عشق سام بقلم سولية نصار
سكريبت بقلم سولييه نصار
بالله عليكي بلاش تقلبي بوزك كل لما اروح لها بتخليني اكرهك بالشكل ده وهي اللي هتفوز بيا
قالها احمد وهو بينفخ بضيق كنت ببصله والدموع بدأت تتكون في عيني بس مكنتش عايزة ابكي واحسسه پقهري أنا اللي عملت في نفسي كده أنا اللي غلطت في حق نفسي أنا اللي كسرت كلمة أهلى واستاهل كل اللي بيعمله فيا
حطيت راسي في الأرض فراح بصلي بضيق وقرب مني وبيقول بإبتسامة سمجة زيه
ما هي مراتي برضه يا بسبوسة بعدين هي الأولى وانتي التانية يبقى اكيد هتكون ليها معزة شوية في قلبي بعدين مفروض هي اللي تغير منك مش العكس
مش قادرة اعيش بالشكل ده يا احمد مش قادرة اشاركك مع حد تاني
شوفت الڠضب بعينيه وايديه اتجهت لشعري وهو بيقول وعينيه بتلمع من الڠضب
حبيبتي وسام تبقي مراتي الاولى هي مش اختيار في حياتي عشان تقولي مش قادرة اشاركك حد تاني لو كان في بالك اني هسيب وسام عشانك فأنتي غلطانة وبتحلمي انتي ډخلتي حياتي وانتي عارفة أن وسام فيها وهتبقى فيها
غمضت عينيا ودموعي بتنزل كنت حاسة وكأن قلبي پيتحرق كنت فاكرة اني لما اتجوز احمد هبقى أسعد واحدة بس لا أنا تعيسة تعيسة كل لما اشوفه رايح ليها وانا كاتمة في قلبي وساكتة
اي حد هيشوفني بعمل كده هيقول أن أنا يجحة واني اللي خطفت من مراته اكيد الناس فاكرة اني أنا اللي قاهراها بس مراته قوية لدرجة أنها جات فرحنا وباركت لينا وهي وشها عليه ابتسامة كبيرة رغم اني أنا العروسة الجديدة بس احمد ملهوف عليها اكتر مني الحاجة اللي مخليه مخي يشت مادام هو بيحبها للدرجة دي اتجوز عليها ليه !!!!
بعد احمد عني وخرج وانا نومت على السرير ودموعي بتنزل بفتكر قصتي مع أحمد
فلاش
احمد كان دكتور الاسنان بتاع ماما من اول مرة شوفته لما روحت معاها خطڤني كان أكبر مني بحوالي عشر سنين يعني عنده ٣٩سنة بس كان جان في نفسه ووسيم وأسلوبه تحفة ودمه خفيف اووي حبيته اوووي كنت بصمم انا اروح مع امي ليه كنت بعمل المستحيل عشان افتح كلام معاه كنت عارفة من الاول أنه متجوز الدبلة في أيده موبايله اللي عليه صورته مع مراته في فرحهم رغم كده مكنتش قادرة اشيله من دماغي في يوم فاض بيا وقررت اني اخد خطوة
في يوم روحت على العيادة بتاعته واول ما شافني ابتسم وقال
والدتك مقالتش أنها هتيجي النهاردة
انا مش جاية عشان ماما جاية عشاني
قولتها وانا بدخل فابتسم وقال بعملية كأي دكتور ببسأل مريضة
بتشتكي من ايه اتفضلي
من قلبي
قولتها بجدية وانا ببصله فبصلي بحيرة عشان اقول بسرعة
انا بحبك وعايزة اتجوزك!!!!
الجزء الثاني شكرا على تفاعلكم السكر بقلم سولييه نصار
فضل يبصلي لثواني كده وكأني مچنونة بعدين ضحك وهو بيقول
انتي بتقولي ايه !!
هزيت كتفي وانا بكرر
بقولك أنا بحبك وعايزة اتجوزك ايه الغريب في ده
ضحك تاني وحك رأسه وقال
مبحبش حقيقي الهزار ده يا آنسة بسمة ياريت تقولي ايه مشكلتك وتمشي أنا مش فاضي والله
قربت منه فبعد قربت اكتر وانا بقول
ليه مش قادر تفهم انت هي مشكلتي أنا مش قادرة ابطل افكر فيك يا أحمد أنا مش قادرة اشوف غيرك بقولك بحبك بحبك
اطلعي برا يالا برا
أنت ليه مش عايز تديني فرصة
يا بنتي فرصة ايه الله يخربيتك انتي لسه
صغيرة وانا بعدين متجوز وبموت في مراتي ومكتفي بيها ومش عايز حد غيرها !!!
