عشقت مربية أبني بقلم إسراء ابراهيم
المحتويات
ده شغلي وحياتي كمانوبكرر لحضرتك أنا مش دخيلة ولو حضرتك شايف غير كده ممكن أعتذر وأمشي بس حقيقي هيصعب عليا آدم لاني وعدته اني مش همشي واسيبه
لحظة صمت بين الاتنين وعنيهم في عنين بعض والجو متوتر
فارس بهدوء بارد
أنا معرفكيش ومبحبش الناس اللي بتدخل بسرعة في المساحة الخاصةوآدم ابني أهم حاجة في حياتي ومش عاوزه يتعلق بحد ويسيبه زي ما عملت امه
هنا اتفاجأت بكلام فارس واتأكدت انه محتاج لعلاج نفسي اكتر من ابنه وانه واضح عليه انه هو كمان متأثر بحياته مع زوجته اللي واضح انها سابته ومشيت وهنا قررت انها تتعاما مع فارس بطريقته
هنا بصوت اهدي كتير عن الاول
وأنا كمان مبحبش أكون محطة مؤقتة في حياة حد لا طفل ولا كبير بس صدقني آدم محتاج يتعامل كطفل مش كحالة ولا كحمل ولو فعلا يهمك مصلحة ابنك
ساعدني اكون جمبه
فارس وهو اتنهد بحيرة
طالما في حدود كملي شغلك
بس أي تجاوز أي لحظة حسيت إن وجودك بيأثر بالعكس مش هتكملي يوم
هنا بتحرك راسها بتفهم
متفقين بس لحد ما ده يحصل انت هتساعدني واي حاجة هطلبها منك هتنفذها بدون نقاش
فارس برفعة حاجب
وده امر مثلا ولا ايه مش فاهم
هنا بتوتر وثقة
لا مش امر بس زي ما قولتلك احنا الاتنين عاوزين مصلحة آدم يبقي انت هتساعدني اخليه يخرج من اللي هو فيه تمام
فارس بهدوء
تمام يا دكتورة
هنا ابتسمت بمجاملة وكانت هتمشي بس ادم وقفها بصوته اللي باين عليه التوتر
فارس بتوتر
آدم قالي إنه حبك من أول يوم
هنا بتقف لحظة وتبص وراها لفارس بابتسامة صغيرة حزينة
هنا بؤاحة
وأنا كمان حبيته من أول لحظة شوفته فيها وحقيقي هو طفل جميل ربنا يحفظهولك
قالت كدة هنا وخرجت وفارس فضل واقف متابعها وهو محتار انه ازاي طاوعها
تاني يوم هنا بتدخل بهدوء مكتب فارس اللي كان باين انه مشغول
هنا بتردد
أنا آسفة لو بزعجك بس كنت عاوزة أكلم حضرتك خمس دقايق بس ينفع
فارس من غير ما يبصلها
اتفضليولو بخصوص ميعاد الجلسة بتاعت آدم فخليها زي ما هي انهاردة انا هبقي موجود
هنا بتقف قدامه بشجاعة
الموضوع مش ميعاد جلسة
الموضوع آدم نفسه يا استاذ فارس
فارس بيرفع عينه ليها بهدوء
ماله آدم مش فاهم وبعدين اومال انتي هنا ليه
هنا بتتنهد وبتتغاصي عن طريقة كلام فارس الحادة معاها
آدم محتاج يعيش زي اي طفل مش يتعالج بس هو محتاج يحس إنه في بيت وإن البيت ده فيه حب ودفا و ناس بتضحك معاه مش عليه
فارس بسخرية
وده اللي بنحاول نعمله من سنين يا أنسة هنا بس واضح إنه مش كفاية بالنسباله ولا ايه
هنا بحزم
مين قالك كدة هو مش كفايا لأنك مش بتحاوللأنك بتحاول لوحدك وآدم مش محتاج أب بس ومش محتاج مربية بس ومش محتاج دكتورآدم محتاج عيلة يا استاذ فارس
فارس بصلها باستغراب
يعني إيه مش فاهم
هنا بتتحرك ناحيته خطوة
يعني نقعد كلنا مع بعض ناكل سوا نلعب لعبة سوا نتفرج على فيلم آدم يشوفك بتضحك حتى لو كانت ضحكة صغيرة
يشوف إنك مش خايف عليه لأ بتحبه
فارس بصوت واطي
أنا بحبه فعلا وأوي كمان
هنا بابتسامة دافية
انا متأكدة بس هو عمره ما شاف ده في عنيك ولا في تصرفاتك فهمت
فارس سكت لحظة وبعدين اتنفس بحيرة
فارس بجدية
بس أنا مش بعرف أضحك ولا ألعب مفيش وقت ومش متعود علي الحياه دي
هنا بثقة
بس ممكن تتعلم عالاقل عشان ابنك
فارس بيرفع حاجبه باستغراب
أنا أتعلم ألعب
هنا بتضحك بخفة
ليه
