رواية عشق بالصدفة كتابة إسراء ابراهيم

الأحد 27/يوليو/2025 - 09:16 ص

اسكربت
عشق بالصدفة
واقفة بټعيطي كدة ليه يا بنتي
تاج بدموع كيس الرز اتقطع والرز كله وقع في الارض ومرات ابويا ھټموټني من الضړب
زهرة بشفقة منها لله وايه يعني يا بنتي شوية رز وقعو هي مصېبة يعني عادي بتحصل فداكي
تاج بحزن فدايا دي اساس هتفرح انها لقت سبب تضربني عشانه انتي متعرفيش يا طنط پتكرهني ازاي انا مش عارفة ليه مرات الاب لازم تكره عيال جوزها كدة رغم اني مش بعملها حاجة تضايقها دي بتخليني اعمل كل حاجة وعمرس ما اشتكيت
زهرة بحنان متزعليش يا حبيبتي ربنا ان شاء الله هيعوضك خير عشان انتي بنت حلال وبعدين متظلميش كل مرتات الاب والله مش كلهم عندك انا اهو عمري ما فرقت بينه ابن جوزي وبين بنتي وربنا يعلم ان غلاوتهم واحدة
تاج وهي بتمسح دموعها هو انتي مرات اب برضه زي مرات ابويا
زهرة بابتسامة ايوة بس مش زي مرات ابوكي في طبعها انا لما اتجوزت جوزي كان معاه ابن ربيته وكبرته وبعد كدة ربنا رزقني ببنتي بقت اخته وعمري ما فرقت بينهم ابدا لحد ما كبرو وبقو ما شاء الله
تاج بابتسامة حضرتك جميلة اوي يا طنط يا بخت ابن جوزك بيكي انا حبيتك اوي
زهرة بحنان حبيبتي والله انتي اللي جميلة ومرات ابوكي دي ربنا يعينها علي نفسها وتبعد عنك وعلي فكرة انا اسمي زهرة عشان تبقي عارفة يلا تعالي معايا
تاج ابتسمت وبعدين سألت بفضول هنروح فين
زهرة مردتش علي تاج وسحبتها من ايديها وخدتها لاقرب عطار واشترت منه رز بدل اللي وقع
تاج بحزن بس ده كتير اوي يا طنك ده اكتر من اللي وقع وبعدين كدة حضرتك غرمتي تمنه انا اسفة اوي
زهرة بابتسامة اخس عليكي يا تاج مش انا زي امك تقوليلي كدة برضك يلا عالبيت وعلي مهلك وانتي ماشية
تاج بابتسامة ممكن احضنك يا طنط
ابتسمت زهرة بحب وحضنت تاج اللي غمضت عنيها ودموعها نزلت بحرارة ومشيت وهي مقررة متنساش ابدا زهرة
بعد يومين كانت واقفة تاج في المطبخ بتعنل الاكل كالعادة لحد ما سمعت مرات ابوها بتنطق اسمها فافتكرت انها بتنادي عليها فخرجت بس وقفت مكانها لما سمعت كلام عزة مرات ابوها
عزة باقناع يا منتصر البت مش صغيرة ولا حاجة ماهي فاتحة البيت اهي وهي اللي بتعمل كل حاجة فيها ايه يعني لما نجوزها اهي سنة الحياه
منتصر باستغراب يا عزة البت مكملتش 18 سنة اجوزها ازاي بس وكمان يعني مصطفي العريس ده لا نعرف اصله ولا فصله ده حيالله جه هنا الشارع من سنتين وعمرنا ما شوفناله عيلة ده غير بقي انه متجوز
شهقت

