الحلاق

بيطبطب عليا
انا صرخت
يعني الراجل لزق له الجهاز وهو بيعمل نفسه بيطبطب عليه
الظابط قال الجهاز ده جهاز تتبع.. فيه مايك صغير.. بيسجل وبيحدد المكان.. غالي مش رخيص.. مش اي حد يجيبه
ساعتها فهمت.. الموضوع مش هزار عيال.. ده حد قاصدني انا وابني
الظباط فتشوا البيت كله.. قلبوا كل حاجة.. دولاب ابني.. شنطته.. الجزم.. اللعب.. ولقوا ايه؟
لقوا في شنطة المدرسة بتاعة ابني.. من جوه.. في الجيب الصغير اللي محدش بيفتحه.. جهاز تالت.. نفس الشكل.. بس ده كان محطوط جوه كورة ورق صغيرة ملزوقة
يعني الراجل حاططله جهاز في الشنطة كمان
كنت هقع من طولي
الظابط قال اللي بيعمل كده عايز يعرف خط سير الولد بالظبط.. بيروح فين.. بيجي منين.. بيدخل بيت مين.. وبيسمع كل كلمة بتتقال حواليه
قلتله ليه؟ عايز مننا ايه؟ احنا ناس على قدنا.. معندناش فلوس ولا ورث
الظابط قال ممكن يكون فاكر ان عندكم حاجة.. او عايز يخطف الولد ويطلب فدية.. او..
مكملش.. بس انا فهمت
بعدها طلبوا يراجعوا كاميرات المدرسة
وروحنا انا وابني معاهم في عربية البوليس.. وابني كان نايم على كتفي من كتر العياط والتعب
لما وصلنا المدرسة.. المدير اتخض لما شاف البوليس.. وفتحلهم اوضة الكاميرات
وقعدنا نتفرج على تسجيلات اليوم اللي ابني قال عليه
وفعلا.. شفنا راجل.. لابس كاب ونضارة شمس.. واقف بعيد عن بوابة المدرسة.. ومعاه كيس بونبوني.. بيوزع على العيال
ووقف ابني.. واتكلم معاه.. واداله بونبوني.. وحط ايده ورا ودنه
الصورة كانت واضحة.. بس وشه مش واضح اوي عشان الكاب
الظابط خد نسخة من الفيديو
وبعدين قال للمدير لازم تزودوا الامن على الباب.. وممنوع اي حد غريب يقف قدام المدرسة
ورجعنا البيت
البيت كان مقلوب.. والاجهزة كلها اتاخدت في المعمل الجنائي
والظابط قالي احنا هنحط دورية قدام بيتكم لمدة يومين.. لحد ما نمسكه.. ولو شفتي اي حد غريب بيلف حوالين البيت كلمينا فورا
قلتله حاضر
بالليل.. انا وابني قاعدين في الصالة.. مش عارفين ننام.. وكل شوية ابني يقولي هو الراجل ده هيجي تاني؟
اقوله لا يا حبيبي البوليس واقف تحت
بس انا كنت مرعوبة اكتر منه
الساعة 2 بالليل.. سمعت صوت موتوسيكل بيعدي ببطء قدام البيت.. وبعدين وقف
قلبي وقع
بصيت من خرم الباب.. لقيت نفس الراجل بتاع الكاب.. واقف قدام البيت.. وبيبص لفوق ناحية الكشاف.. كأنه اكتشف ان الجهاز اللي حاطه اتشال
طلع موبايله.. واتكلم ثانية.. وبعدين دور الموتوسيكل ومشي بسرعة
كلمت البوليس فورا
قلتلهم الراجل جه قدام البيت حالا
الدورية اللي كانت واقفة بعيد جريت وراه بالموتوسيكل.. بس هو كان طار
الظابط قالي هو كده عرف اننا كشفناه.. ف هيحاول يهرب.. بس احنا جبنا نمرة الموتوسيكل من كاميرا الجيران
