اسكربت هروب لأجل العشق كامل بقلم اسراء ابراهيم

 
ياسين بقصد تصبحي على خير ومتحاوليش تهربي بالليل ماشي
همس اتجمدت في مكانها واټصدمت من ياسين لإنه كشف اللي في دماغها
همس بتهتهة أنا... أنا مش...
ياسين وهو بيقاطعها
بابتسامة خديها نصيحة مش كل ما تضايقي تهربي أوقات المواجهة أريح بكتير.
همس بصتله للحظة وبعدين حركت راسها من غير كلام ووقتها ابتسم ياسين وسابها وخرج ووقفت هي تفكر في كلامه
بعد كام يوم كانت فيهم همس سعيدة اوي بحياتها مع اهل ياسين ومعاملته ليها الحلوة فكانت نازلة مع صبرين ام ياسين عشان يشتروا شوية طلبات للبيت. والسوق كان زحمة اوي و مليان أصوات البياعين بينادوا على بضايعهم وستات بتتفاوض على الأسعار وهمس كانت كل ده مستغربة ومتوترة لانها عمرها ما نزلت ولا جربت اي حاجة زي كدة كانت دايما في البيت و كانت مش متعودة على نظرات الناس ليها بس كان في واحد زودها قوي معاها كان شاب واقف عيونه ثابتة عليها بطريقة مستفزة تقولها بس صبرين كانت مشغولة مع البياع والشاب وقتها استغل الفرصة وبدأ يتكلم مع همس وياخد رقمها بس فجأة سمعت همس صوت جهوري مليان ڠضب كان صوت ياسين اللي متعصب اوووي وفجأة بدأ يضرب الشاب بغل
همس اتجمدت في مكانها وعيونها كانت بتبص علي ياسين پخوف
ياسين پغضب انت مفكر نفسك مين عشان تتجرأ تبصلها بالطريقة دي أنت شكلك مش عارف أنت بتلعب مع مين فلو 
الشاب رفع إيديه باستسلام وهو بيرتعش خلاص يا باشا أنا مقصدتش... خلاص والله ما هيحصل تاني
ياسين زقه جامد بعيد عنه ولما الشاب وقع على الأرض الناس بدأت تبصله بس محدش اتدخل
وهمس كانت واقفة قلبها بيدق بسرعة عينيها مليانة خوف مش بس من اللي حصل... بس من نظرة ياسين ليها لانه كان لسه بيبصلها پغضب و حجات تانية... حاجة كأنها ملكية كأنها تخصه وكأن أي منه حاجة غالية عليه وكانت عيونه لسة مثبتة على همس وكأنه بيتأكد إنها سليمة وبصوت أهدى سألها أنتي كويسة حد مد إيده عليكي
همس هزت راسها بسرعة بنفي 
لا...مفيش حاجة
همس بلعت ريقها بصعوبة و قلبها كان بينبض بسرعة مش بس من اللي حصل لكن من احساس غريب بدأ يتملكها... إحساس إن ياسين مش مجرد غيران عليها ده كان محسسها إنها بتاعته وإنه مستعد يعمل أي حاجة علشان يحميها وده كان مخليها محتارة اوي ومش عارفة هي فرحانة ولا زعلانة
جوة الأوضة همس كانت قاعدة على السرير عينيها متثبتة بعيد وعقلها مش قادر يهدا من وقت اللي حصل في السوق قلبها لسه بيدق بسرعة مش بس بسبب الخۏف لكن بسبب حاجة تانية مش مفهومة حاجة اسمها ياسين لمسته طريقته في حمايتها الڠضب اللي كان في عينيه وهو بيشوف حد بيحاول يأذيها كانت متعودة إن الرجالة اللي حواليها يا إما يتجاهلوها أو يبصوا لها بطريقة تخليها تنكمش بس ياسين كان مختلف كانت نظرته ڠضب بس كمان أمان وانجذاب مش عايزة تعترف بيه.
انتبهت همس علي صوت خبط الباب ودخول سما اللي كانت بتبصلها بقلق 
يا بنتي مالك ساكتة ليه من ساعة ما رجعتي
همس كانت محتارة وهي بتحاول تلاقي الكلام المناسب 
ليه ياسين عمل كده
مين
همس بتوتر ياسين
سما رفعت حواجبها بفضول وكأنها مستنية تسمع اعتراف رسمي بس سكتت وهي مستنية همس تتكلم أكتر.
