العين الزرقاء

من قصة قديمة؟
بص في الارض.. وقال.. عارف اني غلطت.. بس والله كل يوم بفكر فيكم.. وكنت بتابعك من بعيد.. عارف انها دخلت الحضانة 13 يوم.. وعارف انك روحتي لجدي.. وجدي حكالي كل حاجة
جدي؟ انت تعرف جدي؟
اه.. جدي راحله بعد ما انا حكيتله.. وقاله.. بنت حفيدة حبيبتك حامل من حفيدي.. نعمل ايه؟ جدك قاله.. سيبهم.. متدخلش.. خليهم يقرروا لوحدهم
اتصدمت.. يعني جدي كان عارف مكانك؟ وسايبني؟
اه.. كان عايز يشوف انا هرجع ولا لا.. وانا مرجعتش.. عشان كنت جبان
سكتنا شوية.. وبنتي ابتدت تعيط.. شلتها.. وبديها الببرونة.. وهو بيبصلي وانا برضعها.. وعينيه بتدمع
قال.. ممكن اشيلها؟
قلتله.. شيلها
شالها بحرص.. كأنه شايل ازاز.. وبنتي سكتت اول ما دخلت حضنه.. وبصتله بعينيها الملونين.. وهو بص لها.. ودموعه نزلت على خده
قال وهو بيعيط.. شبه ابويا اوي.. ابويا كان بيقول.. اللي عينيه كده.. بيبقى شايف الدنيا بلونين.. نص حزين ونص فرحان.. وانا طول عمري شايف الدنيا حزينة.. لحد ما شفتها
فضل شايلها بتاع ربع ساعة.. وبعدين اداها ليا.. وقال.. انا عارف اني ماليش عين اطلب.. بس لو ينفع.. اشوفها كل فين وفين.. ومش هضغط عليكي في اي حاجة.. ولا جواز ولا غيره.. بس اشوفها.. عشان محسش اني بموت وانا سايب حتة مني
قلتله.. تشوفها؟ بعد ما سبتها وهي لسه في بطني؟
قال.. عارف اني مستاهلش.. بس والله.. انا من ساعة ما مشيت وانا مش عارف انام.. وكل ما اشوف عيل صغير في الشارع.. بشوفها.. حتى وانا معرفش شكلها
بصيت لبنتي.. وبصيتله.. وافتكرت كلام جدي.. اللي قال.. العيلة دي جبنا.. بس انا مش عايزة بنتي تكبر وهي حاسة ان ابوها جبان.. عايزاها تكبر وهي عارفة ان ابوها غلط.. واتعلم.. ورجع
قلتله.. هتشوفها.. بس بشرط.. تيجي لجدي.. وتقوله انك جبان.. وانك غلطت.. وتطلب منه السماح قبل ما تطلب مني
ضحك وهو بيعيط.. وقال.. موافق
وفعلا.. تاني يوم.. جه معايا لبيت جدي.. وجدي اول ما شافه.. قام وقف.. وقال.. انت؟
ابو بنتي وطى راسه.. وقال.. انا جاي اعتذر.. انا هربت عشان خوفت ابقى زي ابويا.. بس دلوقتي عرفت ان ابويا مهربش.. ابويا حب للاخر.. وشال صورتها لحد ما مات.. وانا عايز احب بنتي للاخر.. ومش عايز اشيل صورتها.. عايز اشيلها هي
جدي بصله شوية.. وبعدين بص لبنتي.. وقال.. البنت دي.. امها ماتت وهي بتحاول تقفل صفحة قديمة.. وانت كنت هتفتح صفحة قديمة جديدة.. بس لو هتفضل جنبها.. وتسندها.. يبقى اهلا بيك.. ولو هتهرب تاني.. يبقى الباب هناك
قال.. مش ههرب.. حتى لو انتو طردتوني
ومن ساعتها.. بقى بيجي كل اسبوع.. يشوف بنته.. يجيب لها لبس.. ولعب.. وجدي بقى يقعد معاه.. ويحكوا عن امي.. وعن ابوه.. كأنهم بيعزوا بعض في اتنين حبوا بعض ومقدروش يبقوا لبعض.. بس سابوا وراهم بنتين.. انا وبنتي.. بعينين.. واحدة زرقا وواحدة بني.. بتفكرهم ان الحب حتى لو مات.. بيسيب علامة.. بتفضل تظهر كل جيل.. عشان تقول.. انا كنت هنا