رحلة سفر قصة واقعية Sherif Houssien
اول سفر ليا كنت مسافر زيارة ٣ شهور ولو لقيت شغل هحول الزيارة لاقامة عمل ولو عدوا ال 3 شهور هرجع مصر زي ما كنت ويضيع مني ٣ شهور ومصاريف وكنت بايع عربيتي في مصر وحولت فلوسها لدينار وجبت الدينارات معايا كانوا وقتها 1500دينار
كنت بايع العربية ب 30الف ايام ما كان الدينار ب 19وكسر
قلت عشان اعمل الاقامة كانت وقتها مصاريف الاقامة 1200دينار
وجيت كل ما اروح اعمل مقابلة في شركة
حاطين شرط يكون عندي اقامة ورخصة سواقة
وانا لا معايا دي ولا معايا دي
كل شركات الادوية بلا استثناء نفس الرد نشغلك الصبح بس هات لنا اقامه ورخصة
طيب اعملوا لي اقامة وانا اعمل الرخصة مفيش فايدة
طيب معايا رخصة مصرية ابدا ملهاش اي لازمة هنا
قعدت ٣ شهور مفيش بصيص امل وطبعا الفلوس اتصرفت
وانا كدة هرجع يا مولايا كما خلقتني
لحد كدة القصة ما انتهتش دي لسه هتبدأ
شوفت واسطة ومددت الزيارة اسبوع
وقلت احاول
يعني باقي لي اسبوع وانزل خلاص لو ما ظبطت شغل
صليت الفجر ودعيت ربنا وقعدت في المسجد
ما قولتش كلمة غير ( لا حول ولا قوة إلا بالله العلى العظيم )
قعدت اردد فيها حتي الشروق
لبست البدلة ونزلت ومشيت شوية محترمين عشان اوقف تاكسي
نص ساعة مفيش تاكسي عاوز يقف
وفي وسط الزحام والسرعة علي طريق سريع
ظهر تاكسي ما شاورتش له عشان كنت مدور وجهي الناحية التانية
وقف لوحدة
قالي رايح فين قلت له مش عارف اي مكان
ضحك وقالي اركب
ركبت جنبه
قالي علي وين يا مصرى
قلت له عرفت ازاي اني مصرى
قالي احنا اليمنين نعرفكم من وسط كل الجنسيات
انا عندي 70سنة عشت هنا اكتر من خمسين سنة من عمرى ازاي مش عاوزني اعرف
بصيت له قلت له ما شاء الله عندك 70سنة يا حاج
قالي اه والله
وفعلا الرجل ذو اللحية البيضاء والعينان التي تكاد ترى الطريق
يبدوا عليه كذلك
قلت حضرتك من اليمن قال نعم
قال : وانت ايش تشتغل
قلت له مش بشتغل ببحث عن عمل
قال ايش مؤهلك
قلت له صيدلي
قال واللي يشغلك تدفع له كام وضحك
قلت له بطل هزار يا حاج
قال والله اقدر اشغلك
اشغلك مع وزير الصحةكمان
انا سكت
ظنا مني ان الرجل يمزح معي
قال لي شوف
انا كنت شغال سواق مع الوزير بس استقلت وبجهز عشان انزل اموت وسط عيالي في اليمن
قلت
هنزلك جنب المبني اللي هناك ده
ادخل وقول عاوز اقابل الوزير
هو بيحب المصريين وراجل متواضع وعنده مصنع ادوية كبير ولو شافك هيشغلك هما علطول بيحتاجوا صيادلة
قلت له انت بتهزر يا حاج
هو اي حد يدخل يقول عاوز اقابل الوزير يدخلوه للوزير مستحيل اعمل كدة
بعد حوار طويل
دخلت عند الامن قلت له داخل مكتب الوزير
فتشنى وقال ادخل يمين في يمين هتلاقي مدير مكتبة روح له الاول
دخلت قاعة استقبال كبيرة وفي اخرها مكتب يجلس عليه رجل عرفت بعدها انه اسمه علي عبدالله فلسـ..ـطينى
قلت له عاوز اقابل الوزير
قال انت مين
قلت له اسمى
قال ايوه مين انت يعني قلت له اسمى تاني
رفع صوته يا بني مش بسالك علي اسمك بسالك انت مين وعاوز الوزير ليه مين اللي بعتك ولا من طرف مين انت
انا واقف مش عارف اجاوب علي سؤال الراجل ، قلت له بكل ثقة وثبات قوله دكتور شريف حسين من طرف دكتور عبدالله عبدالرازق
حضرتك بتزعق ليه ورحت رافع صوتي شوية كمان
واحد في اخر القاعة سمع اسم الدكتور عبدالله عبدالرازق لقيته جاي وواخدني بالحضن
اهلا اهلا من طرف الحبايب
انا واقف
والراجل عمال يحضن فيا ويحب من هنا وهنا
ويسال الدكتور عبدالله عامل ايه اقول له كويس
بيسلم عليك وخدني من ايدي وقعدني جنبه
الراجل الفلسـ..،ـطيني واقف يضـ..رب كف علي كف
ويقول له يا دكتور حسن انا كان فاضل ثانية وهنده له الامن
وبعدين قال له يا دكتور حسن بقالك كام سنة ما نزلتش عندي تشرب قهوتك هنا
قال له يمكن من سنة
مش عارف ايه اللي جابني اشرب القهوة هنا النهاردة
واخدني من ايدي ودخلني للوزير قاله الراجل ده جاى لي من طرف صديق الطفولة
الدكتور عبدالله عبدالرازق الاستاذ في كلية الصيدلة جامعة الاسكندرية
والحمد لله اشتغلت في نفس اليوم
بعدها اتصلت بالدكتور عبدالله وقولت معلش
لساني جاب اسمك عشان اطلع من موقف محرج
وكان قاعد حبيبيك الدكتور حسن البنا وهو بيسلم عليك
ضحك ضِحك الدكتور عبدالله قالي عشان تعرف بس ان اسمى بركة في كل مكان
هذه القصة لن انساها
رحم الله ابو احمد اليمنى سواق التاكس
ورحم الله الدكتور عبدالرحمن العوضي وزير الصحة الكويتي
والفضل لله مسبب الاسباب
مجرى السحاب
الذي امره بين الكاف والنون
وخالق خلقه من تراب، ورافع السماء بلا عمد، وباسط الأرض على
Sherif Houssien
