انا شغاله ناني بدوام كامل

أنا شغالة ناني بدوام كامل مع أم قاعده في البيت ومعاها بيبي عنده ٨ شهور.
البيبي بصراحة ملاك هادي ولذيذ وبينام كويس جدا.
أنا مع العيلة دي بقالي ٧ شهور.
الأم والأب محترمين جدا وبنسبالي أحلى أصحاب شغل اتعاملت معاهم.
الأم ساعات تجيبلي ستاربكس أو أساي وساعات تعمللي غدا بإيديها.
وباخد ٣٢ دولار في الساعة ومعايا مميزات ممتازة والخدمات فالمكان مش غاليه نص ونص يعني ولا في الأحلام.
فيه مشكلة واحدة بس
هما بيدخلوا أوضتهم وأنا عمري ما شفت حاجة بعيني 
النهارده سألت الأم كانت بتعمل إيه وهي طالعة من الأوضة ماردتش .
فبهزار قولتلها
كنتي نايمه
لقيتها احمرت وتوترت فده كبر إحساسي إني فاهمة اللي حصل.
أنا عارفة إنهم متجوزين وفي بيتهم بس برضه بحس بإحراج
عشان أنا موجودة وبشتغل وباعتني

بالبيبي.
هما مش بيعملوا حاجة قلة أدب أو باينة بس الإحساس نفسه مش مريحني.
هل هيكون قلة ذوق لو طلبت منهم يبطلوا يعملوا كده وأنا موجودة
ولا أنا مكبرة الموضوع
هما فعلا عيلة عظيمة ومش عايزة أبوظ العلاقة اللي بينا.
ابديت
يوم الجمعة الصبح قولت للأم إني عايزة أكلمها وقت ما البيبي ينام فقالتلي ماشي.
أول ما قعدنا قولتلها إني مش مرتاحة من اللي حاسه انه بيحصل 
كانت واضحة وصريحة جدا.
قالتلي إن شغلي الوحيد هو البيبي ومش من حقي أركز هي وجوزها بيعملوا إيه.
وقالتلي لو عندي وقت فاضي أتفرج على التلفزيون أو أقرأ
لكن حياتهم الخاصة مش ضمن شغلي.
قولتلها إن شعرها ولبسها ساعات بيأكدولي اللي في دماغي فقالت إنهم
ساعات بيعملوا تمارين رياضية في الأوضة
ساعات بيناموا
ساعات بيقعدوا يتكلمو
وساعات فعلا بياخدو وقت خاص
وقالتلي جملة واحدة
اللي بيحصل في أوضتي مش شغلك.
بعدها الجو سكت.
هي مكنتش قاسية بس كانت متضايقة.
وفي الآخر قالتلي روحي النهارده بدري وساعتها فهمت اني اترفدت.
بعد شوية بعتتلي رسالة إنهم هيدورو على ناني تانية يعني خلاص استغنوا عني.
أنا حزينة جدا
عارفة إني غلطت وتعديت الحدود.
ندمانة اوي إني فتحت الموضوع أصلا.
خسرت شغل مثالي الأب والأم كانوا كويسين جدا والبيبي ملاك والمرتب رائع.
نفسي أصلح اللي حصل.
إزاي أرجع الشغل ده
ابديت
يوم الحد الصبح بعت للأم رسالة طويلة
النهارده ردت عليا وقالت إنها مسامحاني وإنها تتمنى آخد اللي حصل كدرس
بس مش هيرجعوني تاني.
أنا كنت متعلقة بيهم جدا.
قالتلي إنها حكيت لجوزها كل حاجة
وقرروا يدوني مرتب شهر كامل لحد ما ألاقي شغل جديد.
ده كان كرم منهم فوق أي توقع خصوصا بعد اللي حصل.
أنا مكسورة.
عارفة إني جرحت ناس كانوا واثقين فيا.
ودي حاجة هفضل متأثرة بيها.
حقيقي مش قادرة أبطل أعيط
وحاسة بضيف فظيع.
مش مصدقة إني مش هبقى معاهم ولا مع البيبي تاني.
وبصراحة
اكتشفت إن جزء من اللي ضايقني كان غيرة.
الأم دي جميلة غنية صغيرة عندها بيت كبير علاقتها بجوزها صحية
وحياتي أنا مش كده.
وده ولد مشاعر غيرة وأنا مش واخدة بالي.
دلوقتي أنا تايهة
بدور على شغل جديد والناس بقت وقحة جدا.
ومش قادرة أصدق إن الأب والأم إدوني ٥٢٠٠ دولار بعد ما مشوني.
نفسي أرجع نفسي أصلح.
مع إني عارفة إن الثقة لما بتتكسر صعب ترجع.
مش عارفة أكلمهم تاني بعد فترة
ولا أسكت وأمشي حياتي
اتعلموا من غلطتي
متخسروش ناس كويسين ومتعاملوش مشاعركم مكان شغلكم.
قصص_الأجانب حواديت_الأجانب مملكة_الريديت ريديت
Reddit storytime