تاج پصدمة وهي حاطة ايديها علي وشها وبتسمع كلامهم ودموعها نزلت پقهرة
عزة بتوتر وماله يعني لما يكون متجوز يا منتصر المهم انه يكفي بيته وبعدين ده كفايا العيشة اللي هتعيشها وانه مقتدر ومعاه وهيهنيها
منتصر بشك ايوة بس اشمعني دلوقتي يعني يا عزة ما كلن دايما كلامك انا مش هجوزها دي هتفضل هنا اهو خادماني
عزة بكدب ايوة بس يعني فكرت كويس ولقيت ان البت بتكبر واكيد يعني مسيرها هتتجوز ها قولت ايه يا منتصر
متتصر يتفكير ماشي يا عزة لما اشوفك كدة الموضوع ده وان شاء الله خير
عزة بابتسامة ان شاء الله تبقي جوازة السعد وبكرة تقول عزة مراتي قالت يلا هقوم انا اشوف الاكل خلص ولا ايه احنا جوعنا
دخلت تاج تاني المطبخ وكملت اللي بتعمله وهي بټعيط لانها عارفة انها متقدرش تعترض علي اي حاجة
كانت قاعدة زهرة سرحانة لما جه في بالها تاج فكانت زعلانة عليها اوي ومخدتش بالها من يوسف ابنها او بالاصح ابن جوزها اللي دخل عليها
يوسف بابتسامة ست الكل وحشتيني
زهرة بابتسامة وانت اكتر يا حبيبي طمني عامل ايه انهاردة
يوسف بحب الحمد لله يا امي الشغل انهارده كان تقيل شوية بس الحمد لله ظبطته
زهرة بحنان رينا يعينك ويقويك يا حبيبي يارب ها قولي بقي مش ناوي تفرح قلبي وتوافق علي العروسة
يوسف بضحك اه انتي شكلك كدة ناوياها يا زوزو وانا مش هعرف اخلع منك لا انا هقوم انام احسن
زهرة بابتسامة يا واد يا بكاش انت بتاخدني في دوكة ريح قلبي بقي يا يوسف واتجوز دي مريم اختك اهي اتجوزت وريحتني ونفسي استريح واطمن عليك انت كمان
يوسف بابتسامة لا يا حبيبتي انا قاعد معاكي مش هسيبك متفتكريش انك هتعرفي توزعيني من هنا
زهرة بلهفة يا يوسف ده يوم المني لما تتجوز معايا هنا ومتسيبنيش بس انا بقول متقلش عليكم وبعدين اكيد عروستك عاوزة تحس انها في بيتها تتصرف براحتها ليه تقيدها بيا
يوسف وهو بيبوس ايد امه يا حبيبتي ايه اللي بتقوليه ده اصلا هي لو موافقتش انا اللي مش هكمل الجوازة دي انا وانتي كدة باكدج يعني يا توافق بينا احنا الاتنين يا شكرا
زهرة بيأس طيب يا يوسف بس انت توافق الاول وتقولي مين هي دي بقي اللي هنسألها علي موضوع الشقة
ضحك يوسف بصوته كله ورد انتي بتعملي عليا مخبر يا ماما بتوقعيني لا يا ستي انا مش مرتبط ولو في حد هقولك اكيد عموما لسة النصيب مجاش
زهرة بابتسامة ربنا يعطرك في بنت الحلال يا حبيبي ويخليك ليا يا يوسف
يوسف بحب ويخليكي ليا يا ست

الكل بس قوليلي صحيح مالك كدة بقالك يومين مش مظبطة علطول سرحانة وحاسس انك زعلانة هي حاجة حصلت زعلتك
زهرة بتفكير والله يا يوسف حصلي موقف كدة من يومين في الشارع ومن وقتها وانا قلبي واكلني اوي علي البنت دي
يوسف باستغراب بنت مين وايه اللي حصل يا امي
زهرة بابتسامة هحكيلك يا حبيبي
ارحمني بقي يا فارس مش كل يوم والتاني تجيلي الفجر وتقولي شغل انت فاكرني هبلة
فارس ببرود دي الحقيقة يا مريم مش مصدقاني خلاص المرة الجاية هبقي اتصورلك او اقولك هجبلك نسخة من كاميرات الشركة حاضر
مريم بانفعال انت بتتريق فاكرني كدة هسكت يعني لا يا فارس انا من وقت ما اتجوزتك وانا حاسة كأنك مڠصوب عليا بس ازاي وانت اللي طلبت ايدي من امي واخويا تبقي مڠصوب ازاي بس
فارس بتوتر مڠصوب ايه وكلام فارغ ايه انتي هبلة يا مريم مفيش الكلام ده بيتهيألك طبعا
مريم بحزن لا مش بيتهيألي يا فارس وانا مش واحدة بتغير غيرة مرضية وبقولك كدة وخلاص انا بشوف فعلا انك مڠصوب عليا في كل تصرفاتك ده احنا حتي مش باين علينا اننا متجوزين بقالنا سنتين بس من وقت جوازنا وانت بعيد عني بعقلك وقلبك علطول بتحب تقعد لوحدك بتنام في مكان تاني في الاول قولت عادي لسة مش متعود بس لحد امتي انت بتتعمد تسهر برة كل يوم عشان ترجع تلاقيني نمت قبلك فمتضطرش تنام جمبي انت متخيل
فارس بهدوء اهدي يا مريم انتي فاهمة غلط الموضوع كله سوء تفاهم مش اكتر
مريم بانفعال لا يا فارس الموضوع كله كان غلط من الاول انا غلطت لما سكت طول السنتين دول ومتكلمتش بس دلوقتي لا مش هسكت ويا تفهمني حالا ياما هكلم
يوسف
اخويا يجي ياخدني ومش هرجع البيت ده تاني يا فارس
فارس بص لمريم شوية وكان باين عليه الحيرة وفي الاخر سابها ودخل اوضة الاطفال فقعدت مريم بتلقائية وهي بټعيط
تاني يوم كانت واقفة تاج قدام ابوها وهي باين عليها الحزن لانها عارفة اللي هيقوله
منتصر بابتسامة في عريس متقمدلك يا تاج وهيجي اخر الاسبوع تشوفيه ويقرا الفاتحة
تاج بحزن بس انا مش موافقة يا بابا انا مش عاوزة اتجوز
متتصر بتكشيرة ازاي بقي اي بنت مسيرها تتجوز وانتي كبرتي يا حبيبتي واكيد يعني مش هتفضلي من غير جواز
تاج بدموع بابا انا عمري ما طليت منك اي حاجة بس وغلاوة ماما عندك ما توافق علي العريس ده انا مش عاوزاه
منتصر بتوتر يا تاج العريس ده ميتعيبش عشان ارفضه وبعدين عزة بتقول انه كويس وانه
تاج باڼهيار يا بابا طنط عزة عاوزة

