قسمة ونصيب كتابة حماده هيكل
كان نفسي احب واتحب واتجوز زي كل البنات
بس لسه نصيبي مجاش اعمل ايه ..انا على قدر متوسط
من الجمال تعليم عالي وظيفة كويسه
أهلي ناس محترمين ..بس مشكلتي في أخويا
اخويا الصغير أمين اصغر مني بسنه
شاب مهمل ومستهتر وضيع نفسه في الدراسه
وبقى فاشل من وقت ما اتعرف على شلة عيال بايظه
.بقى اسلوبه متغير معانا في البيت
بيعلي صوته على ماما وضربني مرة لما اتاخرت
بره عشان كنت في خطوبة وحده صاحبتي
من وقتها قررت أني مش هديه فلوس تاني
كان ساعات بيطلب من بابا وبيرفض يديه
كنت بديه من وراه ..بس من وقت ما مد ايده عليا
وخلاص انا مش طايقاه
بقى بيدخل في خناقات مع صحابه
مع عيال بلطجية وفي مرة رجع متعور من خناقة
بابا طرده وراح لخالتي ..ورجع البيت بصعوبة
وكان بيحلف انه هيتغير..بس للأسف مفيش فايده
لسه زي ماهو ..وكمان حالته ساءت أكتر ودخل
في دور كآبة لما بنت خالته وحب عمره أتخطبت لغيره
سكان العماره والحته كلها بقوا بيتجنبوا أخويا
من سوء اخلاقه ومشاكله اللي مبتخلصش
حتى امي تعبت وراحت المستشفى وكانت هتروح فيها
بسبب عمايله وبرضو متغيرش
يعتبر هو السبب الاساسي في اني بقيت عانس
بقيت بكرهه ومش طايقه وجوده
حول حياتنا لجحيم
في يوم كنت في الشغل قاعدة ومخنوقه
عشان كنت شديت معاه الصبح لانه بيتلكك على لبسي
وغصب عليا أغير والبس حاجة تانية
رغم
محبتش أزود معاه لان بابا كان نزل
وعشان امي متتعبش هي مش ناقصه
وصلت متأخره وسمعت كلمتين من المدير بسببه
دود القمر مالها ضاربة بوز كدا ليه
سيببني معلش يا سهيلة
مالك يا داليا
المدير ياستي زعق لي عشان اتأخرت
طب وايه أخرك بس ؟
حكيت لها اللي حصل من أخويا
قالت متزعليش وروقي دمك
اروق دمي ايه بس انا خلاص مش عارفه اعمل فيه ايه
لا هتروقي دلوقت لما تعرفي الخبر الحلو
خبر حلو ايه ؟
جايبالك عريس؟
بجد !! ...اقصد يعني عريس مين ؟
زميل أخويا في الشغل
اسمه حمدي مهندس شغال مع أخويا من 5 سنين
وبيحلف بأخلاقه وذوقه
طب وهو يعرفني منين ؟
هو ميعرفكيش يا ستي
هو بس شافك من فترة في خطوبتي
ومن ساعتها وهو معجب بيكي
من ساعة خطوبتك ..يعني من 6 شهور ..ولسه فاكر
يسأل أخوكي دلوقت
معرفش بقى يمكن كان عنده ظروف منعته
المهم ايه رأيك ؟
رأيي ف ايه هو انا شوفته
ماهو انا بكلمك عشان تشوفيه
هو عاوز ييجي يتقدم وعايز معاد لو وافقتي
ودي صورته اخويا بعتهالي ع الواتس ..شوفي
شكله كان مقبول وواضح انه حد طيب
فرحت بصراحه ..بس رجعت وقلقت بسرعه
لانه اكيد لما يعرف اخويا وعمايله هيطفش زي اللي قبله
هو 28 سنه
ايه اصغر مني ب3 سنين
لا مش موافقة
يعني ايه ؟
هو اكيد ميعرفش سني الحقيقي
وفاكر اني في سنه او أصغر
لأ اطمني
وهو ايه يجبره على كدا ؟
وهو انتي شوية يا دودو !! انتي قمر يا حبيبتي
بلاش تأفوري كدا وخلينا نفرح بيكي
مش عارفه بقى
طب ايه لازم تاخدي معاد في أقرب وقت من بابا
عشان الراجل ييجي ويتقدم
بس !!
