حكاية بنت الجيران قصة حماده هيكل
بنت الجيران ..كاملة
سرحت بخيالي وانا سهران لوحدي وحاسس بملل ووحده رهيبة
فعلا حياة العزوبية دي صعبة اوي
امتى بس الواحد يتجوز ويعيش حياته
ويلاقي ست تدلعه وتونسه بدال العيشة دي
بس بسرعه لقيتني بقول لنفسي
ياعم كفي نفسك الاول ..هو انت لاقي تاكل
عشان تفتح بيت وتصرف على ست ودا غير مصاريف
الجواز نفسه من شقه وعفش ودهب وكوافير وليلة زرقا
بقولك ايه ياض يا عصام
نام انت دلوقت وبكره هتبقى كويس
عشان لو ملحقتش البصمه بتاعت الشركه
هيتخصملك والمدير هيطرقعلك وانت مش ناقص
ظبطت المنبه على الساعه 7 ص
ويادوب لسه عيني هتغفل
سمعت صوت خربشة على باب الاوضه
ايوه منا نسيت اقولكم اني عايش في اوضة ايجار
على السطوح وذلك بعد نزوحي للقاهرة بحثا عن حياة كريمه
بس واضح أن كريمة نفسها انتحرت
المهم نفضت وقولت تلاقيها قطة ولا حاجه
جعانه . متعرفش أنها لو دخلت عندي
مش هتطلع على رجليها اصلا
لكن بعد دقيقه صوت الخروشه زاد تاني
وبعدين بقى شكلنا مش هنشوف نوم في أم الليلة دي
حطيت المخده على ودني لكن الصوت رجع تاني
ومعاه خبط ومحاوله لفتح الباب
ايه دا مين دا اللي بيحاول يسرقني
أيعقل اكون بقيت مطمع
قومت بسرعه وفتحت الباب مره واحده
ولقيت طفله صغيره تيجي 4 سنين كدا !!
انتي مين يا حلوه
وجايه هنا ليه
عيطت وقالت
عايزه ماما
ماما
عاااا عايزه ماما مليش دحوه
طب بس اهدي
واضح انها عيلة تايهه...بس ايه اللي طلعها من بيتها السعادي
ممكن تكون بنت حد من الجيران
بصراحه مش عارف انا لسه ساكن هنا
من عشرين يوم ومعرفش حد من الجيران
وبعدين في الحيرة دي بس
طب انتي اسمك ايه يا بابا
انا بوسي
بوسي ااااه ..بوسي مين
رفعت كتفها في براءه وقالت مس حارفه
ايوه يعني بابا اسمه ايه
بابا
ايوه اسمه ايه
اسمه بابا
صلاة النبي احسن ..هي ليلة مش فايته انا عارف
طيب تعالي ادخلي اقعدي جوه على ما اغير
وانزل معاكي اشوف انتي بنت مين وايه حكايتك
على الله الاقي عم صبري البواب صاحي
دخلت وقعدت ع السرير
هو انت لوحدك
اه يا حبيبتي
طب انا جحانه
يا حبيبتي . طب عايزه ايه
حايزه اكل ممه
طب استني في سندوتش فول زايد من العشا
تاكليه
لا انا مس بحبه فول حازه طحميه
لا ماهو انا مش مطعم دا اللي عندي اهو
يلا كليه
قعدت تعيط وتدب برجلها ع الأرض
طب بس خلاص متزعليش
اجبلك منين انا بس طعميه دلوقت
مليس دحوه
قالتها ولوت شفايفها واتقمصت
طب معلش يا بوسي انا اعرف منين بس انك جايالي
وانك بتحبي الطعميه
بصت لي بصه كدا وكأنها بتقول
ماهو لو مهتم كنت عرفت لوحدك
كلكم كدا حتى من وانتوا مفاعيص
غيرت وشيلتها ونزلت تحت للدور الارضي
العماره ٦ اداور كل دور شقتين
للاسف
استنيت شويه ع الدكه وقولت يمكن يكون راح هنا ولا هناك
الساعه كانت عدت ١٢ فات نص ساعه ومظهرش
قولت يمكن يكون نام
خبطت على باب أوضته ..فتح الباب وهو بيفرك عنيه
استاذ عصام خير
ايه دا ماشاء الله اللي جابلك يخليلك
هنهجرج ياعم صبري ..بنت مين دي
دي
اه دي !!
