عامله ازاي..! وغير جو وخاليها تجربة جديده ليك..
رامي امممممم خلاص ماشي اقنعتني
أحمد بضحك ماشي ياغالي
رامي حبيبي..
أحمد هروح انا بقا اشوف شغلى
رامي تمام ماشي وابعتلى زينب علشان عاوزها
أحمد تمام
بعد 10دقايق
_الباب خبط
رامي اتفضل
زينب نعم يا مستر رامي.. أستاذ أحمد قال انك عاوزني..
رامي اتفضلي يا زينب..
بقلم شيري عصام
دخلت زينب وامرها رامي انها تقعد ف قعدت
رامي حبيت اشكرك جدا على المفاجأة بتاعت النهارده بجد فرحتوني جدا
زينب بإبتسامة شكرا جدا لحضرتك حبينا بس نرحب بيك وحمدالله على السلامة تاني
رامي بإبتسامة الله يسلمك.. وكمان كنت عاوز ملف ابراهيم الخلفاوي صاحب الصفقه
زينب حاضر يافندم
رامي اتفضلي
مشيت زينب وهي لسه خارجه من الباب لقت يارا فى وشها
يارا بحب مصطنع هاي ازيك
زينب الحمدلله وانتي!
يارا تمام جدا.. عن اذنك بقا علشان عاوزة رامي
زينب اتفضلي
زينب كانت حاسه بإحساس غريب ولكن اتجاهلته ومشيت تشوف شغلها
دخلت يارا عند رامي
يارا ازيك عامل ايه!
رامي اهلا يا انسه يارا
يارا پغضب بلااااش انسة دى
رامي انتي بتعلى صوتك ليه احنا في المكتب!!!!
يارا بهدوء إحم سورى مكنتش اقصد.. الا هو ايه الورد
اللى برا ده..
رامي عادي الموظفين بيرحبو بيا.. عندك مانع!
يارا لا معنديش.. هو انت بتكلمني كده ليه
رامي على فكره انا عندي شغل واظن انك عندك كليه ولازم تروحيها
يارا اتعصبت اكتر انت ليييييييه بتعاملني كده!!!
رامي ببرود لو سمحتي والله عندي شغل
_ساعتها حد خبط
رامي اتفضل
دخلت زينب وقالت اتفضل يا مستر رامي ده الملف
رامي بإبتسامة تمام شكرا يا زينب.. اتفضلي على شغلك
مشيت زينب ولكن سمعت رامي وهو بيقول ل يارا
رامي ها هتقعدى ولا تروحي كليتك!.. انسي الموضوع اللى في دماغك ده لاننا اخوات قولتلك
يارا بعصبيهانا ماشيه
رامي ببرود لا استني اشربي حاجه
يارا اتعصبت اكتر ومشيت
كمل رامي شغله وزينب كذلك
عند سعاد ويارا
يارا بعصبيه ليه بيعاملني كده انا والله بحبه
سعاد وهى قاعده بتاكل سناكس وبتتفرج على التلفزيون يمكن فى واحده في حياته
يارا بعصبيه أكتر واحدة مين.!!!!!!! رامي ده ليا لوحدي انا بس اللى حبه ويحبني
سعاد هدى نفسك وتعالى اقعدى البرنامج ده تحفه اوى
يارا بعصبيه أكتر واكتر ماماااااااااااااا
سعاد اتخضت من الصوت وقالت ها عاوزه ايه وبتعلى صوتك كده ليه.!!!
يارا اعرف ازاي انه بيحب واحده تانيه ولالا
سعاد ببرود راقبيه
ياراواراقبه ازاي
سعادهكلملك واحد يجيبلك كل تحركاته
يارا بهدوء امممم حلو مفيش مشكله وفجأة اتعصبت وقالت طيب ولو منفعش!!!
سعاد نشوف غير الطريقه دي عادي يعني...
يارا تمام.. انا ماشيه
سعاد رايحه فين
يارا رايحه ل صحابي
سعاد متتأخريش
بقلم شيري عصام..
وفجأة طلعت سعاد تليفونها وقالت
سعاد الو.. تعالي انا عاوزاك.. تعالي على الڤيلا.. طيب ماشي..
زينب رحمه رحمه
رحمه نعم ياحبيبي
زينب هي البنت اللى جات من شويه دى.. بتيجي هنا كتير!