مفيش بس وبطلي دلع
بعد 3 أيام
كان قاعد في الصالون مع بابا
دخلت قدم العصير وأنا مرتبكه
اول ما شافني أبتسم ابتسامه هاديه
الحقيقه هو كان أجمل والطف كتير من الصوره
كلامه هادي وراسي واثق من نفسه وعنده قبول
الحقيقه يا عمي انا حبيت القعدة تكون على الضيق
ويكون في تعارف مبدأي ولو حصل قبول بأذن الله
هنزل أجيب أهلي ونتفق على كل حاجه
انا مهندس مدني شغال في شركة مقاولات كبيرة
الحمدلله راتبي كويس ويساعدني افتح بيت
عندي شقة صغيرة ملك وأهلي عايشين في المنصوره
كنت خطبت قبل كدا ومحصلش نصيب
واول ما شوفت بنت حضرتك أعجبت بيها
وقررت أسال عنها وربنا وفقني وجيت لحضرتك
وعندي أمل انه يكون ليا نصيب وشرف نسبكم
كلامه كان مرتب ومبهر وبابا أعجب بيه وكمان ماما ارتاحت ليه .طلب من بابا لو يسيبنا ربع ساعة لوحدنا
بابا وافق ..وفضلت انا وهو لوحدنا
كنت محرجة وعيني في الأرض
تعرفي اول حاجة شدتني ليكي هي خجلك دا
احمممم
ايوه بس حضرتك متعرفنيش كويس
بالعكس أنا عارفك كويس جدا
فترة 6 شهور من وقت ما شوفتك وانا أبتديت
اجمع عنك معلومات كتير
يا سلام !! وعرفت ايه بقى
عرفت كتير
اني اصغر منك
انا شايف أن دا شئ مميز بنت جميلة متعمله
وناضجه وعقلها كبير .
بس معظم الشباب أن لم يكن الغالب بيدور
على الاصغر
عندك حق ..انا كنت كدا برضو وخطبت وحده اصغر مني ب 4 سنين ومتوفقتش
السن مش مقياس خالص المهم القبول والتوافق
وايه أكدلك انه في بينا توافق او تشابه
كتير
أهمهم اننا كنا مخطوبين زي بعض ومحصلش نصيب
تخوفنا من الاقدام على الارتباط وهل هننجح ولا الفشل هيكون مصيرنا تاني
اسلوبك ولباقتك وطريقة تفكيرك وحياتك
مشابهه لحد كبير لحياتي
وطبعا جمالك
احممم
صدقيني أنا شايفك اجمل بنت في العالم
بس انا عادية وأقل من العادية كمان
متيهيألك ..انا شايف فيكي الانسانه اللي بحلم بيها طول عمري ..واعتقد انك موافقه مبدأيا
ولو عندك اي اسئلة الملاحظات تانية ياريت أعرف
الحقيقه هو في تخوف وحيد
خاص بأيه
بأخويا ؟
اه عارف
عارف ايه
عارف انه تاعبكم شوية بسبب سلوكياته
بس انا مش شايف أن دا ممكن يكون عائق يقف
في طريقنا لأنه شئ ملكيش يد فيه
هو كبير ومسئول عن تصرفاته اللي انا واثق انها مش عجباكم
وبتحاولوا تقوموه وتصلحوا حاله
البيوت كلها مليانه مشاكل صدقيني ..وانا معنديش أخوات
ولو حصل نصيب انا هعتبر أخوكي أخويا
وهصاحبه واقرب منه وبأذن الله هنلاقي حل لمشكلته
بس المهم أنك توافقي
بصراحه مش عارفه أقول أيه
متقوليش
انا شايف
اللي اتغيرت من شك وقلق ..لفرح وتفاؤل
انا كمان متفائل خير
هنده لعمي بقى عشان نحدد معاد وأجيب أهلي
ولا مش عايزه تتعرفي عليهم ؟
لا طبعا !! ..ينوروا في أي وقت أهلا بيهم .
تمت
بقلمي
حماده_هيكل