بس مراتك مبتخلفش
عقيمة لكن انا اقدر اخلف واجبلك
قدرت اعرف المعلومة دي من السكرتيرة بتاعته لي العيادة
لا انتي شكلك بنت هبلة وأمك عارفة اطلعي برا عيادتي يالا
وبعدين مسكني وهو بيطردني برا اوضة الكشف
وبعدين قال للسكرتيرة بتاعته اني مدخلش العيادة تاني
كنت ماشية في الشارع وانا حاسة اني متضايقة ازاي يرفضني بالشكل ده أنا افتكرت اني لما اعرض عليه اني اتجوزه كده هيوافق علطول لكن هو رفضني من غير تردد أنا مش قادرة اصدق ومش قادرة اتقبل رفضه كنت زي المچنونة كنت مهووسة بيه لو مكنتش اتجوزته كنت ھموت فعليا عشان كده قررت أعمل اللي في دماغي أنا مستحيل استسلم
مرت الايام وانا بخطط عشان أحصل عليه كنت ببعتله رسايل حب على الواتس وكان بيعملي بلوك كنت ببعتله صوري كلام غزل حتى اني اترجيته يتجوزني واخر ما زهق غير الخط بتاعه يأسي منه كان كبير بس كان عندي آمل بسيط هو أكيد مال ليا لو مكانش بيحبني فعلا كان قال لمامتي علي كل اللي بعمله لكن هو اختار ميتكلمش يبقي أكيد بيحبني أكيد فيه أمل !
عشان كده في يوم قررت اخد آخر خطوة خطېرة كنت عارفة ان الدنيا هتتقلب عليا بس مكانش هاممني
أنتي انتي بتعملي ايه هنا !!!
قالها احمد پصدمة وهو بيشوفني قدامه ابتسمت ليه وقولت
جاية اشوفك
انتي عبيطة صح امشي يالا غوري من هنا
قالها ولسه هيقفل في وشي مدت ايدي على الباب ومنعته
حبيبي مين !
قالتها وسام وهي بتطلع استنيت اشوف الست اللي اخدت قلب حبيبي هي كانت جميلة في الصور بس في الحقيقة كانت اجمل بكتير شعرها بني وطويل وعينيها بني غامق عندها غمازات ووشها دائري كانت احلى حتى مني أنا اتغاظت وانا ببص
انا اسمي بسمة وجاية عايزة استاذنك اني اتجوز جوزك أنا بحبه وعايزة اتجوزه!!
رفعت وسام حاجبها وهي بتبصلي من فوق لتحت كان باين عليها انها بتستهين بيا قرب احمد منها وقال
يا حبيبتي والله دي المچنونة اللي بقولك عليها هي دي اللي بقالها كذا يوم بتجري ورايا
ضحكت وسام بمرح وقال
والله شكلها ډمها خفيف
عضيت شفايفي بغيظ وانا حاسة بالڠضب مكنتش مصدقة ازاي هي مستهترة بيا بالشكل ده
قربت وسام مني وحطت ايديها على كتفي وقالت
خلاص متزعليش أنا هدورلك على عريس مناسب ليكي يكون في سنك بدلما انتي ماشية شغالة تعرضي نفسك على الرجالة نورتينا يا بسوم اسمك حلو اوووي بالمناسبة
كنت ماشية في الشارع وانا بعيط كنت مقهورة اووي قدرت فعلا تقهرني هو ازاي بيحبها ازاي دي واحدة مش محترمة ولسانها طويل أنا بجد بكرهها بكرهها اووي
قعدت على الرصيف وانا بمسح دموعي پعنف كنت حاسة ان قلبي پيتحرق ازاي تقهرني بالشكل ده بس أنا هاخد جوزها منها أنا هقهرها
قومت من مكاني وانا برجع شعري لورا ومبتسمةكان املي كبير اني أخده من مراته !!
روحت البيت وانا على شفايفي ابتسامة واسعة بس فجأة امي فتحتلي الباب وهي بتجيبني من شعري ودخلتني الشقة
ماما فيه ايه !
قولتها وانا مصډومة اووي زقتني امي لحد ما وقعت على الأرض بقوة كان ابويا واقف قدامي وهو بيبصلي بغيظ ابتسمت بسخرية
ايه أخيرا قررت تسيب السنيورة مراتك وتشوف اللي رميتهم وبتسألش عنهم
طحن سنانه بغيظ ومسكني من شعري وهو بيحسبني ناحية
اوضتي وبيقول
أنا هربيكي من أول وجديد!!!
صړخت وانا بحاول افلت منه بس كان أقوى مني قربت امي منه وهي بتحاول تبعده عني بس مقدرتش
ڠضبان
مني
ابعدي مادام مش عارفة تربيها أنا هربيها
