صاحية من النوم
صاحية من النوم تاني يوم فرحي، علي دنيا جديدة، لقيت جوزي قاعد في الصالون وجايب معاه موثق من الشهر العقاري، حاطه قدام فنجان القهوة بتاعي عشان يخليني أمضي وأتنازل عن شركة قيمتها 75 مليون جنيه.
أبوه وأمه كانوا قاعدين حواليا، مبتسمين زي غربان لابسة حرير، ومش عارفين إن جدتي الله يرحمها هي اللي علمتني إزاي أخبي السكينة قبل ما أقعد وسط الذئاب.
زين قرب مني، باس دماغي وزق الفايل ناحيتي وهو بيقول بنبرة هادية بقلم منال علي
امضي هنا يا نور.
أنا كنت لسه بالروب الأبيض بتاع شهر العسل. لسه لابسة الحلق الألماظ بتاع جدتي إحسان. والبلبلة أو الدبلة لسه في صباعي، في اللحظة دي بالذات فهمت إني متجوزتش راجل... أنا اتجوزت مصيدة.
أمه، شهيرة، قعدت على يميني بابتسامة كلها سم عسل. وأبوه، شاكر، بيصب لنفسه قهوة بكل برود كأنه في اجتماع مجلس إدارة. والموثق، راجل رفيع ببدلة رمادي، فتح قلمه قدامي وهو مش قادر يبص في عيني. بقلم منال علي
البيت بتاع عيلة سلطان في المعادي كان مليان بريحة ورد غالي، وريحة فطار فاخر، وريحة طمع تفوق كل ده. امبارح بس، وفي نفس الفيلا دي، زين قال قدام المعازيم كلهم
نور هي طمأنينتي، هي بيتي، ومكتوبي.
يا سبحان الله، إزاي الوعود والعهود بتتغير في ثانية لما الفلوس تظهر!
بصيت على
ريقي نشف. شركة إحسان للصناعات... دي شقى عمر جدتي. 75 مليون جنيه عقود، وبراءات اختراع، وأراضي، ومكن. الشركة اللي إحسان بنتها من الصفر بعد ما عافرت في الدنيا بماكينة خياطة قديمة، وقرشين شايلاهم للزمن في بطانة جزمتها، وإرادة أنشف من الحديد. الشركة اللي أنا عمري ما جبت سيرتها قدام زين.
رفعت عيني بالراحة وبصيت لهبقلم منال علي
إنت عرفت الموضوع ده منين؟
زين ابتسم، بس طرف بقه اتهز وهو بيقول
الجواز أساسه الصراحة والشفافية يا حبيبتي.
أبوه شاكر ضحك ضحكة مكتومة وقال
بلاش دراما يا بنتي، زين وراه التزامات وديون، وإحنا عندنا خطط للتوسع، وإنتي خلاص بقيتي فرد من العيلة دي.
فرد من العيلة... دي الكلمة اللي الأغنياء بيسموا بيها الفريسة لما تقع في القفص.
شهيرة حطت صوابعها الساقعة على إيدي وقالت بنبرة حنينة ومزيفة بقلم منال علي
وبعدين يا حبيبتي، يعني بصراحة كده، إنتي مش شكل واحدة تقدر تدير كيان بالحجم ده.. سيبي المأمورية دي للرجالة هما أدرى.
أهو كده... الستارة ارفعت. من غير زواق، من غير رقة، من غير زفة. دي الحقيقة المجردة.
ما كانش حب، ولا سكن، ولا حماية. كان تملك
افتكرت زين وهو بيطلب إيدي تحت المطر، قدام كورنيش النيل، وهو بيحلف إنه بيعشق بساطتي وقلبي الطيب. وافتكرت شهيرة وهي بتقدم لصحابها وبتقول بسيطة ومؤدبة. وافتكرت شاكر وهو بيهزر في خطوبتنا ويقول الحمد لله إن نور ملهاش في لوع البيزنس والشغل.
أنا وقتها ابتسمت، وسقيتهم شاي، ووطيت عيني. لبست فساتين رقيقة واتكلمت بصوت واطي وهم بيتكلموا عن الفلوس قدامي كأني مجرد فازة زينة في الصالون.
سبتهم يصدقوا اللي عايزين يصدقوه، لإن آخر درس من جدتي إحسان كان واضح إياكي توري الذئاب مكان سلاحك فين.
الموثق كح وطلع صوت بقلم منال علي
مدام نور، لو سمحتي وقعي بالأحرف الأولى على كل صفحة...
قلت بصوت واطي بس مسموع
أنا اسمي نور إحسان.
وش زين اتخشب ونبرته اتغيرت
مبقاش اسمك كده خلاص.
الكلمة نزلت على التربيزة زي القلم. شهيرة زودت ابتسامتها وقالت
يا حبيبتي بلاش عصلجة من أول الصبح، امبارح إنتي اخترتي تكوني زوجة.
رديت عليها
اخترت أكون زوجة، مش جارية.
شاكر هبد الفنجان على التربيزة بعصبية بقلم منال علي
اسمعي يا بنت الناس، في البيت ده الأمور بتمشي بالنظام. زين محتاج غطاء مالي، وإنتي عندك أصول مركونة، وده الشيء الطبيعي والمنطقي.
مركونة؟!
ضحكت ضحكة صغيرة.. ضحكة باردة لدرجة إن شهيرة سحبت إيدها
جدتي مبنتش مصنع من الهوا عشان يجي راجل مديون ويقول عليه مركون!
زين مال عليا وصوته اتغير تماماً، مفيش أثر للزوج الحنين، القناع وقع وظهر الوش الحقيقي بقلم منال علي
بلاش تصعبي الأمور على نفسك، مش في مصلحتك.
بصيت له.. لجوز ليلة واحدة. الراجل اللي لسه ريحة برفيوم الفرح في هدومه. الراجل اللي امبارح كان بيشيل الطرحة من على وشي بإيد تترعش من اللهفة، والنهارده الصبح عايز يشيل اسمي بالتبديد والشهر العقاري.
ولو ممضيتش؟ يحصل إيه؟
شاكر ابتسم بشر
يحصل كتير.. عيشتك هتبقى صعبة، ومفيش راجل بيستحمل مراته لما تعاند.
شهيرة اتنهدت بتمثيل
وبعدين يا حبيبتي، زين كان صبور معاكي جداً، وجدتك رمت عليكي حمل أكبر منك، كلنا عارفين كده.
كلنا؟
زين جز على سنانه بقلم منال علي
أنا كلفت حد يدور ورا أملاكك، ملوش لزمة تحسي إن خصوصيتك اتهكت، ده كان شيء ضروري.
ضروري... الكلمة اللي الخونة بيبرروا بيها غدرهم بعد ما يقبضوا الثمن.
قلبت صفحة كمان، شفت اسمي، وشفت اسم زين، وشفت بند إدارة مطلقة ومفيهاش رجوع. وفي الآخر، سطر مكتوب بالحبر الأزرق توقيع المتنازلة.
المتنازلة... مش الزوجة، ولا الشريكة. المتنازلة.. الست اللي بتسلم، الست اللي بتخسر وتختفي.
مسكت القلم. زين أخد نفس طويل كأنه انتصر وخلاص ضمن