تاني يوم الصبح.. البوليس كلمني
قالولي مسكناه
كنت هعيط من الفرحة
قالولي تعالي القسم
روحت انا وابني.. ولقيت الراجل قاعد جوه.. من غير كاب ولا نضارة.. واول ما شفته.. اتصدمت
ده كان قريب جوزي
قريب جوزي اللي كان مسافر بره بقاله سنين.. وكنا فاكرينه مقاطعنا
طلع راجع من السفر.. وعرف ان جوزي كان سايبلي شقة باسمي.. وشقة تانية كاتبها باسم ابنه.. اللي هو ابني
وكان عايز يعرف احنا ساكنين فين.. وبنروح فين.. وبنيجي امتى.. عشان يخطط يخطف ابني ويضغط عليا ابيع الشقة واديله نصيب
عشان كان فاكر ان ليه ورث في حاجة جوزي
ولما الحلاق شاف الجهاز ورا ودن ابني.. بوظله الخطة كلها
الحلاق ده.. اللي انا عمري ما كنت اعرفه.. ولا عمري اتكلمت معاه قبل كده.. هو اللي انقذ حياة ابني
روحتله تاني يوم.. المحل كان زحمة.. وهو اول ما شافني.. قام وقف
قلتله انت انقذت ابني
قال انا معملتش حاجة.. انا بس شفت حاجة مش طبيعية.. وضميري مقدرش يسكت
قلتله لولاك.. كان زمان ابني مخطوف دلوقتي
الراجل ده.. اللي ابني راحله بالصدفة عشان حلاقنا الاساسي كان مشغول.. ربنا بعته لنا في الوقت الصح
ومن ساعتها.. ابني مبيحلقش غير عنده
وكل مرة بيروح.. الحلاق بيبص ورا ودنه كويس.. ويضحك ويقوله كله تمام يا بطل.. مفيش حاجة
وانا كل ما افتكر ان حتة لزقة قد حباية الرز كانت هتضيع مني ابني.. جسمي بيقشعر
ومن يومها علمت ابني حاجة واحدة
لو اي حد غريب قالك انا اعرف بابا.. او اعرف ماما.. او هجيبلك مفاجأة.. اجري وقول لماما فورا.. حتى لو اداك بونبوني وحتى لو قالك متقولش لماما
وابني حفظها
وبقى اي حد يكلمه في المدرسة.. يجي يقولي
اصل ولادنا دول امانة.. وكلمة واحدة من حلاق خد باله.. ممكن تنقذ روح
بعد ما اتقبض عليه.. كنت فاكرة ان الموضوع خلص.. واننا هنرجع ننام تاني مرتاحين.. بس الحقيقة ان الكابوس كان لسه بيبدأ
النيابة طلبتني انا وابني نروح نسمع اقوالنا
قعدونا في اوضة كبيرة.. ومعانا اخصائية نفسية للاطفال عشان ابني
ابني كان خايف جدا.. وماسك في ايدي ومش راضي يسيبها
واول ما شاف قريب جوزي داخل متكلبش.. صرخ وخبى وشه في حضني
قريب جوزي بصلي بغل وقال انتي السبب.. لو كنتي اديتيني حقي بالذوق مكنش حصل كل ده
انا اتعصبت وقلتله حق ايه؟ انت ليك حق فين؟ جوزي تعب وشقي واشترى الشقة دي بعرقه عشان ابنه.. انت كنت فين وهو بيشقى؟ كنت مسافر وبتقول علينا فقرا ومش بترد على تليفوناتنا.. جاي دلوقتي تقول حقي؟
وكيل النيابة زعق فيه وقاله اسكت
وبعدين سألني هو كان بيهددك قبل كده؟
قلتله لا عمره ما كلمني.. انا اخر مرة شفته كان يوم فرحي من تسع سنين.. وبعدها اختفى
قال طب ازاي عرف مكان المدرسة بتاعة ابنك؟
قلتله من صفحة