عديت على مدرسة بنتي

عديت على مدرسة بنتي اللي عندها 6 سنين عشان أعملها مفاجأة، بس قلبي قبضني لما شوفت المدرسة بترمى شنطتها في الزبالة وبتزعق فيها وتقولها أنتي متستاهليش تاكلي! اللي المدرسة مكنتش تعرفه إن الست اللي بتزعق فيها دي هي صاحبة المدرسة كلها.
الأم البسيطة وأميرتها
أنا صافي، عندي 32 سنة. في سوق البيزنس والشركات، معروفة إني سيدة أعمال تقيلة ورئيسة مجموعة مؤسسات تعليمية كبيرة بتمتلك أهم المدارس والجامعات في البلد. بس لما الموضوع بيوصل لبنتي مكة اللي عندها 6 سنين، بكون مجرد أم عادية بتخاف على بنتها.
مكة بتدرس في مدرسة دولية غالية جداً، وأغلب المدرسين هناك ميعرفوش إني أنا المالكة الفعلية للأرض وللمدرسة نفسها. كنت مديّة تعليمات مشددة للمدير إن محدش يعرف هويتي، وعاوزة مكة تتعامل كطالبة عادية جداً،
مش عوزاها تطلع مغرورة

ولا مدلعة، وعشان كدة دايماً بلبسها لبس بسيط وببعت معاها أكل بيتي عادي.
في يوم خلصت اجتماعي بدري، وقلت أروح أفاجئ مكة في وقت الفسحة. وعشان أكون براحتي، قلعت البدلة الرسمية ولبست عباية بسيطة وطرحة ونزلت، وكنت طبخالها بإيدي أكلة بيتي هي بتحبها.
المدرسة القاسية
وصلت عند فصل مكة، ولقيت الباب موارب شوية. كنت مستنية أشوف ضحكة بنتي، بس اتصدمت بصوت عالي وزعيق بيخبط في وداني
أنا كام مرة قلتلك إن نوع الأكل ده ممنوع يدخل فصلي؟!
بصيت من فتحة الباب، والمنظر اللي شوفته خلى الدم يغلي في عروقي.
بنتي الصغيرة قاعدة على الكرسي وبتبكي في صمت، كتافها الصغيرة كانت بتترعش من الخوف. وقدامها كانت المدرسة ميس نيهال ماسكة علبة الأكل اللي أنا تعبت فيها من الفجر.
مكة قالت وهي بتشهق
وبتحاول تمسح دموعها يا ميس دي ريحتها أكل بيتي.. دي أحلى أكلة بحبها.
المدرسة زعقت فيها بمنتهى القسوة يا حبيبتي أنتم ريحتكم فقر! حاجة تقرف! زمايلك هنا بياكلوا أكل نضيف وغالي وشيك، وأنتي جايبة القرف ده تملي بيه المكان؟!
وبدون أي رحمة، المدرسة راحت ناحية سلة الزبالة الكبيرة اللي في ركن الفصل وقامت
رمت علبة الأكل في الزبالة بكل برود وقالتلها مفيش أكل النهاردة، عشان تتعلمي إزاي تجيبي قرف زي ده هنا تاني!
مكة بدأت تنهار من العياط، وأنا واقفه ورا الباب مش مصدقة إن في مدرسة ممكن يكون في قلبها كل الغل ده لطفلة عندها 6 سنين عشان مجرد أكل بيتي. فتحت الباب بهدوء، والدموع في عيني بس كانت دموع غضب مش ضعف.
أول ما دخلت، ميس نيهال بصتلي من فوق لتحت باحتقار عشان لبسي البسيط وقالتلي بنبرة
مستفزة أنتي مين؟ ودخلتي هنا إزاي؟ ممنوع أولياء الأمور يدخلوا الفصول في الوقت ده!
مشيت لحد ما وقفت قدام مكة، أخدتها في حضني وبست راسها، وقلت للمدرسة وصوتي بيترعش من كتر الغضب أنا أم الطفلة اللي أنتي لسه رامية أكلها في الزبالة.. أنا الست اللي بتقولي عليها ريحتها فقر.
المدرسة ضحكت بسخرية وقالت أهلاً يا ست هانم، يا ريت تاخدي بنتك وأكلك ده وتمشوا من هنا، المدرسة دي مستواها عالي جداً وشكلكم كدة دخلتوا غلط، دي مدرسة للمستوى الراقي وبس.
طلعت تليفوني واتصلت بمدير المدرسة، وقلتله بكلمتين وبلهجة آمرة يا متر، تجيلي حالاً على فصل مكة.. ومعاك قرار رفد ميس نيهال حالا.
المدرسة وشها جاب ألوان وفضلت تضحك بهستيريا وتستهزئ رفد مين يا حبيبتي؟ أنتي فاكرة نفسك مين؟ أنتي عارفة أنا قريبة مين هنا؟
بعد دقيقة بالظبط، المدير دخل وهو بيجري ونهجان، وأول ما شافني وشه اصفرّ ووقف بانحناء وهو بيقول أهلاً يا صافي هانم! نورتي المدرسة، تحت أمرك في