همس بصت للأرض وكملت بصوت هادي هو مش من النوع اللي بيتدخل في حاجات متخصوش يعني مبيتصرفش بعشوائية ومش متهور بس انهاردة كان غريب كان وكأنه
سما بتلقائية غيور
همس اتجمدت مكانها و كأن الإحساس اللي كانت بتحاول تهرب لقته في كلمة واحدة كلمة خلت قلبها يدق أسرع
همس بسرعة لا مفيش سبب يخليه يغير احنا مش
سما قاطعتها بخبث مش إيه مش مخطوبين مثلا ولا مش بتحبو بعض
همس عضت شفايفها بخجل وحاولت تغير الموضوع 
سما انا مش عارفة انتي قولتي كدة ازاي بس 
سما ابتسمت وردت بخبث وهي بتقوم من جنبها 
براحتك بس ياسين دي طبيعته هو مبيسيبش ابدا اللي يخصه
همس رفعت عينيها بتوتر 
بس أنا مشاخصه يعني
سما ردت بتغمز بعنيها 
متأكدة يعني
همس حست
بقلبها بيضرب بسرعة بس قررت تتجاهل كلام سما وقامت من مكانها وهي بتقول
أنا هنام تعبت النهاردة.
سما شافتها بتحاول تهرب من الحوار فابتسمت 
براحتك بس فكري هو ليه كان ڠضبان كدة
قالت كدة سما وخرجت وسابت همس واقفة مكانها بإحساس جديد ملخبط
كان قاعد ياسين مع مراد صاحبه اللي كان ملاحظ انه مضايق اوي
مراد باستغراب مش متعود عليك كده إيه اللي مخليك ساكت ومتنشن
ياسين مكنش منتبه للكلام وفضل باصص بعيد فابتسم مراد ورد بخبث 
كل ده عشان البنت اللي اسمها همس 
هنا ياسين لف لمراد پغضب 
قصدك إيه
مراد ابتسم ابتسامة جانبية قصدت اللي قولته من يوم ما البنت دي دخلت حياتك وانت متغير النهاردة كنت ھتموت واحد عشانها ممكن اعرف ليه و متقوليش عشان الرجولة والمروءة لإنك طول عمرك كدة بس انهارده كنت مختلف كنت ڠضبان بطريقة غريبة وده مش كلامي ده كلام اللي شافك وحكالي
الكلام ده ضړب ياسين في مقټل وكأن مراد داس عالجرح
ياسين بحدة وده يضايقك في إيه
معاذ ضحك بسخرية ورد بخبث 
يضايقني ده ېقتلني اصل انت مش فاهم حاجة
ليه انت مهتم بيها شوفتها فين اصلا انطق
فجأة ضحك مراد بصوت عالي بطريقة خلت ياسين يستغرب فاتوتر وفهم انه قصد يخليه يتعصب ويغير علي همس
مراد بتلقائية عرفت بقي انها تهمك واوي كمان مش هقولك بقي انك بتحبها وهسيبك تفهم ده لوحدك
سكت ياسين وهو باصص بعيد بتوتر وحيرة
بعد يومين كانت سما قاعدة مع ابنها في الصالة بتلاعبه وصبرين قاعدة جنبها بتتكلم معاها عن حاجات تخص البيت اما همس فكانت في المطبخ بتجهز شاي وفجأة كلهم سمعو صوت خبط جامد عالباب
سما اتوترت وهي بتبص لصبرين وصوت الخبط بيتكرر تاني. وقبل ما حد يتحرك الباب اتفتح پعنف ودخل عاصم طليق سما بوشه الغاضب وعينيه اللي بتلمع بالشړ جوه البيت.
سما قامت بسرعة وقلبها بيدق بسرعة 
انت جاي هنا ليه يا عاصم
عاصم باستحقار 
جاي أخد ابني ! صل انا مش هسيبهولك ولو فكرتي اني هسكت لما اخوكي اخده تبقي غلطانة
همس پغضب 
انت بتتكلم كدة ازاي وداخل كأن البيت بيتك انت قليل الزوق صحيح
عاصم باستغراب 
ودي مين بقى مش كفاية البلاوي اللي عندكم جايبين واحدة تانية تكمل الناقص
همس بقوة وهي بتقف قدام عاصم بصرف النظر عن أنا مين انت واضح انك دخلت المكان الغلط بالطريقة الغلط فاخرج عشان انا لو صوت ولمېت الشارع انت مش هتخرج سليم
عاصم بتوتر المكان الغلط ده فيه ابني وانا مش هسيبه ومش هخاف من حتة بت زيك
سما اتدخلت بعصبية