قصة بنت أصول تأليف حماده هيكل
نزلت السوق عشان أشتري شوية خضار وفاكهه
وبعد ما وصلت أكتشفت أني نسيت أخد السبت معايا
والمشوار بعيد عليا اني أروح وارجع تاني للسوق
والخضار دلوقتي لسه صابح وطازة
كان في بياعين ماليين السوق وفارشين بخضار وفاكهه
وعيش بلدي وحبنه وزبده واللي فارش ببط ووز وحمام
كان في ست في منتصف العمر شايلة أسبته على درعاتها
ودماغها
لو سمحتي يا ست .يا ست
وقفت وخدت نفس وقالت بصعوبة
أؤمر يا بيه
عاوز سبت لو سمحتي
اتفضل
ساعدتها تنزل الشيلة وقعدت تاخد نفسها
اخترت سبت منها ودفعت تمنه
وقبل ما امشي قالت
ممكن بس لو مفيهاش تعب ترفع عليا
اه اه طبعا
ساعدتها وقبل ما تمشي قالت
على
على ايه بس انا معملتش حاجه
سبتها وروحت اتسوق من البياعين
وبعد نص ساعه وانا في طريقي عشان أخرج من السوق
لقيت لمه وزحمه وناس كتير واقفه حولين دايره
والست اللي لسه شاري منها السبت قاعده في الارض
بتعيط وبتندب
خير يا ستي مالك حصل ايه
عيل ابن حرام قالي عاوز سبت واداني الفلوس
لسه هطلع المنديل عشان اديله الباقي خطف المنديل
بالفلوس وذقني وقعني ع الأرض وجري
طيب ايدك يا حاجة قومي من الأرض
ساعدتها ووقفت والناس ابتدت تتفرق
منه لله سرق كل اللي حيلتي
قوتي وقوة عيالي
وهو فين جوزك يا ست ؟
الله يرحمه مات من سنتين وسابني مع 3 عيال
ولدين
حتة لحمة حمرا
الله يرحمه واضح انه كان ابن حلال
عشان اتجوز ست جدعه زيك اختارت تشقى وتتعب
بالحلال عشان تربي عيالها
والله يا بني كتير عرضوا عليا الجواز
بس انا لا يمكن اجيب لعيالي جوز ام يبيع ويشتري فيهم
ويعايرهم بقلمتهم ، مفيش حد هيكون احن على عيالي مني
طب وفين أهلك
أهلي ! انا مليش غير أخ واحد وظروفه على أده
ويا دوب قادر يسد جوع أهل بيته وانا وولادي حمل تقيل
ربنا يعينك يا ستي انتي أدها وربنا يعوض عليكي
مديت ايدي في جيبي عشان اديها اللي فيه النصيب
أبتسمت وقالت
لا يا بيه انا مش بقبل صدقة من حد
انا مش عويلة ولا مكسحه
عشان انت ابن حلال ، خلي فلوسك في جيبك
ربنا يرزقنا من فضله مش من خلقه
انا مش قصدي حاجة انا بس حبيت اساعد
ربنا يبارك في عمرك مش بقولك انك جدع ابن حلال
سابتنبي وكملت لف في السوق
وقولت والله انتي اللي جدعه وبنت حلال وب100 راجل كمان .
بائعه الاسبته.... في القاهره القديمه.... بتشيل كل ده وبتمشي علشان تبيع....الاسبته كانت صحيه جدا علشان الفتحات للتهويه بعكس البلاستيك وتصنع من البوص الاخضر ليكون سهل التشكيل ثم تجف....الستات من زمان عندنا وهي بتتعب وتشقى علشان اكل العيش
تحية لكل أم وأخت وبنت زوجه
كل عام وانتم بخير ومنورين حياتنا
وربنا
#بنت_أصول
#حماده_هيكل
