أمي تتاجر
كامله
امي_تتاجر_
مكنتش عارفه ابدا اللي امي بتخطط ليه بخصوصي
عمري ما تخيلت للحظة ان الأنسانه اللي شالتني في بطنها 9 شهور واهتمت بيا طول السنين دي كلها ..كانت في الحقيقة بتاجر
كنت بنتها الوحيدة بعد ما خلفت ولدين قبلي تؤام واحد منهم مات بعد ولادته بأسابيع وفضلت فترة بعدها مبتخلفش
كنت بحس بالسعاده لما كنت بسمعها بتقول
حاولت كتير أخلف لحد ما ربنا رزقني ببنتي الجميلة
انا كنت جميلة فعلا وخاصة أن امي من صغري وهي مهتمه تلبسني أجمل الفساتين وبتهتم بمظهري جدا
كانت بتاخدني معاها عشان نزور الناس جيرانا وقرايبنا
بشكل مستمر مكنتش فاهمه السبب
والغريب اننا مكناش فقرا.. كان مستوانا متوسط واحسن من غيرنا بكتير.. لكنها شافت فيا فرصة انها تقدر تستفاد
مرت السنين وكبرت وبقيت في الثانوي والناس أبتدت تتقدم لخطبتي
كل الجارات جهزوا ولادهم عشان ينالوا اعجابي ويفوزوا بيا
كنت فرحانه جدا ليا شعبيه واهتمام من الجميع
بس كان شاغلني حاجة وحده وهي اني اكمل دراستي
وادخل الجامعه واشتغل واحقق كياني
لكن أمي كانت بترسم لي مستقبل تاني مختلف
جه اول عريس ولما شوفته جريت علي اني في المطبخ
كانت بتجهز العصير
سألتها مين دا يا ماما
دا عريسك يا حبيبتي
ومين قال اني عايزه اتجوز.. والعريس دا بالذات
زعقت فيا وقالت اسمعي الكلام انا امك وعارفه مصلحتك كويس روحي اقعدي معاه دلوقت ومش عايزه كتر كلام
سمعت كلامها وانا مجبره..امي كانت شخصيتها قوية
وبالرغم من رفضي تمت الخطوبة وبدأت اشوف أشرف بأستمرار.. لكنه معجبنيش كان دايما جد في معاملته
وأسلوبه صعب في المعامله
وبعد أسبوعين لقيت امي بتقولي.. هنفسخ الخطوبه
سنفسخ الخطوبة.
بجد يا ماما..طب ليه.. قصدي موافقه طبعا
بس حابه اعرف ايه غير رايك كدا.. هل عشان انا مش موافقه عليه
لا بس اكتفشت ان سمعة اهله مش كويسه
. أكتشفتي دا ..بس انتي عارفاهم من سنين
ايوه وعشان كدا رفضته...انا كنت فاكره الموضوع هيفرحك
ولا انتي عايزاه
لا
لابالعكس دا انتي ريحتيني منه يا ماما
طيب هاتي بقي الشبكه بتاعتك عشان ارجعها
لمامته بكره
كملت حياتي وانا فرحانه اني اتخلصت من العريس دا
لكن بعد شهور امي جابتلي عريس تاني اسمه عادل
شكله كان عادي واقل من العادي مفيش حاجه تشد فيه
وكمان لبسه مش متناسق وكلامه ملخبط ودايما متوتر
رفضته بشده ودخلت في مشاكل مع ماما وفي الاخر وافقت عليه غصب عني.. وبعد شهر امي برضو فسخة الخطوبه
بحجة انه كان متورط في مشكلة قبل كدا
بس يا ماما عرفتي ازاي
اهو عرفت وخلاص.. انا امك ويهمني مصلحتك
ولازم اجوزك لحد مناسب ومحترم..يلا هاتي الشبكه ارجعهاله
طب ليه مش بتسأل عنهم قبل الخطوبه
ومحاش في بالي ابدا ان امي كانت بتلعب اللعبه دي
اللي كان هدفها تجمع الدهب من العرسان وتبيعه وتحطه في حسابها
بتخوفهم بانها هتفصح اسرارهم قدام الناس
