بنت أصول
المحتويات
دخلت للبيت مهدود من الشغل لقيت أمي قاعدة بتتفرج على التلفزيون مع الولاد إبتسمت وسلمت عليهم
السلام عليكم ورحمة الله
الأم وعليكم السلام ورحمة الله وبركات
الأم تعا شوف ولادك يا مچدي مخليني أتفرج على كرتون معاهم مش رضيين يجبولي مسلسل سلسال الام
مجدي بإبتسامة متخديش في بالك انا هدخل اخد دش وأتغدى قوليلي إنتي كنتي بتحضري المسلسل على قناة إيه وانا هنزلك القناة على الريسيفر
ماشي حمام الهنا يا ولدي
دخلت للاوضة لقيت سماح قاعدة وضاربة بوزها ك العادة الأيام الأخيرة
مجدي بزهق خير
سماح بغصب مفيش
مكنتش ناقصني نكد وقتها فقولت طب كويس إنه مفيش انا داخل أخد دش عقبال متحضريلي الغدا
سبتها ودخلت الحمام وهي كانت هتشيط من الغيظ
كملت وخرجت لقيتها بتحط الصحون على السفرة وهي بتبرطم قعدت وامي جت تاكل معايا
مجدي إنتي مكلتيش لحد دلوقت
مستنياك عشان أكل معاك إنت خابر زين إني
مجدي بحزن الله يرحمهم بصيت لسماح وكأن كلامي مع أمي زاد من حدة غضبها ودخلت للاوضة ورزعت الباب إتغدينا أنا وأمي ولما خلصنا إمي قامت تشيل الصحون
مجدي بتعملي إيه ياما أنا هشيل عنك
تشيل إيه يا ولدي إنت راجع من الشغل همدان أنا هخدهم أغسلهم روح إرتاح إنت
مجدي طب إرتاحي إنتي وأنا هخلي سماح تيجي تغسلهم
بوست راسها وأنا بقول قطع لسان الي يقول عليكي عجزتي انا رايح أناملي ساعتين لأني مش شايف قدامي من التعب
الأم بحنان نوم العوافي ياحبيبي
دخلت للاوضة عشان أنام لقيت سماح بتهز في رجلها من الغضب الي كان باين على وشها وأول ماسندت راسي على المخدة بدأت الوصلة بتاعتها
سماح وبعدين يا سي مجدي إنت مش قولت إنها جاية تقعد أسبوع وترجع للبلد
مجدي معلش
سماح خلاص إحجزلها تذكرة للقطر
قومت متنرفز وإنتي متضايقة ليه إنها قاعدة في البيت هي كانت قاعدة على قلبك
سماح أيوة قاعدة على قلبي لما مبقاش واخدة راحتي في بيتي تبقى قاعدة على قلبي لما تكون بتتصرف على مزاجها في بيتي وتأكل ولادي على مزاجها تبقى قاعدة على قلبي حتى لوجين إمبارح أكلتها فول وإنت عارف إن عندها أنيميا ومتنفعش تاكله وبعدين أمك تقدر تروح تقعد عند بنتها
مجدي والله وإنت عايزة عيلة جوزها يقولو عليا إيه إبنها مش قادر يراعيها ورامي أمه عند الي يسوى والي ما يسواش
سماح ايواا قول كده من الأول إنت مش ناوي أصلا إنك تاخدها من هنا وكنت طول الوقت دا بتنيمني على وداني لحد ما أرضى بالأمر الواقع بس لا يا جبيبي يا أنا يا أمك في البيت دا
مجدي يا ولية إغزي الشطاان السعة دي وسيبيني أناملي ساعتين تكوني إنتي هديتي وفكرتي
خرجت من الاوضة وكانت أمي قاعدة لوحدها وكان شكلها مضايق
مجدي مساء الخير ياما هما الولاد فين و
الأم مرتك أخدتهم وراس دي كانت طول الفترة الي فاتت هي الي تقوم الصبح تحضر الفطار وتساعدها في كل حاجة حتى مرواح الولاد للمدرسة كانت بتلبسهم وتجهزهم قبل ما الباص يوصل أصل الإتنين كانو أشقيا وبيتعبوها عقبال ما يجهزو انفسهم
رحت لبيت أهل مراتي والي كانت مقابلتهم ليا ناشفة
واضح إنها سخنتهم عليا قبل ما اجي بعدها قعدت مع سماح عشان اتفاهم معا ها
مجدي يعني إنتي عايزة إيه دلوقتي
سماح عايزة أخد راحتي في بيتي
رجعت للبيت بعد محاولتي مع سماح إننا نتفاهم لقيت أمي قاعدة في الصالة لما شافتني قامت وهي بتبصلي بلهفة مرتك وولادك فين يا ولدي مجبتهمش معاك لي
مجدي بتنهيدة أنا وسماح قررنا إننا نتطلق يا أمي
ضربت على صدرها يا مري ليه كده يا ولدي بعد السنين
عيلة
متابعة القراءة
