كنت ماشي بالتاكسي على طريق زراعي بالليل
كنت ماشي بالتاكسي علي طريق زراعي
لقيت راجل مُسن بيوقفني وركب معايا في الكرسي اللي ورايا سألته رايح فين يا حاج ؟
قالي عندي اعاده كشف عند الدكتور و إستأذنت من الشغل ومشيت بدري علشان أكشف ما هو انا ياابني مينفعش اغيب من الشغل لو ده حصل صاحب الشغل هيطردني
- هو حضرتك بتشتغل ايه يا حاج ؟
= بعد ما طلعت علي المعاش اضطريت اشتغل في مصنع للورق لان المعاش يادوب بيكفي الايجار بالعافيه والفلوس اللي بقبضها من المصنع بصرف بيها علي نفسي
- انا اسف في السؤال اولاد حضرتك فين ؟
= ولادي ! امممممم ربنا يجازيهم بقي بعد ما كبرتهم و علمتهم و جوزتهم سابوني واتخلوا عني
نسيوا ان لهم أب وكل واحد عايش حياته
- و زوجه حضرتك عايشه ؟
= مراتي ربنا يرحمها ماتت من عشر سنين كنا عند الدكتور بكشف لان نفسيتي كانت تعبت بسبب افعال ولادنا ونسيانهم لينا وفجأه وبدون مقدمات حصل ماس كهربائي
خلال لحظات العياده كانت
معلش بس كنت محتاج افضفض
- لا خالص يا حاج انا بستمع لك بجد ومتضايق لحالتك
ربنا يبارك في عمرك ويرحم زوجتك يارب ويهدي الاولاد وياريت تعتبرني ابنك واي حاجه انا تحت امرك فيها
= ربنا يخليك بجد انت فرحتني جدا انا ارتحت لك علشان كده فضفضت معاك انا اسم حسين عبدالمجيد
وانت اسمك ايه يااسطي ؟
- اسمي امير جلال يا حاج
واستمر حديثنا طول الطريق و وصلت لمكان العياده اللي قالي عليها كانت في
قلت له حاضر هركن التاكسي وادخل معاك
علي ما ركنت التاكسي كان دخل العياده وقبل دخولي ليها لقيته شاورلي وهم بيبتسم وقالي تعالي ياله في اللحظه دي جالي تليفون من البيت مراتي بتقولي في مشكله ولازم تيجي حالا يا أمير
كنت في حيره ما بين ادخل العياده مع الراجل المُسن ولا اسيبه وارجع البيت وبصراحه قلقت جدا بعد مكالمه مراتي خاصه انها قفلت بسرعه ومفهمتش منها حصل ايه ركبت التاكسي واتحركت بسرعه ولما وصلت للبيت نزلت من التاكسي وبالصدفه لمحت ورقه في الكرسي اللي ورايا لقيتها روشته بإسم " حسين عبد المجيد " ومكتوب اسم الدكتور لكن الغريبه ان ميعاد الاعاده كان يوم 2009/5/6
يعني من عشر سنين بقيت مستغرب ومش فاهم حاجه
تجاهلت اي تفكير راودني في الوقت ده
وطلعت البيت والحمدلله كان الموضوع
وشئ ما دفعني للتفكير في التاريخ المكتوب علي الروشته و تذكرت الحديث اللي دار بيني وبين الراجل المُسن وتحديدا لما قال انه كان موجود مع مراته عند الدكتور من عشر سنين يعني سنه 2009 وحصل ماس كهربائي في العياده نتج عنه وفاه زوجته هو ممكن يكون !
اعتقدت حاجه تانيه خالص وعلشان اقطع الشك باليقين فتحت اللابتوب ودخلت علي النت وبحثت عن ماس كهربائي نشب في عياده وكتبت اسم الدكتور
تنحت لمده دقيقه لما لقيت اخبار في مواقع كتير بتتكلم عن الحادث ده وانه بالفعل نشب حريق في عياده طبيب نتيجه ماس كهربائي
وكانت الصدمه لما عرفت ان مكان العياده اللي اتحرقت
كانت في نفس العمارة اللي دخل فيها الراجل المُسن
والاغرب ان تاريخ انفجارها كان نفس التاريخ المكتوب في الروشته اللي لقيتها في التاكسي والمثير للرعب لما بحثت عن أسماء الضحايا ولقيت من ضمنهم " حسين عبد المجيد "
ويبقي السؤال الأكثر رعباً
لو
تمت
