اخت جوزي
10 الصبح نتقابل قدام المحامي عشان نخلص كل حاجة بالود، بدل ما نجرجر بعض في المحاكم.
7
تاني يوم الساعة 10 الصبح بالظبط، كنت واقفة قدام مكتب المحامي. طارق جه، وكان باين عليه التعب والإرهاق، وشكله مبهدل كأنه منامش بقاله أسبوع. أول ما شافني، جاي عليا باندفاع وعصبية
أنتي كنتي فين يا نادية؟! بقى بقالك أسبوع قافلة تليفونك ومطفشة العيلة كلها؟! أنتي عارفة ياسمين وأمي متبهدلين إزاي في الشقة من غير ما حد يساعدهم؟! ده بيتي وأنا حر فيه!
بصيت له برود قاتل وقلت له خلاص، مابقاش بيتك لوحدك، ومابقتش مشكلتي.. يلا ندخل للمحامي.
لما قعدنا جوة، طارق كان فاكر إني هعيط وأترجاه، وبدأ يقول للمحامي هي اللي سابت البيت يا متر، وأنا مش هديها نكلة من حقوقها عشان هي اللي غلطانة ومقصرة في حق أختي وأمي!
المحامي بص لي، فطلعت من شنطتي ملف كبير وحطيته على المكتب بكل ثقة. طارق بحلق في الملف واستغرب إيه ده؟
قلت له بمنتهى الهدوء ده كشف حساب بنكي وفواتير الشقة دي.. الشقة اللي إحنا قاعدين فيها، أهلي دافعين فيها 300 ألف جنيه كاش وقت الشراء، غير إني دافعة نص الأقساط والنص التاني من مدخراتي. الشقة دي ليا فيها أكتر من نصها قانوناً وشرعاً. ومادام أختك وأمك
طارق وشه اتقلب ألوان، وبدأ يفرك في إيده وصوته اتنبح أنتي بتتكلمي بجد يا نادية؟! بتبيعيني عشان فلوس؟! وأنا هجيبلك منين تمن نص الشقة دلوقتي؟!
رديت عليه والله دي مشكلتك مش مشكلتي.. يخلي أحمد جوز ياسمين أبو مرسيدس يسلفك، مش هما بيحبوا المظاهر؟!
المحامي كمل الصدمة عليه وقال له يا أستاذ طارق، المدام معاها ورق رسمي ومثبت في عقود الشقة، لو مفيش تسوية
طارق انهار تماماً، وبص لي بنظرة انكسار وقال أنتي اتغيرتي قوي يا نادية.. مابقتيش نادية اللي أنا عرفتها.
وقفت، ولميت حاجتي في الشنطة، وبصيت له لآخر مرة وقلت له نادية القديمة ماتت في المستشفى وأنت سايبها بتنزل دم ورايح لأختك تولد وتتغذى. قدامك أسبوع واحد يا طارق، يا تدفع فلوسي، يا الشقة هتتباع.. ورقة طلاقي تجيلي على شقتي الجديدة.
سبته قاعد في المكتب زي الفرخة المبلولة، وخرجت وأنا حاسة إن الحمل اللي كان على كتافي كله انزاح، وإن حياتي الحقيقية لسه