رحمه والله يازينب انا بقالى حوالى سنه شغاله مع مستر رامي.. بيتهيألى انا بشوفها أكتر مابشوف مستر رامي شخصيا
زينب بضحك الله يسعدك ضحكتيني
رحمه حبيبي يابروو تدوم
زينب حبيبي.. طيب وهي بتيجي ليه
رحمه والله ما اعرف بس اللى اعرفه انها بتيجي تاخد جرعة العصبيه وتمشي
زينب مش فاهمه
رحمه بتيجي عاديه ولازم
تمشي مټعصبه
زينب ضحكت اكتر وقالت ماشي يباشا متشكرين على الخدمه
رحمه حبيبي الله يكرمك بس قوليلى بتسألى ليه!
زينب ها! اصل... اصل...
رحمه ببصة خبث اصل ايه يابت يازينب!
زينب بضحك والله اصل اول مره اشوفها تيجي هنا اصلا علطول بشوفها عند يسريه هانم بس مش بشوفها هنا يعني
رحمه يسريه هانم!!! هو انتى بتروحى هناك!!
زينب اه يبنتي عادي
رحمه الله يسهلوااااا
زينب بضحك يامجنونه يسريه هانم دى عمتي أصلا
رحمه بصدممه او ماي جاد... بتهزري!!!!
زينب بضحك والله لا ومستر رامي يبقي ابن عمتي بس
علشان احنا في الشغل بقوله يا مستر
رحمه اااااه انا برضو قولت هى زينب كانت بقالها يومين فى المستشفى مع يسريه هانم بتعمل ايه ومجتش الشغل ليه.. صح كده.. كده انا فهمت
زينب بضحك ماشي ياناصحه انا هروح اشوف شغلى بقا
رحمه ماشي يباشا
_خلص اليوم مابين شغل وعصبيه وتخطيط وكل واحد من أبطالنا مشغول بحاجه معينه
الساعه 8بليل
رامي وهو داخل الڤيلا
لقي يسريه قاعده ماسكه الفون ومركزه جدا فيه لدرجة محستش ان رامي واقف جامبها
رامي ماما...
يسريه
رامي بصوت أعلى مامااااااا
يسريه بصت بخضه ايه يارامي خضتني
_قعد رامي جامبها وضحك وقال انا اللى خضيتك ولا انتى اللى مكنتيش مركزه!
يسريه بضحك لا انا اللى غلطانه
رامي بإبتسامة ايوا صح برافو.. كنتي بتعملي ايه بقا!
يسريه كنت بتفرج علي استايلات لبس جديده
رامي بإبتسامة وريني كده
رامي واو ده حلو اوى.. بس مش هيكون ضيق عليكي شويه!
يسريه بضحك ده مش ليا
رامي اومال لمين
يسريه ل زينب...
رامي ااااه زينب الصراحه شايف انه شيك جدا وهيليق عليها
يسريهوانا برضو بقول كده..
رامي اه بس ده ليه
يسريه بص عيد ميلاد زينب كمان 3ايام ولان انت عارف ان أعياد الميلاد بدعه وزينب مقتنعه بكده فأنا قولت اجيبهولها قبلها بايام علشان كمان احنا مسافرين كمان يومين وكنت عاوزاها تكون شيك جدا فى الفرح وكده يعني
رامي بضحك اه وكده يعني
يسريه بضربه خفيفه على كتفه مش بهزر
رامي امممم طيب اوكى.. عاوز اقولك انى أخدت قرار
يسريه بضحك قررت تتجوز!
رامي مد شفايفه زى الاطفال وقال اتجوز!
يسريه خلاص خلاص.. قررت ايه!
رامي هجي معاكو البلد
يسريه بفرحه حبيبي ياناس حبيبي
رامي مقدرش علي زعلك.. بس بشرط
يسريه ها اتفضل اشرط!
رامي لو العيشة هناك معجبتنيش هاجي
يسريه ماشي وادى بوسه
رامي بضحك ماشي ياحبيبتي انا قايم بقا
يسريه مش هتاكل!!
رامي أكلت برا مع احمد
تسريع الاحداث
يوم السفر
يسريه رامي حبيبي اصحي
رامي بنوم هاتي الملفات يا زينب
يسريه بضحك ملفات ايه! قوم يبني يلا
رامي بصوت نايم نعم يا ماما!
يسريه يلا علشان احنا بقينا الساعه 8 ولازم نمشي
رامي حاضر ساعه كمان وهصحي
بقلم شيري عصام..
يسريه ياحبيبي يلا
رامي حاضر والله
يسريه بصوت عالي ياااازينب
رامي صحي بفزع وقال زينب هنا!