تمشيني من البيت عشان وتجوزني للراجل ده عشان وعدها انه هيجبلها دهب كتير انا سمعتها وهي بتكلمه
عزة من وراها بتتكلم بصوت عالي بتداري بيه توترها انتي اټجننتي عاوزة توقعي بيني وبين ابوكي شايف يا منتصر بنتك اللي متربتش انا لا يمكن هقعد معاها في بيت واحد انت فاهم دي وصلت بيها انها تكدب وتتهمني بالباطل عشان تخليك ترفض جوازتها
منتصر پغضب انتي ازاي يا بت انتي تقولي كدة عشان موضوع الجواز فكراني اهبل عشان اصدق الكلام ده
تاج بدموع وانت من امتي بتصدقني في حاجة انتي مش بتصدق غير كلامها حاضر يا بابا انا هتجوز اللي انت عاوزه بس صدقني انا مش مسامحاك طول عمري
اتوتر منتصر وبص لعزة اللي حست بحيرته فحاولت تداري بصوتها العالي ايوة ياختي اتمسكني عشان تحنني قلبه وتخليه يصدقك ده انتي عقربة عموما انا مليش دعوة يا منتصر بالجوازة دي اللي انت عاوزة اعمله صحيح خيرا تعمل شړا تلقي
منتصر بجمود حضري نفسك يا تاج عشان هتقابلي عريسك اخر الاسبوع فاهمة
بصتله تاج بحزن وخزلان وسابته ودخلت الاوضة ووقف منتصر ضميره بيأنبه وحاسس ان اللي بيعمله ده غلط بس وقتها عزة اتكلمت معاه بطريقتها خلته نسي كل حاجة
تاني يوم صحيت مريم من النوم وخرجت من اوضتها وكالعادة ملقتش فارس موجود فاتنهدت بحزن وقررت انها تعمل محاولة كمان فلبست وعملت كل الاكل اللي بيحبه فارس وكمان عملت تورتاية بنفسها وكانت لابسة فستان رقيق اوي فكانت قمر وفضلت مستنياه لحد ما يجي وفعلا اتاخر فارس زي عادته بس جه في الاخر واول ما فتح الباب اتفاجأ بكل اللي عملته فاتنهد بحيرة وبصلها
مريم بابتسامة مش هتقولي ايه القمر ده اي حاجة تحسسني انك متفاجئ
فارس بابتسامة متوترة اكيد طبعا ايه القمر ده انا بس مكنتش متوقع يعني اني الاقيكي عاملة كل ده وخصوصا بعد ما شدينا امبارح مع بعض
قالت كدة مريم وفارس فغمض عنيه هو بحيرة ومردش فخرجت مريم وبصتله باستغراب
مريم بحيرة مش هتقولي وانا كمان بحبك يا فارس ولا مش قادر تقولها
فارس بهدوء مريم انا تعبان وعاوز انام لو سمحتي سبيني وبكرة نتكلم
مريم پصدمة تعبان وعاوز تنام لا يا فارس انت هتقولي دلوقتي اتجوزتني
والا وحياه رحمة بابا انا مش هسكت وهتصحي الصبح مش هتلاقيني انت فاهم
فارس بضيق انتي ليه مكبرة الموضوع قولتلك بكرة نتكلم مش قادرة تستني لبكرة
مريم بانفعال اه مش قادرة استني لبكرة اتفضل قولي كل حاجة يا فارس حتي لو انت متجوزني ڠصب عنك بس

قولي وعرفني بدل منا زي الهبلة كدة مش فاهمة حاجة انطق بقييييي
فارس باندفاع