عشان فاتني قطر الجواز
علشان فاتني قطر الجواز جوزوني لواحد غني بس عنده اعاقه زهنيه ، وياريتها جات على كده الابشع ان امه طلبت مني اتصرف معاه واجيب منه طفل علشان تثبت ان ابنها مش ناقصه حاجه ، بس اللي حصل ليلة دخلتنا خلاني سبت البيت وطلعت اجري في الشارع وانا بصرخ بكل صوتي!!!!
كانت كل كلمة «عانس» بتتقال بتدخل في قلبي زي السكينة التلمة.. توجع ومتدبحش.
عندي ٣٧ سنة، السن اللي في حارتنا الشعبية البسيطة بيعتبروك فيه كارت واتحرق، بضاعة باظت اتركنت على الرف لمّا سوسة الوقت أكلتها. اختي الصغيره اتجوزت من سنين طويلة، عاشت حياتها وعمّرت بيت، وأنا فضلت قاعدة جنّب أمي وأبويا. مش لعيب مني بس لان كل العرسان بيدوروا على الغنيه او الجميله،واحنا الحمد لله كان الفقر مكلبش فينا، وشكلي مكانش الجميل الملفت اللي يخلي عين راجل تعلق بيه. كنت العادية.. الغلبانة اللي ملهاش صوت ولا ملمح يشد.
كل يوم كان بيمر، كنت بشوف الشفقة في عينين الناس، والزهق في عينين أبويا وأمي، لحد ما جه اليوم اللي اتفتحت فيه باب حارتنا على عربية مرسيدس سودا طولها بعرض الشارع، ونزلت منها ست لابسة عباية شيفون تجيب ثمن بيتنا باللي فيه.
بس المفاجأة مكانتش في الست.. المفاجأة كانت في الشاب اللي نازل معاها.
كان طويل وعريض، جسم راجل في الثلاثينيات، بس ماسك في طرف عباية أمه وموطي راسه، وبيلعب في صوابعه وبيريل زي العيل اللي عنده أربع سنين!
أبويا عينيه وسعت، وأمي حطت إيدها على بقها مش مصدقة. الست بصتلي بقلة قيمة وقالت بصوت مليان غل وكبرياء:
— «أنا عايزة العروسة دي لابني ده!»
أمي سألتها بذهول: «ابنك ده يا هانم ؟»
الست اتنفست بغضب وقالت والشرار بيطلع من عينيها:
— ايوه ده ماله «ابني اللي شايفينه ده، ربنا ابتلاه باعاقه ذهنية، عقله عقل طفل.. بس أمه ست بميت راجل ومش هتسيب حقه! عندي مرات ابن تانية، سوسة وعقربة، ماشية في البيت تعايرني بيه، وتقول قدام طوب الارض إن مفيش واحدة هترضى بيه، وإنه عالة ومكانه المصحة، وإن كل ثروة أبوه هتورثها هي وجوزها وعيالها عشان هو مالوش لازمة ولا فايدة! أنا بقى جيت أكسر عينها وعين أهلها كلهم.. عايزه أجوزه، واخرس الكل!»
اول ما سمعت كلامها حسيت البيت بيتهد عليا خصوصا لما ملقتش من ابويا وامي اي رفض
أول ما الست مشيت، وقفت قدام أبويا وأمي وبكيت: «أنتم عاوزين تبيعوني لواحد مش فاهم الدنيا؟ ده زي الطفل! هعيش معاه إزاي؟»
أبويا بقى يمسح على رزم الفلوس: «وهو مين يعني اللي هيجيلك يا هانم؟ إنتي نسيتي عندك كام سنة؟ إنتي ٣٧ سنة ! أحمدي ربنا إن فيه حد هيدفع
وأمي كملت عليا وهي بتحسس على كتفي: «يا بت افهمي، دي فرصة عمرك.. هتلبسي الدهب وتاكلي الحمام وتعيشي في عز، أحسن ما يتقال عليكي بارت وعنست في بيت أوبوكي!»
لقيت نفسي لوحدي.. أقرب الناس ليا هما أول ناس باعوني عشان الفلوس. وافقت والموت في قلبي، وافقت وأنا حاسة إن كرامتي جزمة في رجليهم.
وتمت الجوازة.. بسرعة البرق، من غير هيصة ولا فرح يذكر، أخدوني على فيلا كبيرة زي القصر، بس كانت مقبرة رخام باردة.
كنت قاعدة في الصالة الكبيرة بالفستان الأبيض الرخيص اللي جابوهولي، خايفة وبترعش. فجأة، حماتي جرت ابنها من إيده ودخلته اوضه من الاوض
وجات لحد عندي، ومسكتني من دراعي بقوة،.
قالتلي بصوت حاد وزي المشرط:
— «اسمعي يا بت! إنتي هنا مش عشان تتنعنعي ولا عشان تكوني هانم.. إنتي هنا لمهمة واحدة بس! تدخلي الأوضة دي مع ابني، وتتصرفي! تعملي اللي ميتعملش، ، تتشقلبي، المهم عندي إنك تحبلي وتجيبي طفل من ابني في أسرع وقت!فاهمة ولا لأ؟»
أنا دموعي نزلت وسألتها بذهول وصدمة من بين شهقاتي:
— «أحمل إزاي يا هانم؟! إنتي مش شايفاه؟ ابنك زي الطفل الصغير، مش فاهم أي حاجة عن الجواز أصلاً ولا فاهم يعني إيه ست ورجل!»
حماتي برقت عينيها وزعقت في وشي بصوت واطي بس يخوف الشياطين:
— «اخرسي يا بت! أنا ابني سيد الرجالة ، ولازم تخلفوا عيل يكسر عين الأعادي
ودفعتني بقسوة ناحية باب الاوضه
دخلت وراه الاوضه وانا مكسوره ودموعي نازلة مغرقة وشي والفستان الأبيض، مش عارفة أتصرف إزاي في المصيبة والورطة دي.. أعمل إيه مع راجل بجسم غول وعقل طفل؟ إزاي هتعامل مع الوضع ده؟
بس المصيبة الحقيقية.. المأساة اللي مكانتش على بال بشر.. كانت مستنياني جوة الأوضة أول ما ألتفت!اتجمدت في مكاني! وحلقي نشف من كتر الصدمة والرعب اللي ضرب قلبي، ما نطقتش ولا كلمة.. قلعت جزمتي من رجلي، وفتحت الباب وجريت زي المجنونة على الشارع وانا بصرخ لما صوتي راح من هول اللي شوفته
ماكنتش قادرة أستوعب اللي عيني شايفاه.. الفكرة نفسها شلت عقلي وجمدت الدم في عروقي!
أول ما الباب اتفلق ورايا ودخلت الأوضة، كنت متوقعة ألاقي الشاب ده قاعد على الأرض بيلعب بلعبه، أو خايف وبيعيط زي ما شفته بره مع أمه.. بس اللي شفته جوة كان حاجة تانية خالص.. حاجة يرعب لها شعر الراس!
الشاب اللي كان بره موطي راسه وبيريل وبيمسك في عباية أمه، كان واقف ورا الباب تماماً.. أول ما قفلت، انتصب طوله، وشه اتغير ملامحه ١٨٠ درجة! المياعة والريالة اختفت تماماً، وعينيه اللي كانت تائهة وبتبص للغيط والحيطان بقت مركزة عليا بنظرات صلبة، حادة، وفيها كمية
