اتجوزت في بيت عيله وليا سلف في تالته اعدادي المهم قعدت في عيشه واحدة مع حماتي كنت بنزل الصبح اطلع بالليل اكل وشرب وغسيل وكنيس وخبيز وطيور وبهايم وكل حاجه خدمت حمايا وحماتي واتنين بنات واجوزو وسلفي الصغير انا الي مربياه وكبر ودخل الجيش وكنت انا الي بعملو كل حاجه اغسلي هدومو واكويها واطبقها وامسحلو جزمو والمعها عملتلو كل حاجه تتخيليها كان ابني البكري وخدمت حماتي وحمايا وسلفي واخواتو البنات ١٥ سنه عايشه خدامه ولو قصرت ولا تعبت يوم اتفضح ويخلوني اولد عندهم وامي تجيلي وتالت يوم اقوم اشوف شغلي وبهايم وغيط صحتي راحت ومش عاجبه حماتي فضاحاني مع نسوان البلد كلها ان انا مأثرة وسهنه وشكايه وزي زي غيري بعمل ايه زيادة عن الناس وبصي مبتخليش حد الا لما تكلم معاه عليا وفي كل حته تكلم عليا بالوحش مع العلم ان جوزي بيقبض يديها القبض وهي الي بتجيب
عمري ما طلبت حاجه ولبس عيالي وكل حاجه هي بتجيب ولادة هي الي تدفع وولدتني في مبرة البلد الي معموله للناس الغلابه الكشف ٣٥ جنيه وولدت عن نفس الدكتور وشوفت معاهم المرار لما وصلت ٣٥ سنه سناني كلها مكسرة كانت تستخصر تخليني احشيهم فضلت اخلع فيهم لما بوقي فضا وشعري وقع ورجلي قسما بالله عندي دوالي تشوفيها تخافي وشغل جوزي كلو في البيت وشقه اخوه الصغير جه سلفي خطب الي انا مربياه ومن يوم ماخطب حالو اتقلب عليا انا بالزات جيت حملت علي كبر شويه كنت ٣٤ سنه غلطه وكنت هنزلو استحرمت ولدت طبعا سلفي كل يوم يقولي متحطيش ايديك في الاكل انت بتغيري لابنك وقرف وبامبرز كل ما يشوفني بعمل حاجه يقولي شيلي ايديك متخشيش المطبخ ويقول لامو مش هاكل من ايديها يشوفني بغسل المواعين يقولي متدخليش المطبخ امو عزلتني بعد ١٥ سنه عشان ابنها بقي بيقرف ويبصلي بقرف من فوق لتحت
وتلاكيك اجوز من سنه وجات مراتو ١٩ سنه بتنزل من فوق العصر تاكل وتطلع وتشخط في حماتي الشخطه صوتها يجيب اخر الشارع وفضلت تعمل مشاكل بين حماتي وبين ابنها لحد ما قاطع اموو وجالها جلطه وشلتها وخلت ابنها قطعها الي هو سلفي وخلتو مد ايدو علي امو وقاطع ابوه وقاطع العيله كلها وكرهتو في امو لدرجه بفي بيتف عليها وهو نازل علي السلم وانا طبعا مقاطعني برضو وتبصلي البصه كاني عدوتها وبتتعامل معانا كاننا عبيد عندها بصات من فوق لتحت ولا سلام ولا كلام وامها شرشوحه بتجي هنا تفضل تشتم وهي طالعه وتشتم وهي نازله كل دا في سنه ونص سنتين دمرت البيت كلو وحماتي كانت بتخدمها وتعملها كل حاجه وهي تنزل علي الاكل تبهدلها وتتنك عليها وترد عليها تديها الكلمه زي الطوبه تقولها انتي مين ولا تبقيلي ايه عشان اعملك صوتك ميعلاش عليا لامسح بيك الشقه انتي ملكيش حاجه عندي يا
حببتي انت ام جوزي مش امي كفايه بصتها ليها وتبقي رادة عليها وشتماها وتقول لجوزها امك عملت وخلت ينزل يبهدل امو انا حماتي شديدة اه بس دي اشد منها منكتش بتسمحلها حتي تعلي صوتها عليها كانت بتديها وتخلي جوزها يمسك امو يسمع بيها الشارع دلوقت بتقولي حقك عليا انا ظلمتك يامه ارجعي عيشي معايا زي ما كنا معتش بقدر اعمل حاجه وسلفي مقاطعاه هو ومراتو ومنعنها تشوف ابنهم حفيدها او حتي تحضنو وبتقولي انتي عمرك ما رفعتي عينك فيا ولا شيلتي ابني مني وماسكه ايدي عايزة تبوسها وعايزاني ارجع معاها وسلفتي وسلفي الي انا مربياه وكنت بشيلو بيقول عليا دلوقت ان انا يهوديه وامو يهوديه ومراتو ملاك احنا ظلمنها ومقاطع العيله كلها عشانها المهم جوزي بيقولي بعد الي حصل معاكي مش هغصبك عايزة تعيشي معاها تاني عيشي مش عايزة براحتك هجيب واحدة تخدمها انا عايزة رأيكم اعمل ايه