هي كانت بتختار ضحاياها بعنايه
وانا مكنتش عارفه اللي بيحصل كل اللي كان هاممني اني اتخلصت منهم
حصل الموضوع دا اكتر من مره ..حد يتقدم وبعد مدة بسيطه تتفشكل الخطوبه وامي تبيع الدهب
لحد ما الناس بدأت تتكلم عني اني بطفش العرسان
وانه فيا عيب يخليهم مش بيكملوا
اشتكيت لماما في يوم وكان ردها
انا ميهمنيش كلام الناس.. انا عارفن ان بنتي حميله وشريفه ودا اهم شي عندي
كانت هتكمل في خطتها بالاستفاده مني لحد ما اتقدم
مازن.. اللي كان مختلف عن كل اللي سبقوه
شاب وسيم مثقف ومرح.. حسيت انه هو دا اللي لازم اكمل حياتي معاه.. مبينتش دا لامي عشان خوفت ترفضه اوتطلع فيه عيب لو حست اني متعلقه بيه
اتقربنا من بعض وتعرفنا بشكل كافي وكل واحد مننا ارتاح للتاني عرفته اني ناويه اكمل دراسه قالي معندوش مانع
وشايف ان دا شي مهم وضروري
كلمني بكل صراحه عن نفسه عن ظروفه وان والده مكنش الاب المثالي ..لانه اختلس مبلغ من الشركة اللي كان شغال فيها
وهرب بره البلد.. وعشان كدا هو نفسه يكون نعم الاب والزوج الصالح وميكررش اللي حصل من والده ويعيد نفس السيناريو مع عيلته
كنت سعيده بصراحته معايا واحترمته جدا
في الوقت دا لقيت امي بتقولي ان مازن مش مناسب بعد ما اكتسفت ماصي والده ولازم افسخ الخطوبه..
زعقت فيها وقولتلها
انا عارفه كل حاجه مازن حكالي.
انتي هتعملي اللي . بقولك عليه ..هاتي الشبكه
ولا هتعصي كلام امك
يا ماما مش كدا.. مازن
خلاص الموضوع انتهي
اخدت الشبكه وكنت هموت من القهر
واتصلت بمازن وعرفته اللي حصل.. كان مستغرب ومش مصدق انه خلاص اللي بينا انتهي
ومش مسموح لي اشوفه تاني
في ليلة قولتله وانا بعيط.. اشتقت للعقد بتاعك
اللي حبتهولي كنت بلبسه باستمرار وكان بيفكرني بيك
طب وليه بطلتي تلبسيه
لان ماما اخدته مع الشبكه ورجعتهالك
انا ماخدتش حاجه من ساعتها اصلا مامتم مكلمتنيش
جريت بسرعه علي اوضة امي وسألتها عن الشبكه بتاعت مازن
وتفاجات بردها
ايوه الشبكه لسه معايا.. انتي فاكرن اني غبية عشان ارجعاله
انا هبيعها واحط حسابها في البنك
الشباب دي كفايه انهم نالوا شرف خطوبتك وقعدوا معاكي
ودا اصلا قليل عليا
عليكي.. وانتي ايه دخلك
انا اللي خلفتك يا حبيبتي وكبرتك وخليتك اجمل بنت
وكل حاجه ليها تمن
لا انا بستفاد منك قبل جوازك
طيب انا هتجوز مازن حتي لو رفصتي
هتتحوزي واحد ابوه مختلس وهارب.. هتعيشي تعيسه
لا هكون سعيده معاه.. اكتر منك وهتحمل مسئولية قراري
هتبرى منك
اعملي اللي يريحك
كلمت اخويا ورجع وقابل خطيبي واتفق معاه علي كل حاجه وكان هو وكيلي اتحوزت حبيبي ب لانه كان الراجل اللي حلمت بيه
أما أمي فلم تسامحني على ما فعلته ليس لأنني عصيت إرادتها بل لأنني بزواجي حرمتها من إكمال تأمين مستقبلها. ولكن أرجو أن تعي يوما ما فعلته
وحتى ذلك الحين أصب كل اهتمامي على عائلتي وعملي.
