لا تستمع لهم بقلم حماده هيكل
الحكاية بدأت من 3 شهور بالظبط انا فاكر اليوم دا كويس أوي ..يومها أبويا طلب مني أروح لبيتنا القديم عشان أحط فيه السفرة بتاعتنا اللي قدمت وأصبحت متهالكة جدا
هو بيقول أنه ليه ذكريات معاها لأنه أشتراها لما اتجوز ماما
وياما أتلمينا عليها وأكلنا وشربنا وأتعمل عليها عزومات كتير جمعت الأهل والأحباب وعشان كدا هو رافض يبيعها او يرميها لأنها لا تصلح للبيع أخدت عربية ربع نقل وحملت فيها السفرة والكام كرسي ..وطلعت على بيتنا القديم
الي هجرناه من وقت ما نقلنا للسكن الجديد من 7 سنين
السواق نزل معايا الترابيزة والكراسي ومشي
الوقت كان متأخر لأنه للاسف السواق كان معاه شغل ووصل على بعد العشا وعلى ما حملنا السفرة ووصلنا للبيت القديم
ونزلناها على الأرض كنا بقينا الساعة 10 ونص
الشارع هنا فاضي ومفيش حد ممكن يساعدني
أمري لله رفعت أول كرسي وطلعت على السلم كنا ساكين في الدور الخامس ..يعني قطعة نفس وهدة حيل
كانت ريحة الشقة تراب وعفرة ماهي بقالها مدة طويلة محدش ډخلها ..جيت أشغل الكهربا ..مشتغلتش
هي ليلة مش فايته انا عارف ..شغلت كشاف الموبايل
وبعدها حطيت الكرسي في منتصف الصاله
ونزلت أجيب الترابيزة وباقي الكراسي
وبعد نص ساعه كنت دخلت آخر كرسي
ولسه هخرج عشان أروح
سمعت صوت خربشه جاي من أوضة نومي القديمة
وقفت ثواني عشان أتاكد من الصوت ..لكن الصوت كان أختفى ..يمكن تهيؤات ..لسه هحرك رجلي ..رجع الصوت تاني وبقوة..قربت من الباب ..وحطيت ودني ..وبعدها
سمعت صوت همس جاي من جوه
انا مش عارف ايه الصوت دا ..واضح انه حد بيتكلم
او بيستغيث..ايوه صوت استغاثة
_أرجوك أفتح يا عمر
_عمر!! دا أسمي..مين اللي جوه وعرف منين أني_جاي
لسه هجري واهرب لقيت باب الشقه أتقفل ..جريت عشان افتحه وقع مني المفتاح .. فضلت أدور عليه
وانا بدور على المفتاح ..دا طريقي الوحيد للخروج من هنا
_متحاولش تهرب يا عمر أرجوك أنقذني
مكنش قدامي حل غير أن أفتح الباب .. مديت أيدي وفتحت الباب ..ودخلت كان الجو مقبض ومخيف ..الاوضه ساقعه جدا ومش سامع غير صوت أنفاسي ودقات قلبي المتسارعه
فجأة الباب أتقفل جامد وحسيت أن دي نهايتي
نور الموبايل أطفى مره واحده ..جيت أشغله لقيت الموبايل فصل شحن..بس أزاي دا كان مكتمل الشحن قبل مانزل من البيت ..انا خاېف ومړعوپ جدا.. بعدها بدقائق من الصمت مروا علي كأنهم سنين ..سمعت صوت ضحكه مخيفه
ممزوجة بصرخات لحد بيستغيث وبيطلب الرحمه
الإضاءة أشتغلت في الأوضه ..ولكن كان ضوء أحمر مفزع وفجأة لقيت قدامي التسريحه القديمة بتاعتي والمرايا اللي عليها متغطية بغطا قديم والتراب كاسيه ..لقيت رجلي بتتحرك لا إراديا ناحية المرايا ..وشديت الغطا من عليها
كان
وقفت لثواني بتأمل ملامحي ..وفجأة ظهر كائن غريب في ضهري شكله مخيف ..بعين واحده وليه أنياب بارزة
بيسيل منها الډم .. ريقي نشف وشعر راسي وقف وقلبي فضل يدق بقوة وسرعه عالية ..غمضت عيوني
وصړخت بصوت عالي ..ووقعت على الأرض وفقدت الوعي
بعد نص ساعه لما فوقت لقيتني في بيت واحد من الجيران بيقولي أنه دخل الشقه لما سمع صوت صرخه مفزعة
ولقاني واقع على الأرض وفاقد الوعي ..سألني على اللي حصل معرفتش أجاوبه وأرد بأيه .. لكني شكرته على مساعدته ليا ..وودعته ورجعت للبيت وانا في حالة ذهول من اللي حصل ..ومن يومها وانا كل ليلة بشوف كوابيس مفزعة
وكل ما أعدي من جنب باب مقفول بسمع صوت حد بيستغيث وبيطلب مني أفتحله الباب
بقولكم حكايتي دي ..عشان تفكروا كويس قبل ما تسمعوا صوت حد بيستغيث وبيطلب تفتحوله الباب
لأن ساعتها اللي هشتوفوه مش ممكن تنسوه طول
لا_تستمع_لهم
بقلمي
حماده_هيكل
