عشقت مربية أبني بقلم إسراء ابراهيم
اسكربت
عشقت مربية ابني
صباح الخير يا فارس بيه
المربية اللي كلمتك عنها جات ومستنية برا
فارس من غير ما يبص
صباح النور يا دادة
نجوي انا قولتلك إني مش مقتنع بحد جديد يدخل البيت
خصوصا لو كانت ست
نجوى بحنان وإصرار
بس انت محتاجها يا بني وآدم محتاج حد يهتم بيه
وهي بنت طيبة شكلها صغير بس دماغها ناضجة وانا ضامناها لانها بنت اعز صديقة ليا
فارس بيرفع عينه بسخرية
بتقولي طيبة ويا تري زي أمه
ولا طيبة زي أمي كلهم بيبدأوا طيبين وبيخلصوا بمصيبة
نجوى باصرار
طيب شوفها بس ومش هتخسر حاجة يا ابني
فارس بضيق
ماشي يا دادة نجوي دخليها اما اشوف
نجوي بابتسامة
تمام تعالي يا هنا
هنا بخجل
السلام عليكم
فارس بصوت ثابت
عليكم السلام اسمك إيه
هنا بتردد
هنا هنا إسماعيل يا فندم
فارس بصوت بارد
كم سنة يا استاذة هنا
هنا بهدوء
تلاتة وعشرين بس عندي خبرة يا فندم
فارس بحدة
ايوة بس انتي صغيرة مش كده
وهتشوفي شغلك إزاي مع طفل محتاج معاملة خاصة
ولا ناوية تعملي زي باقي اللي قبلك كام أسبوع وتمشي
هنا بتبلع ريقها وبترد بخجل بس بثقة
أنا عارفة إن الطفل محتاج رعاية وأنا درست تربية خاصة
وجربت أشتغل مع اطفال شبهه في مستشفيات خاصة قبل كده متقلقش ومعايا شهادات
فارس بنظرة فاحصة
وإيه اللي خلاكي تشتغلي شغلانة زي دي
هنا بهدوء
لاني لاني بحب الأطفال
وبحب أساعدهم يبقوا أحسن
وادم من كلام ماما نجوي يستاهل حد يحبه مش بس يرعاه
فارس ركز في عينيها لحظة كأنه بيفتش جواها عن كدبة
فارس بضيق
وهو الحب بيأكلولا بيعالج
ولا بيشيل طفل عنده شلل في رجله من مكان لمكان
الكلام
هنا متوترة بس بترد وهي ثابتة
يمكن يكون سهل بس أنا مش بكدب وآدم مش محتاج حد قوي هو محتاج وسند وأنا هكون كده ليه
لحظة صمت بينهم وفارس بيبصلها بنظرات مش مفهومة
فارس ببرود
هنشوف اسألي دادة نجوى على مواعيد آدم وحاجته ولو غلطتي غلطة واحدة مش هتعاطف معاكي
هنا بابتسامة خفيفة
تمام شكرا على الفرصة يا فندم
هنا قالت كلامها وخرجت بخطوات سريعة وقلبها بيدق وفارس فضل باصص لاثرها بحيرة بس بسرعة انتبه لنفسه وكمل شغله
في اوضة آدم ابن فارس كان قاعد على كرسي متحرك جنب الشباك بيبص برة بهدوء لحد ما دخلت عليه هنا
هنا بصوت ناعم
ممكن أدخل
آدم لف وشه ببطئ من غير كلام واستغرب اما شافها
هنا بتبتسم
أنا هنا ده اسمي فعلا و أنا جيالك علشان نلعب ونتكلم ونضحك لو تسمحلي يعني
آدم بصلها بنظرة فاضية عينه فيها حاجات كتير بس مش بيقول ولا كلمة
هنا وهي بتقرب بخطوات هادية
عارف أنا كنت خايفة شوية وأنا جاية أول مرة أدخل بيت كبير كده وأقابل طفل زيك بس أول ما شوفتك حسيت إني مش غريبة
آدم ابتسم بس لسه ساكت وهنا قعدت على الأرض قصاده عشان تبقي في مستواه
هنا بصوت هادي
ينفع أسألك اسمك ايه
آدم وهو بيحرك شفايفه بهمس
آدم
هنا ابتسمت ابتسامة واسعة
آآآه آدم أجمل اسم في الدنيا دي كلها عارف ليه
عشان هو أول اسم على الأرض زي ما تكون أنت البداية
آدم بصلها بشك بسيط وهو لية مبتسم
هنا بابتسامة
ممكن أقولك سر
أنا أول مرة أشتغل من بعد فترة طويلة وجيت هنا عشانك و حبيت أبدأ من أول وجديد معاك
ادم بتكشيرة
انتي جاية عشان تساعديني لاني عاجز مش كدة
هنا بحنان
اولا انت مش عاجز انت زي القمر ومفيش فيك اي
