أحاديث تيكتوكية بقلم لميا شاهين
ازاي عرفت إن أمي بتغير مني؟؟
تقول صاحبة القصة:
أمي كانت متعودة تقص شعري كنوع من العقاب.. مش بتقصره.. لا بتقصه تمامًا.. كل مرة تحس فيها إني كبرت وبقيت فخورة بنفسي..
أول مرة حصلت كان عندي 9 سنين.. كنت لسه كسبانه مسابقة التهجئة في المدرسة وحرفيًا حاسة إني طايره من على الأرض.. بابا كان فخور بيا.. سلم عليا وقالي إننا هنحتفل بالآيس كريم..
بس أمي وقفت في مكانها في المطبخ وعلى وشها نظرة غريبة.. مقالتش حتى مبروك.. مقالتش أي حاجة..
في نفس اليوم بالليل جت أوضتي ومعاها مقص.. مش مقص بتاع شعر.. مقص عادي بتاع المطبخ.. وقالت "انتي محتاجة قصة شعر.. شعرك الطويل ده مخلي شكلك وحش".. قعدتني على كرسي الحمام وقصت شعري..
لما خلصت شعري ماكنش حتى واصل لودني.. كان شكلي شبه الولاد.. عيطت اليوم ده لحد ما نمت..
نفس الموقف اتكرر تاني لما عرفت إني من أوائل الطلبة.. ومرة تانية لما ولد طلب مني نروح حفلة المدرسة سوا.. وحصلت تاني لما مدرسة الرسم اختارت رسمة بتاعتي عشان المدرسة تشارك بيها في مسابقة الولاية..
كل مرة نفس اللي بيحصل.. حاجة كويسة تحصل معايا.. وفي خلال 24 ساعة بس.. ماما تيجي بالمقص في أيدها.. بابا عمره
أسوء مرة كانت لما كنت في أولى ثانوي.. كنت أخيرًا قدرت أطول شعري ويوصل لكتفي.. وفي ولد كنت معجبة بيه جدًا اسمه تايلور.. قالي شكلك حلو.. كان شعور حلو أوي إن حد شايفني وملاحظني..
وغلطت يومها واحنا ع العشا وقولت اللي حصل.. ماكنتش بفكر في حاجة.. بس أخدت بالي إن وش أمي اتغير.. حطت الشوكة من أيدها ببطء وقالت لي "يلا نصلح شعرك المتقصف بعد العشا"
كنت عارفه كويس كلامها ده معناه ايه.. حاولت أحبس نفسي في أوضتي اليوم ده.. بس ماما فضلت تضرب الباب لحد ما فتحته وكانت هتكسره.. جرتني لحد الحمام.. بابا كان بيتفرج على التلفزيون.. على الصوت عشان ميسمعنيش وانا بنده عليه..
المرة دي قصته أقصر من كل مره.. كنت شبه الولاد بالظبط.. كان المفروض صور الكتاب المدرسي بعد يومين بس.. شكلي كان حزين جدًا في الصور دي.. واضح إني كنت بعيط.. وعيني كانت حمرا..
بس مش كل ده المأساوي.. المأساة بجد إني ماكنتش مدركة إن ده غلط إلا لما بقى عندي 26 سنه.. كنت بتعالج نفسيًا من القلق.. وذكرت في مرة إن ماما كانت متعودة تقص شعري لما بتصرف
المعالجة فضلت بصالي شوية قبل ما تسألني "يعني انتي مش فاهمة إن تصرفات امك دي لأنها كانت حاسه بالتهديد من ناحيتك؟"
السؤال كأنه كسر جوايا حاجة.. فجأة ذكريات كتير أوي رجعت لي.. ازاي ماما بتضيع هدومي جديدة قبل الفاعليات المهمة في المدرسة.. ازاي كانت بتعلق على لوحاتي إنها "كويسة" بنبرة كأنها بتجاملني.. ازاي كانت بتفرقع أي حباية ف وشي وانا ف سن المراهقة ومش بتعمل كده لنفسها.. ازاي كانت بتقارن صورها في ثانوي بصوري في ثانوي.. ودايمًا تقول إنها كانت أجمل مني في نفس السن..
المعالجة قالت الكلمة اللي مقدرتش أنطقها "غيرة".. امي كانت بتغير مني أنا بنتها.. اللي بيحصل معايا ماكنش محاولات عشان تخليني متواضعة والا تعلمني اخد بالي من تصرفاتي..
هي كانت بتكسرني عشان ماكنتش قادرة تتعامل مع حقيقة إني حلوة وناجحة ومحبوبة..
أمي كانت أجمل وأشهر بنت في مدرستها الثانوي.. اللي كل الولاد بيعجبوا بيها.. بس بعد ما خلفتني وهي 22 سنه.. تخنت.. وشعرها بقى خفيف.. وعمرها ما حست إنها حلوة زي زمان تاني.. ف بدل ما تعالج المشاكل دي.. بقت تنتقم مني أنا..
كل مرة أخد أي انتباه إيجابي من الي حواليا.. كانت بتفتكر
أنا دلوقتي 31 سنه.. بحافظ على شعري طويل.. طويل جدًا.. أطول من وسطي.. أخدت سنين عشان أربيه... بعد كل الأضرار من القص..
أحيانًا بقف قدام المراية.. واحس إني محتاجة أعتذر إن ليا مكان في العالم.. أعتذر إني حلوة.. إني مرئية..
أنا وأمي نادرًا ما بنتكلم دلوقتي.. الكريسمس اللي فات كانوا عازمني.. واحنا قاعدين ناكل قالت لي "عارفه.. شعرك بقى طويل شوية.. والا أيه رأيك؟"
بصيت لها وقولت لها "انا بحبه كده"
النظرة على وشها قالت لي كل حاجة.. هي كانت عارفه إني فهمتها وفهمت تصرفاتها زمان كويس أوي..
عارفين أسوء حاجة في موضوع الشعر ده ايه.. مش إنها كانت بتخلي شكلي وحش قاصده.. بل إن الشخص اللي المفروض يبني ثقتي بنفسي ويسندني قضى طفولتي كلها بيدمرني متعمد.. عشان ماكنتش قادرة تتحمل شعورها بإنعدام الثقة في نفسها..
هي دي الخيانة اللي مش هتتعالج بالوقت.. أنا لحد دلوقتي بحس بالخوف لما حد يقولي كلمة حلوة والا يثني عليا..
لسه عندي صوت في دماغي بيقولي "أنت مغرورة لو قبلتي كلام حلو من حد" بس انا بحاول أشتغل على ده دلوقتي.. وشعري لسه طويل زي
#احاديث_تيكتوكيه
#LamiaaShaheen
