دعوة حب

الخميس 12/يونيو/2025 - 08:56 م

راجع من بيت صاحبي فرحان وفي إيدي البدلة بتاعته علشان ماكنتش أعرف إزاي هروح الإنترڤيو بتاع بكرة من غير بدلة.
ايه رأيك يا ماما مظبوطة عليا
عينيها لمعت لمعة فخر وقالت
مظبوطة!!
مظبوطة دي كلمة قليلة عليها دي هتاكل منك حتة والله.
ربنا يكرمني وأتقبل في الشغل وأجيب أحسن منها.
ربنا يوقف جمبك ولاد الحلال يابني ويكرمك بكل خير لإنك تعبت وتستاهل.
رحت بايس إيدها وخارج وفي جيبي كل الفلوس الموجودة في البيت في الوقت ده اللي هما حوالي ١٥ جنية.
ومن جمبي الراديو بيشاركني حالتي وصوت بيغني ويقول
صبح الصباااااح فتاح يا عليم
والبيت مافيهوش ولا مليم .
فضلت ماشي في طريقي بسرعة وعمال أبص في ساعتي
صباح الفل ياعم طاهر يا طيب.
صباح النور ياكريم يابني.
عاوز ساندوتش طعمية بس ع السريع بالله عليك وادعيلي دعوة حلوة كدة إن ربنا يكرمني علشان رايح مشوار مهم.
ربنا يديك علي قد نيتك يا طيب يابن الراجل الطيب.
أخدت الساندوتش منه وماشي بسرعة علشان ألاقي عربية وألحق المعاد .
وفجأة وبدون أي مناسبة.....
حاجة لله يابني.
بصيت علي لبسها البسيط وسنها الكبير
الله يسهلك يا أمي.
قربت مني خطوة
أجبر بخاطري والله ولادي جعانين من إمبارح.
مرة واحدة لاقيت نفسي تلقائي بطلع كل اللي في

جيبي ومديهولها.
ادعيلي دعوة حلوة بقي يا حاجة.
هدعيلك أحلي دعوة في الدنيا وبكره تفتكر كلامي .
بصيتلها وفرحت لمجرد إني لاقيتها داخلة تجيب عيش من الفرن وهي فرحانة وجريت علي عمي طاهر أخدت منه فلوس وقولتله لما آجي هرجعهملك .
ركبت ووصلت للمكان ومستني أسمي يتنادى عليه علشان أدخل ودماغي كلها تفكير في تعب أمي ودعواتها وكلي أمل إني هقدر أعوضها وأعيشها حياة أحسن من اللي هي فيها .
كريم أنور!
أيوة أنا يافندم.
أتفضل أدخل.
قمت وجوايا يقين تام إن مهما حصل أكيد ربنا كاتبلي الخير .
الراجل اللي هيعملي الإنترڤيو أخد مني الملف بتاعي وبصلي من فوق لتحت وشاورلي بإيده علشان أقعد.
متخرج من كلية صيدلة بتقدير عام جيد جدا كويس والله.
الحمد لله تعبت وربنا كرمني.
وايه هي مهاراتك يا دكتور اللي تخليك مؤهل للوظيفة
بعرف أستخدم الكومبيوتر كويس جدا يافندم ومعايا ٣ لغات إنجليزي وفرنساوي وألماني و١٠ شهادات تدريب بالإضافة لكورسات معتمدة في معظم المجالات موجودة عند حضرتك.
أه أخدت بالي.
وفجأة لاقيته بيقول
والحاج الله يرحمه كان شغال ايه
وده هيفرق مع حضرتك في إيه يافندم!!
جاوب علي قد السؤال يا دكتور.
كان شغال في سوق الخضار.
تعبيرات وشه اتغيرت
والوالدة
لا الوالدة مش شغالة.
بس مكتوب قدامي

إنك الإبن الوحيد أمال مين اللي بيصرف علي البيت دلوقتي!
أنا يافندم.
إزاي
بصيت في عينيه بكسوف وقلت
كنت شغال في قهوة جمب البيت بس دلوقتي سبتها والله ومش شغال.
بصلي وضحك ضحكة سخيفة
بتعرف تعمل قهوة يا دكتور علي كدة
أه بعرف يافندم.
طب كويس علشان لو بتاع البوفية ماجاش أنت تكون مكانه.
الله يسامحك.
قفل الملف بتاعي ورماه قدامي بقرف
وداني إحمرت وعيني دمعت من الإهانة ف رحت واقف وباصصله بعصبية وقلت
علشان كان بياع خضار!!!!!
ولا علشان إبنه مكافح واشتغل في قهوة في وقت حضرتك قاعد فيه تحت التكييف بتتكبر علي باقي خلق الله وتدوس علي كرامتهم
بالتوفيق في مكان تاني يا دكتور.
مات عمر.
لاقيته وشه إحمر وقال
يعني إيه
يعني لو سألوك عن العدل في بلاد المسلمين قولهم مات عمر يافندم.
ورحت واخد الملف بتاعي وقلبي مايعلم بحالته غير ربنا وراجع علي البيت .
تعرفي يا حاجة منى إنك أعظم أم في الدنيا!
يا بكاش ده انا حافظاك عاوز ايه إنجز!
عاوزك تدعي لإبنك كتير.
بدعيلك في كل وقت يابني ده أنا بطول في سجودي مخصوص علشان أدعيلك أنت وأبوك الله يرحمه وبتباهي بيك قدام الناس كلها وماشية رافعة راسي ما أنا أم الدكتور بقي.
رحت موطي وبايس إيدها ودخلت اتوضيت وأول ما سجدت قلت
يارب

القلوب ومغير الأحول ارزق أمي بفرحة يعقوب بعد سنين صبر علي إبنه وونس لقلبي زي ونس يوسف وهو في ضلمة البير وخرجني من حالتي دي زي ماخرجت يونس من بطن الحوت ماليش غيرك يارب وجيت لحد عندك وبترجاك إكرم ضعيف إحتمي بحماك .
خلصت صلاة ومسكت موبايلي وأول حاجة جت قدامي إعلان مكتوب فيه
مطلوب دكتور صيدلي علي وجه السرعة لشركة أدوية بمدينة العاشر من رمضان والخبرة غير مطلوبة.
أخدت الرقم واتصلت عليهم وحددولي معاد إني أروح بكرة فكلمت واحد صاحبي وخرجت أستلف منه فلوس وأول مارجعت البيت مسكت الملف بتاعي وكتبت حاجة علي آخر ورقة موجودة فيه .
صحيت تاني ولاحظت إن أمي مانمتش طول الليل بسبب قلقها عليا وإن نفسها تشوفني حاجة كبيرة فإضطريت أكدب عليها وأقولها
الشركة دي محترمة وهي اللي طالباني وبإذن الله هشتغل.
ربنا يكرمك ويجعلك في كل خطوة سلامة يابني.
بوست إيدها وخرجت من البيت .
وأول ما وصلت مكان الشركة دخلت علي الراجل اللي هيعملي إنترڤيو .
ابتسمت ابتسامة مصطنعة وقلت
صباح الخير يافندم.
صباح النور اتفضل أقعد.
مسك الملف بتاعي وفضل يبص علي كل كلمة فيه لحد ما وصل لآخر ورقة تعبيرات وشه اتغيرت وقلع نضارته وبص عليا ب استغراب.
ايه اللي أنت كاتبه ده يا دكتور
حاجات مهمة زي ما حضرتك

شايف.
يابني أنت الملف بتاعك إنجاز تتشرف بيه قدام العالم كله.
ليه كاتبلي وظيفة