يسريه ساعتها فهمت ان اكيد فيه حاجه!
يسريه لا بس بجرب صوتي.. قوم يلا
خلص رامي ونزل لقي زينب جايه
يسريه تعالي يلا علشان نفطر
زينب السلام عليكم.. صباح الخير ياجماعه
يسريه ورامي وعليكم السلام ورحمة الله وبركاته
يسريه تعالي يلا انتي كمان علشان تفطري
زينب فطرت والله ياعمتو الحمدلله
يسريه تعالي يلا كلى
رامي قعد وبدأ آكل ومتكلمش
زينب وربنا الحمدلله أكلت
يسريه بصت لقت رامي بياكل ومش معاهم اصلا
رامي ماما ماما هاتي الطبق اللى
فيه الزتون ده
يسريه وهى كاتمه الضحك اتفضل
يسريه ل زينب طيب بصي اطلعي اوضتي هتلاقي فى شنطه موجوده على السرير هاتيها وتعالى
زينب حاضر
طلعت زينب وجابت الشنطة ونزلت
يسريه هتلاقي فيها فستان كده قيسيه وتعالى
زينب فستان ايه
يسريه اطلعي بس قيسيه وتعالى
بقلم شيري عصام
نزلت زينب وكانت لابسه الفستان
يسريه اول لما شافتها قالت الله بجد.. لا والله تحفه عليكي ماشاء الله
وهنا رامي اخده الفضول وبص
رامي فى نفسه واو بجد شكلها حلو..
وبعدين لف وشه علشان مياخدوش بالهم
زينب بس ياعمتو انا مش بحب الاستايل ده
يسريه اسكتي يابت ده حلو اوى
يلا اطلعي غيريه علشان تلبيسيه فى الفرح ان شاء الله
_طلعت زينب تغير ونزلت
خلصوا فطار وركبو العربيه علشان يمشوا
رامي سرع يا اسماعيل متعملش زى اللى حصل من يومين
اسماعيل بضحك والله يا رامي بيه يسريه هانم اللى قالتلى انا مكنش ليا ذنب
يسريه بضحك بقا كده يا اسماعيل تبيعني كده!
اسماعيل بضحك اكتر لا طبعا ياهانم حشا لله
يسريه ماشي ياسيدي هصدقك
فضلت زينب قاعده مش بتتكلم خالص لحد لما وصلوا
زينب وصفتلهم المكان بالظبط..
وصلت العربيه ولقوا المكان ماليان بالزغاريط والفرح والاطفال بتلعب حوالين البيت
رامي إبتسم اول
لما شاف كده
خرجت ايمان خالت زينب اول لما عرفت انهم وصلوا
ايمان بفرحه يا اهلا يا اهلا اتفضلوا اتفضلوا
سلمت زينب ويسريه على ايمان
ايمان بفرحه وانا اقول البلد نورت ليه! والله العظيم منورين.. الا مين ده! ده ابنك يا يسريه صح!
يسريه بضحك اه يا حبيبتي ده رامي ابني
ايمان بفرحه ازيك يا رامي يابني
رامي إبتسم الحمدلله ياطنط
وفجأة جه صوت بيقول زينااااب
قامت زينب سلمت على نورهبنت ايمان واخت العروسه
نوره بإبتسامة السلام عليكم
يسريه والكل وعليكم السلام ورحمة الله وبركاته
ايمان تعالي يانوره...دى نوره بنتي يا يسريه بنتي الصغيره
سلمت نوره على يسريه
ايمان وده رامي ابنها
نوره بإبتسامة اهلا يا استاذ رامي
بقلم شيري عصام
قعدوا فى جو مليان بالفرحة وبدأ رامي يتأقلم على الوضع
ايمان بت يا هانم خدي رامي ويسريه وفرجيهم على البلد يابت
زينب حاضر ياخالتي
يسريه لالا انا عاوزه افضل هنا
زينب اتكسفت لان مينفعش تمشي مع رامي لوحدها..
زينب تعالي بس ياعمتو والله البلد اتغيرت عن زمان..
ايمان روحي يا يسريه اتفرجي على البلد مع الولاد اكيد البلد وحشاكي بقالك سنين مجاتيش
يسريه ابتسمت وقالت معاكي حق يا ايمان.. يلا
قام رامي وزينب ويسريه يتمشوا
_فى الشارع
طول ماهما ماشين وزينب عماله تسلم على ناس هى ويسريه
ورامي مبسوط بالجو وشكل الناس وتعاملهمم الحلو معاهم
ولكن فجأه وهما ماشين وقعت يسريه وفقدت الوعي..
