بابا وماما سحبوا من ورايا ١٠٠ الف دولار
ودايع تانية غير اللي اتسحب منها!
عصام كمل وهو بيفرك جبهته دي الكارثة.. هما زوروا إمضاكي على ورق قرض ب 2 مليون جنيه بضمان شقة المعادي اللي إنتي ساكنة فيها! والفلوس دي مكنتش بتتصرف على الفسح بس يا سارة.. نور دخلت شريكة في براند ملابس وهمي مع واحد نصاب، والفلوس كلها اتحولت لحساب بره مصر.
الدنيا لفت بيا. يعني مش بس خدوا تحويشة العمر، دول كانوا هيضيعوا الشقة اللي سترة راسي فوق راسي. 100 ألف دولار كانوا البداية بس، قرصة الودن اللي أمي قالت عليها كانت غطاء لعملية نصب متكاملة الأركان بطلتها أختي الرقيقة.
في اللحظة دي، تليفوني ميسكتش. رسايل من أمي بتهديدات بإنها هتروح تبلغ عني إني طردت أهلي، ورسايل من بابا بيترجى إني أحل الموضوع ودي.
بعت رسالة واحدة على جروب العيلة أنا قدام مكتب المحامي، وعرفت موضوع القرض وتزوير إمضائي.. قدامكم 24 ساعة، يا الفلوس ترجع، يا أما البلاغ اللي هيتقدم مش هيكون بس سرقة، ده هيكون تزوير وجناية.. وهحبسكم كلكم.
معداش نص ساعة، ولقيت نور بتكلمني وهي بتعيط بهستيريا
سارة.. أرجوكي اسمعيني! أنا مكنتش أعرف إنه نصاب، هو قالي هنكسب ملايين وهعوضك عن كل حاجة.. بابا وماما وافقوا وقالوا دي فرصة عشان نور تبقى سيدة أعمال زيك ومتحتاجش ليكي تاني!
ضحكت
نور شهقت الراجل هرب يا سارة.. الفلوس مفيش منها مليم، وبابا جاله جلطة خفيفة لما عرف وموجودين دلوقتي في مستشفى حكومي في المنصورة لأننا مش معانا مليم ندخل مستشفى خاص.
قعدت على الكرسي وأنا حاسة إني في كابوس. أختي ضيعت كل حاجة، وأبويا بين الحيا والموت بسبب طمعهم، وأنا دلوقتي قدام قرار يا إما أدوس على قلبي وأسجن أختي وأمي وأبويا بتهمة التزوير وأحاول أنقذ شقتي، يا إما أشيل الليلة للمرة الألف وأعلن إفلاسي التام.
بصيت لعصام وقلت له بصوت جامد اكتب البلاغ يا عصام.. والمرة دي مش هتنازل.
لكن قبل ما عصام يخلص كتابة، الباب خبط ودخل شخص مكنتش أتوقع أبداً إنه يظهر في التوقيت ده.. شخص معاه مفتاح اللغز اللي هيقلب الترابيزة على الكل.
الشخص اللي دخل المكتب كان ياسين.. خطيب نور السابق اللي سابته من سنتين عشان إمكانياته المادية متواضعة. ياسين شغال محاسب قانوني في واحدة من أكبر شركات الصرافة، ووشه كان باهت وكأنه مش نايم بقاله أيام.
بص لي بنظرة كلها أسف وقال سارة.. أنا عرفت اللي نور عملته، بس الموضوع أخطر من مجرد فلوس ضاعت أو قرض اتزور.
عصام المحامي عدل نضارته وقال بحدة أنت إيه اللي جابك هنا يا ياسين؟ وإيه اللي دخلك
ياسين قعد وهو بيطلع فلاشة USB من جيبه وحطها على المكتب نور كلمتني من أسبوع، كانت فاكرة إنها تقدر تخليني أسهل لها تحويلات مبالغ دولارية بره مصر من غير رقابة، بحكم شغلي. لما رفضت، هددتني بإنها هتأذيني في شغلي، بس أنا بدأت أراقب العمليات اللي بتتم باسمها وباسمك يا سارة.
سكت لحظة وكمل وصوته بيترعش الراجل اللي نور فاكرة إنه شريكها، ده مش مجرد نصاب.. ده مستريح دولي ومطلوب في قضايا غسيل أموال. الفلوس اللي طلعت من حسابك مكنتش رايحة لمصنع ملابس، دي دخلت في دورة تحويلات مشبوهة عشان تطلع بره مصر كأنها أرباح تجارية. ال 100 ألف دولار بتوعك يا سارة، بقوا دلوقتي جزء من قضية أمن دولة لو اتكشفت، وإنتي الطرف الأول فيها لأن كل الورق باسمك!
حسيت إن الأوكسجين انسحب من الأوضة. يعني أهلي مش بس سرقوني وشرطوني، دول لبسوني في قضية تودي ورا الشمس.
ياسين كمل أنا جيت عشان أقولك إن لسه فيه فرصة. الراجل ده لسه مهربش بره مصر، هو موجود في الساحل، في نفس القرية اللي نور كانت فيها، ومستني تحويلة أخيرة هتتم النهاردة بليل من حسابك.. التحويلة دي لو تمت، إنتي رسميًا بقيتي شريكة في غسيل أموال.
قمت وقفت بذهول تحويلة إيه؟ أنا وقفت كل حاجة في البنك!
عصام رد بسرعة وهو بيبص
في اللحظة دي تليفوني رن.. كانت رسالة من أمي، بس المرة دي مكنتش بتشتم. كانت رسالة صوتية وهي بتصرخ وصوت تكسير حواليها
لحقيني يا سارة! نور اتخطفت! ناس دخلوا علينا المستشفى وخدوها وقالو مش هترجع غير لما التحويلة تكمل.. سارة ابوس إيدك اتصرفي!
بصيت لياسين وعصام وأنا مشلولة من التفكير. أهلي اللي سرقوني، دلوقتي حياتهم وحياتي مهددة بالضياع التام.
قلت لياسين بجمود مرعب تقدر تحدد مكان التحويلة دي هتروح فين بالظبط؟
ياسين هز رأسه أقدر.. بس لو وقفناها، نور ممكن تروح فيها، ولو سبناها، إنتي اللي هتدخلي السجن.
بصيت للساعة، كانت 7 بليل. قدامي 5 ساعات قبل ما السيستم يسحب باقي الفلوس، وقبل ما الرقيقة تدفع ثمن طمعها من دمها.
رفعت السماعة وكلمت أمي، وقلت لها كلمة واحدة قولي للناس اللي معاكي إن سارة جلال جاية الساحل دلوقتي.. ومعاها الأصل اللي هما بيدوروا عليه.
خرجت من المكتب وأنا مقررة إن المرة دي مش هصلح غلطهم.. المرة دي أنا هنهي اللعبة دي بطريقتي، حتى لو الثمن كان إني أخسر كل
