لقى طليقته مغمى عليها في الشارع

من شغل البيوت والتعب.
ياسين خرج للصالة، لقى آدم 6 سنين قاعد وبيهز في رجليه بتوتر. ياسين قعد جنبه على الأرض، مش على الكرسي، وقال بصوت مهزوز
آدم.. إنت عارف أنا مين؟
آدم بص له بذكاء يوجع القلب، وطلع من جيبه محفظة قديمة ومقطعة، وفتحها.. كان فيها صورة لياسين ونور في الجامعة، صورة ياسين نفسه نسيها!
آدم قال ببراءة تقتل
ماما كانت بتقول إنك مسافر في مهمة سرية عشان تنقذ العالم.. وكانت كل يوم بليل بتورينا صورتك وتقولنا ادعوا لبابا يرجع بالسلامة.. بس أنا شفت صورتك في المجلة وشفتك مع الست التانية، وعرفتم إنك مش بطل.. إنت بس نسيتنا.
ياسين خبى وشه بين إيديه وبكى.. بكى ب شهقات هزت كيانه. طفل عنده 6 سنين كشف نفاقه وكذبه في جملة واحدة.
نور بدأت تفتح عينيها، وأول ما شافته، مأصرختش ولا

عيطت. بصت له ب نظرة ميتة.. نظرة حد مابقاش عنده حاجة يخسرها.
ياسين جري عليها نور.. أنا آسف.. أنا مكنتش أعرف..
نور ضحكت ضحكة باهتة وموجوعة
مكنتش تعرف إيه يا ياسين؟ مكنتش تعرف إن الست اللي سيبتها في نص الطريق ممكن تكون حامل؟ ولا مكنتش تعرف إن الدنيا قاسية على واحدة مألهاش ضهر؟ أنا مأجيتش أدور عليك يا ياسين.. أنا كنت ماشية في طريقي ب كرامتي، بس القدر هو اللي رماني قدام عربيتك عشان يوريك إن المستقبل اللي خفت عليه، هو اللي قتل ولادك بالظلم.
ياسين جثى على ركبه جنب سريرها
نور.. أنا هصلح كل حاجة. بكرة الصبح هكتب الولاد باسمي، والفيلا هتتفتح ليكم، والست اللي في المجلة دي مأشوفش وشها تاني..
نور سحبت إيدها من إيده بقرف
الولاد مكتوبين باسمك يا ياسين.. أنا مأسمحتش لنفسي إني أضيع حقهم، هما متسجلين بشهادات ميلاد رسمية باسمك، والورق كله في الشنطة المقطوعة دي. بس الفيلا والعز م يلزمونيش.. أنا عوزة ولادي يعيشوا ب أمان، مش ب شفقة من راجل باعهم عشان صفقة عقارات.
في اللحظة دي، تليفون ياسين رن.. كانت ساندي خطيبته اللي ب تتدلل عليه وبتقوله هاي يا بيبي، أنت فين؟ ميعاد حفلة الخطوبة الرسمية بعد ساعتين! الصحافة كلها مستنية!
ياسين بص لنور، وبص لآدم وليلى اللي نايمين في حضن بعض على الكنبة، ورد ب صوت زي الرعد
مفيش حفلة.. ومفيش خطوبة. أنا دلوقت مع عيلتي الحقيقية.. وأي مليم باسمي من النهاردة هو ملك ل نور وأولادها. والبيان اللي هينزل للصحافة بكرة، هيكون اعتذار رسمي من ياسين المنشاوي ل زوجته وأم أولاده اللي غدر بيها.
ساندي صرخت إنت اتجننت؟ إنت بتهد مستقبلك!
ياسين قفل السكة في وشها وقال أنا دلوقت بس.. بدأت أبني مستقبلي بجد.
ياسين مأكتفاش بالاعتذار، ده اشترى أكبر شركة للمقاولات وسماها مجموعة نور، وخلى نور هي الشريكة الرسمية فيها. آدم وليلى دخلوا أحسن مدارس، وياسين بقى ب يقضي وقته في لعب الكورة مع آدم في الجنينة بدل ما يقضيه في اجتماعات الصفقات.
نور مأسامحتوش بسهولة، بس شافت في عينيه ندم حقيقي، وقررت تديله فرصة عشان خاطر الولاد، بس المرة دي هي اللي كانت القوية.. وهي اللي علمت ياسين إن أكبر صفقة في الحياة، هي إنك م تبيعش ناس حبوك بصدق عشان خاطر ورق ملون اسمه فلوس.
العبرة م تهربش من مسؤوليتك وتفتكر إنك نجحت، لانو النجاح الحقيقي هو إنك تكون راجل في نظر ولادك.. والماضي م بيموتش، ده بيكبر ويواجهك في اللحظة اللي إنت فيها في قمة غرورك عشان يرجعك لحجمك الطبيعي.