زينب بفزع عمتو.!!!!!!!!!!!
رابط البارت التاسع من هنا
البارت التاسع من رواية الخدامه_والبيه
طول ماهما ماشين وزينب عماله تسلم على ناس هى ويسريه
ورامي مبسوط بالجو وشكل الناس وتعاملهمم الحلو معاهم
ولكن فجأه وهما ماشين وقعت يسريه وفقدت الوعي..
زينب بفزع عمتو.!!!!!
رامي پخوف شال يسريه ومكنش عارف يعمل ايه..!
وفجأة اتلمت الناس عليهم وكلهم كانوا بيحاولوا يساعدوه
وكانو بيعرضوا عليه انه يدخلهم عند أي حد فيهم لأن بيت ايمان بعيد عن المكان اللى هما فيه
الست ام احمد ست كبيره ساكنه فى القريه من زمان هاتها يابني عندنا تعالي إدخل ونحاول نفوجها
رامي كان واقف خاېف والړعب مسيطر عليه وبالفعل دخل بيها عند ام احمد وكان اهل المنطقه معاه علشان يطمنوا عليها
زينب ل أم احمد ياخاله مفيش اي قزازة ريحه هنا!
أم احمد أه.. أه يابنتي جوا فيه
دخلت زينب جابتها بسرعه وحاولوا يفوقوها
يسريه بدأت تفوق شويه بشوية
يسريه إي.. إيه ده!! أنا فين!
لقت رامي وزينب وناس كتير واقفين
رامي الحمدلله ياماما حمدالله على السلامة.. انا لازم أخدها أقرب مستشفى هنا بسرعه
زينب بهدوء مستر رامي اهدى ان شاء الله هتكون كويسه
رامي ساعتها مكنش عارف هيعمل ايه..! لأنه ميعرفش حاجه فى المكان وكمان إسماعيل آخد العربيه ورجع القاهره وده كان بأمر من رامي..
يسريه حاولت تقعد وساعدتها زينب وواحده من اللى واقفين
يسريه انا كويسه يا رامي الحمدلله.. بس معرفش حصل ايه.. ممكن يكون من تعب السفر
واتملى المكان بكلمة الحمدلله.. والناس طمنت رامي وزينب وفيه اللى سلم عليهم وفيه اللى إكتفي بكلمة خير ان شاء الله وحمدلله على السلامة
وبعد م المكان فضي ويسريه كانت بتحاول تقعد ولكن كانت لسه دايخه..
ولكن دخلت أم احمد وعملت عصير ودخلتلهم
أم احمد اتفضل يابني
رامي بإبتسامة شكرا جدا لحضرتك بس انا والله مش عاوز
يسريه بإبتسامة أم احمد!!!!
أم احمد اه يابنتي.. انتى تعرفيني!
يسريه بإبتسامة اكبر انا يسريه ياعمه سناء
ام احمد العمه سناء بإبتسامة انتي يسريه إسماعيل!! اخت فريد الله يرحمه صح!
يسريه بدموع من الفرحة أه انا أه
وكل ده ورامي وزينب واقفين..
رامي بإبتسامة طيب ياماما مش يلا نمشي بقا علشان نروح لأي دكتور هنا نطمن عليكي!
يسريه وهى مبتسمه وماسكه فى أم احمد لا
رامي حاضر يا أمي..
يسريه خد زينب وروحوا انتو وانا هبقي أجي مع الخاله سناء علشان بجد نفسي
اقعد معاها اوى.. روحوا انتوا
أم احمد بفرحه طيب خاليكوا قاعدين يا رامي يابني شويه دانا اول مره اشوفك بعد ماكبرت..
رامي بإبتسامة حاضر ياطنط
أم احمد بضحك لا انا مش طنط قولى يا أم احمد
رامي ضحك وقال حاضر يا طنط ام احمد
واتملت الاجواء بالضحك والفرحه بعد الخۏف على يسربه قعد رامي
هو وزينب وقعدين يسمعوا حكايات ام احمد ويسريه مع بعض وعرفوا إنها
كانت ست فرشوفه جدا والناس كلها بتحبها ويسريه من وهى صغيره بتروح تقعد معاها لحد لما أحمد إبن الخاله سناء اسټشهد فى الجيش وبعدها يسريه مشيت وسافرت ومرجعتش البلد من زمان وقعدوا يحكوا المواقف الحلوه اللى عاشوها سوا وزينب ورامي