فارس بص لهنا بنظرة غريبة فيها اعجاب و حيرة وارتباك لانه حس انها فعلا خايفة علي آدم مس زي اللي قبلها كل همهم المرتب والفلوس والعلاج في مواعيده وخلاص
فارس بغموض
وانتي هتلعبي و مش هتمشي لما تزهقي زي اللي قبلك
هنا بثبات
لو ناوي تمشي ابنك ابقي مشيني معاه لاني أنا مش جاية اشتغل شغل مؤقت أنا جاية أكون فرق في حياة حدوآدم يستاهل
لحظة سكوت بينهم وهما باصين لبعض وبعدين فارس قام من مكانه وقرب منها بخطوة
فارس بصوت أهدى
وانتي ليه مهتمة أوي
يعني ليه آدم ليه احنا عموما
هنا بصوت هادي
لأن آدم خلاني أحس إني ليا قيمةوبصراحةمن أول يوم دخلت البيت ده حسيت إنه ناقصني مش البيت الناس والدفا اللي اتحرمت منه فحسيت فعلا ان ادم محتاج ده لاني مريت باللي هو مر بيه بالظبط
فارس بصلها وكأن في حاجة جوه قلبه بتتغير أو بتتبني من جديد
فارس بحيرة
هناأنا مش سهل اتأقلم ومش دايما كويس وممكن اتعبك عشان اتعود علي اللي طالباه مني ده
أنا ليا سنين مش عارف أفتح بابي لحدولا اتعامل مع حد
هنا ابتسمت بثقة واصرار
مش بطلب منك تفتح
بس لو فتحت شباك صغير يمكن النور يدخل ويعكس نوره علي ادم اللي مستخبي جواك وخايف هو كمان زيك
سكت فارس وعدت نظرة طويلة بينهم
فارس بصوت أقرب للهمس
هنعمل إيه سوا طيب
هنا بفرحة
بكرة نعمل أكلة آدم اللي بيحبها ونقعد على الأرض ناكل سوا
ونلعب لعبته المفضلة ونتفرج على كارتون معاه
فارس بحيرة وابتسامة صغيرة لأول مرة
كارتون احم
هنا بتضحك
أيوه كارتون
مش نهاية العالم يا فارس بيه يعني
فارس بصلها وابتسم لاول مرة
موافق
هنا بفرحة وابتسامة جذابة
موافقة
تاني يوم كانو واقفين هنا وفارس في المطبخ وادم بيتفرج عليهم وهنا اتعمدت تضحك وتهزر مع فارس اللي كان مستمتع باللي بيحصل وكل ده وآدم بيضحك معاهم
هنا بضحك
علي فكرة انت فاشل في الطبيخ اخرك تسلق بيضة ولو عرفت كمان
فارس برفعة حاجب
انتي بتسيحيلي قدام ابني طب علي فكرة بقي انا اللي عامل السلطة ولا نسيتي
هنا بسخرية وهي بتضحك
لا تعبت والله ده حتي السلطة كأنك كنت بتحارب وانت بتعملها ادم اوعي تطلع زي بابا يا حبيبي احسن مش هتتجوز ومفيش واحدة هتبصلك
ادم بضحكة طفولية
لا انا هطلع شبهك يا هنا انتي بتعرفي تطبخي لكن بابا لا
فارس بصدمة مصطنعة
انتو الاتنين بتتريقو عليا طيب انا بعد كدة هقعد زي الباشا والاكل يجيلي لحد عندي واتريق كمان براحتي
هنا بثقة ادم
لا معلش احنا اللي ميرضاش يساعدنا مش هنأكله معانا مش كدة يا دومي
آدم بحماس
ايوة يا هنا وانتي هتعلميني صح عشان
مطلعش زي بابا
فارس بصدمة
انا للدرجادي بقت سمعتي وحشة منك لله يا هنا قلبي ابني عليا
ضحكو كلهم مع بعض وكانت متابعاهم نجوي بابتسامة وهي شايفة ان هنا دخلت الببت غيرت حتي فارس اللي عمره ما كان كدة ابدا من وقت اللي حصل معاه
نجوي بابتسامة
يلا كفايا عليكم كدة بقي انا هكمل واغرف الاكل وانتو اطلعو اقعدو برة
هنا بابتسامة
ايوة صح يا ماما نجوي يلا اطلعو بقي برة وهونا كدة عشان نعرف نغرف انا مش هسيب ماما نجوي تغرف لوحدها
فارس وهو بيزق ادم بكرسيه
يلا يا آدم احنا بنتطرد بالزوق نطلع بكرامتنا احسن
هنا بقصد وهي بتبص لادم
متنساش يا استاذ فارس تختار الفيلم مع آدم اللي هنتفرج عليه في السهرة
آدم بحماس
اايه ده بجد يا هنا هنتفرج علي كارتون سوا
هنا بحب وهي بتقرب منه
طبها يا دومي انهاردة يومك
متابعة القراءة