آدم يهمس بصوت واطي
مش بحب ألعب
هنا بحنية
طب بتحب إيه
كل حد بيحب حاجة حتى لو صغيرة
آدم يرد بعد ثواني صمت
بحب ابص من الشباك بس
هنا وهي بتقوم تفتح الشباك بحماس
طيب تمام تعالي نعمل كده سوا
آدم قرب بكرسيه وهي واقفة جنبه وفضلو يبصو للسما
هنا بصوت شبه همس
شايف السماو النور
أنا مؤمنة إن اللي جوه قلبك زيه كده بس انت تسيب نفسك
آدم بصلها بنظرة طويلة كأنه نفسه فعلا يعمل كدة
آدم بحزن
انا نفسي ابقي كويس واجري والعب زي كل صحابي
هنا بحب وحنان
طيب بص هقولك علي حاجة ولازم تبقي متأكد منها ربنا مش بيجيب ابدا حاجة وحشة وانت طفل جميل وكويس فربنا خب يميزك بحاجة ويخليك غير صحابك عشان يشوف رد فعلك ايه يعني هل هتقول الحمد لله وانا راضي ولا هتزعل وتقول حرام واشمعني انا عارف ربنا لو مش بيحبك مكنش خلاك بقيت مميز فانت لازم تقول الحمد لله يارب وتثبت لنفسك انك كويس وانك زي كل اللي حواليك بل بالعكس انت مميز عنهم عند ربنا
ادم ابتسم وكأنه فرح ان فعلا هو مميز بحنان ومل ده وفارس مراقبهم من عند الباب وسامع وشايف كل حاجة وعلي وشه ابتسامة رضا
فارس بهمس لنفسه
هي عملت إيه في الولد ده
هنا وهي بتبص في عيون ادم بثقة
أنا هافضل جنبك يا آدم وهنرجع نضحك تاني وعد
آدم يهمس بخوف
كلهم مشيوا انتي ممكن تمشي انتي كمان وتسيبيني
هنا بثقة وهي تمسك إيده
أنا مش همشي وهفضل معاك وعد
ابتسم ادم بخفة وهو مقرر يتمسك بهنا اللي قدرت تغير تفكيره وحياته في اول
تاني يوم هنا نيمت آدم وكانت نازلة تحت بس شافت اللعب بتاعته اللي كان سايبها فبقت تلمها وفارس واقف على السلم بيراقبها بصمت
فارس بصوت واطي بس حاد
مافيش داعي حد تاني بيشيل الحاجات دي
هنا بتتخض و تبص وراها وهي لسه ماسكة لعبه في إيدها
هنا بهدوء
آسفة بس كنت حابة أرتب الحاجات اللي آدم لعب بيها هو نام خلاص وكنت نازلة هنا فقولت أساعد
فارس بنبرة فيها تحفظ
مساعدتك مطلوبة في أوضته مش هنا
هنا بجدية
تمام مش هكررها
بس سامحني حسيت إن آدم بيحتاج لحد يهيأ ليه الجو حواليه و الحاجات والتفاصيل دي بتفرق
فارس قرب منها خطوتين ونبرة صوته زي ما هي مش بتتغير كأنه مش عاوز هنا تاخد عالمكان ولا ادم ياخد عليها ويتعلق بيها
فارس بحدة خفيفة
آدم محتاج علاج مش لعب وأنا مش جايبك عشان تبقي أمه البديلة
نظرة استغراب في عين هنا وهي تحاول تحافظ على هدوءها
هنا بهدوء نسبي
أنا مش ناوية أكون بديلة حد
بس أنا شايفة طفل ذكي حساس وعنده احتياج لدفا مفقود وعيلة زي اي طفل في سنه
فارس بحدة
دفا انا ابني مش ناقصه حاجة يا انسة
هنا بصوتها الرقيق
ابن حضرتك ناقصة حاجات كتير يا أستاذ فارسوهو مش الأكل والشرب والتعليم والعلاج بس اللي هيخلو ابنك كويس هو محتاج حنان ودفا ويحس انه وسط عيلة مش عايش لوحده في بيت طويل عريض الولد بقاله شهور مش بيبتسم غير بصعوبة ولو حضرتك متابع كويس هتلاحظ إنه انهاردة ضحك
مرتين وده بالنسبالي انجاز ومعناه انه تشخيصي لحالته صح جدا فل يهمك ابنك وسعادته ياريت تساعدني اني اوفرله الحياه دي عشان فعلا يبقي كويس
فارس بصلها بنظرة فيها تحديلكنه من جواه كان متأكد انها عندها حق بس للاسف اللي مر بيه في حياته يخليه هو
هنا لتكمل بثقة
أنا معرفش حضرتك ليه واخد مني موقف بس وجودي هنا مش تهديدأنا جاية أساعد ابن حضرتك و