مش عارف وبعدين مش انت اللي شايلها
ياعم انا لقيتها قدام باب اوضتي من شويه
وعماله تعيط وعايزه مامتها ونا معرفش كل سكان العماره هنا
وعشان كدا جيتلك عشان تقولي بنت مين دي
مين
عم صبرررري ركز الله يسترك
ايوه ايوه منا مركز اهو
تعرف البنت دي
بصراحه لا اول مره اشوفها
وبعدين طيب هعمل ايه انا في الورطه دي
ولا ورطه ولا حاجه خليها عندك
دا حتى البنات رزقها واسع
رزقها واسع !!طب خش نام انت ياعم صبري عشان تلحق تكمل الغيبوبه اللي انت فيها دي
مكنش قدامي غير اني الف على كل الشقق لغاية
موصل لحد يكون يعرفها
طب انتي ساكنه هنا يا بوسي
ايوه ساكنه هنا وشاورت فوق
فين طيب
عند ماما وبابا
اوووف طب هنطلع وحاولي تعرفي فين شقتكم
ماشي
هزت راسها وهي مش فاهمه انا بقول ايه اصلا
طلعت اول دور وقولت اشوف ابواب الشقق
لو لقيت باب منهم مفتوح فممكن تكون البنت عرفت تفتح وخرجت وأهلها نايمين ومش حاسين بيها
اول دور كانوا الشقتين مققولين بعد ما ضغطت
طلعت التاني وضغطت على أبواب الشقتين نفس الوضع
انا مش عارف اللي بعمله دا صح ولا غلط
بس انا لازم اخلص من البنت دي وارجع انام
ويارب تكون ساكنه هنا يا عشان مدخلش ف حوارات بقى
وانا هموت اصلا وانام
كملت الدور التالت وضغط على باب منهم مقفول
والشقه اللي قصادها لسه هضغط لقيته فتح
بصت لها وهمست هو دا بيتكم يا بوسي
ايوه ماما هنا ودخلت جري
ماما يا ماما
طب الحمدلله يلا بقى هطلع انا وأكمل نومي
لسه مطلعتش درجتين ع السلم وسمعت صوت صرخة بوسي
حسيت بقلق فرجعت بسرعه
ولقيت الباب مفتوح ..دخلت الشقه
ونديت بصوت واطي
بوسي انتي فين
بوسي
طب ايه حصلك
ملقتش رد وكان المكان ضلمه
وفجأة باب الشقه اتقفل
حاولت افتحه معرفتش
وبعدها لقيت نور الصاله اشتغل لوحده
كان بيت عادي صالون مش قديم ولا جديد
وتليفزيون وساعة حيط وجنب منها
صورة لراجل ومراته ومعاهم طفله ..قربت من الصوره
لقيتها صورة بوسي ..الصوره كانت متربه
مسكتها ونفخت التراب اللي عليها
وسمعت صوت ست من ورايا بتقولي انت مين
اتخضيت والتفت لها بلعت ريقي وقولت
انا انا عصام ..جاركم الجديد ساكن ع السطوح
بنت حضرتك كانت تقريبا خرجت من وراكم
وطلعت عندي فوق وكانت بت...
بصت لي باستغراب وقالت
بنتي مين
انا اصلا عايشه لوحدي
لوحدك ازاي يعني مش فاهم
اقصد
ملامحها اتغيرت وظهر الحزن عليها ودموعها نزلت
انا قولت حاجه غلط ولا ايه
ردت بحزن وقالت
للاسف بنتي ماتت
- عمل
- قلق
- مطعم
- سرعة
- آبل
- برج
- ساعة
- السن
- ألواح
- الشارع
- قلق
- منبه
- حادث
- مادة
- طفل
- حياة
- صغير
- صاحب
- عار
- أسس
- أبل
- يعيش
- واحد
- حت ا
- يوم
- عروس
- كلام
- ملك
- عمال
- سرعه
- طمع
- حوارات
- وقت
- شركة
- حصل
- أمل
- الأرض
- أمن
- حسن
- السل
- تحت
- الأرض
- حلم
- دهب
- واحد
- سرعة
- قصة
- رجل
- طفل
- الكلام
- خارج
- رجل
- مطعم
- تونس
- نوم
- آبل
- ارق
- وقت
- مطعم
- ملك
- صورة
- حياة
- أبل
- وصوت
- قصة
- قصة
- ليلة
- أبل
- لعب
- عمل
- حياته
- سرعة
- شركة
- صوت
- الأرض
- آبل
- ابل
- حول
- صوت
- أبل
- أبل
