حكاية سلوى
لي خلص الكلام بس صدقيني بكره تندمي انك ضيعتيني من ايدك .. قولت له انا عمري ما هضيعك لاني بحبك وانا مستنيه اليوم الي احس فيه انك اشتغلت وقادر تشيل مسؤليه بيت واسره هنتجوز فورا ومن غير تردد.. ضحك ضحكه استهزاء بكلامي وسابني ومشي
مرت الايام وعصام بقي يقصد ميشوفتيش ولا يقعد في مكان انا موجوده فيه وحتي الاكل بقي ياكل لوحده في اوضته علشان ميشوفنيش ع الاكل وكنت فاهمه انه بيعاقبني لكن الي كنت مش عرفاه ان عقابه ليا لسه مجاش
وفي يوم رجعو من الشغل لقيت في ضيوف
في بيت عمي و لما دخلت مرات عمي عرفتهم بيا وقالت اني بنت عم عصام وشاورت علي بنت جميله وقالت لي دي رنا خطيبه عصام.. سلمت عليها وانا مذهوله وبحاول اداري مشاعري وقولت الف مبروك واستئذنت اني اطلع شقتي وبصيت لهشام لقيته بيبص لي بتحدي بس شوفت في عينيه نفس نظره الحب مراحتش
اول مدخلت شقتي اترميت علي اقرب كرسي وانفجرت في العياط مش مصدقه الي حصل ... شويه ولقيت الباب بيخبط فتحت لقيت عمي وقال لي متزعليش انا عارف عصام بيحبك بس هو عنيد .. صدقيني شويه وهيسيبها هو مش بيحبها بيحبك انتي .. قولت لعمي
باقي قصه سلوي
بقيت اتجنب انزل بيت عمي كتير علشان مقابلش عصام وحاولت اشغل نفسي بشغلي وركزت فيه ..
وبعد فتره عصام اتجوز وسكن في الشقه الي فوقي .. اتجوز اخت صاحبه الي وافقت تتجوزه وباباه يصرف عليهم.. وانا كنت برفض اي حد يتقدم لي لاني بجد مش قادره اتصور نفسي متجوزه حد غير هشام.. ايوه لسه بحبه حتي بعد مسابني واتجوز
عمي كان عارف انا حاسه بايه وكان مقدر ومحاولش يضغط عليا اني اوافق
طبعا عصامالحياه مكانتش ورديه مع مراته كانت كل شويه تعمل مشاكل وطلباتها كتير وكل شويه اسمعهم بيزعقو وكنت بدعي لهم ربنا يصلح لهم الحال
وفي يوم اتخانقو خناقه كبيره جدا لما مراته رفضت تخلف الا لما يكتب لها الشقه باسمها وهو رفض وطبعا المشكله كبرت ووصلت للطلاق .. ودخل عصام في حاله اكتئاب وقفل علي نفسه مش بيشوف حد ولا بيكلم حد ... الكل حاول يخرجه من الحاله الي هو فيها لكن هو كان رافض يسمع اي كلام من اي حد
وفي يوم قابلته وانا طالعه ع السلم بص في الارض
بصعوبه وافق عصام اننا نروح نقعد في كافيه ونتكلم .. اول مقعدنا قال انا مغلطش انا اتجوزت علي سنه الله ورسوله وانتي السبب لانك رفضتيني
قولت له انا مش السبب السبب الحقيقي هو تمسكك برايك حتي لو غلط وعندك انت كنت بتدور علي واحده تساعدك تكمل الغلط الي انت عايش فيه ومش متقبل اي راي مختلف ومفكرتش ان الي هتوافق تتجوزك بظروفك دي هتكون طمعانه فيك وفي فلوس عمي
جرب تبدا يا عصام .. هتلاقي كل الناس معاك
قال لي انتي متعرفيش حاجه انا عيشت حياتي كلها انفذ الاوامر ومليش راي او اختيار في اي حاجه .. ولو رفضت او قولت راي مخالف بابا يتهمني اني فاشل واني مستحيل انجح في حاجه الا لو سمعت كلامه.. عايزني اشتغل معاه واساعده
مع انه لو كان سابني اقرر بنفسي كنت نجحت .. هو قرر اني مش هنجح الا في المجال الي هو اختاره ليا.. مسابش ليا مجال اختار
قولت له ياااه هو انت شايل كل ده جواك وساكت
طيب ليه مشتغلتش في حاجه انت بتحبها
قولت له انت في ايدك تغير فكرته وتخليه يثق فيك وفي اختياراتك وقراراتك وتثبت له انك تقدر تنجح في الحاجه الي بتحبها
طول ما الانسان عايش لازم يحاول ينجح مره ويفشل مره لحد ميوصل للي هو عايزه
وفعلا عصام بدا يشتغل في مجال الكمبيوتر وهو كان بيحب المجال ده وانا ساعدته لحد ما وقف علي رجليه وبقي عنده شركه صغيره
وفي يوم وانا خارجه من شغلي لقيته واقف مستنيني واول مشافني قال انا بكرر طلبي الي طلبته من زمان تقبلي تتجوزيني وتسامحيني علي الجرح الي جرحته لك بجوازي
قولت له ايوه دلوقتي انا موافقه تبقي جوزي الي مسؤل عني وفعلا طلبني من عمي ووافق وكان فرحان هو ومرات عمي علشان عصام اتغير جدا وبقي انسان مسؤل
واتجوزنا انا وعصام وعملنا بيتنا مع بعض وربنا رزقنا بولدين وبنت وكان عصام دايما. السند والضهر ليا ولولادي ولما كبرو شويه كان حريص يسيب لهم حريه الاختيار حتي لو مش مقتنع باختيارهم طالما مش حاجه غلط وبشرط ان كل واحد يتحمل نتيجه اختياره علشان يطلعو متحملين المسؤليه وقادرين علي. مواجهه
