الراجل خلاهم يدخلوه المسجد وبيصلوا عليه

السبت 18/أكتوبر/2025 - 08:31 ص

الراجل خلاهم دخلوه المسجد وبيصلوا عليه وراح واقف قدام المصليين كلهم قال يارب إنت عالم بصدق اللي بقوله
أمنته على مالي 177 ألف جنيه من 8 تمن سنوات كانوا شقايا في بلاد الله وكان صاحبي وقالي هندخل مشروع شراكة مع بعض وكلهم عليا
يارب بحق كل يوم إتكىسرت فيه بسببه قدام عيالي
بحق شقايا اللي راح قدام عيني
بحق المىرض اللي ركبني من الىحزن
بحق كل حاجة كان نفسي فيها وماقدرتش أعملها
بحق تعبي وكىسرتي وإبني بيقولي عاوز الحاجة الفولانية ووطيت في الأرض من الىذل
بحق كل عيد دخل عليا أنا وبيتي كأنه ميتم
بحق تعب مراتي ومرضىها النفسي من الحاجة وحوجتنا للي يسوى واللي مايسواش
بحق ما أنا واقف دلوقتي و دموعي سابقة كلامي من الذل والغضىب والىغيظ
برد قلبي فيه
يارب إجعل قبره جىحيم إجعل مسكنه جهىنم إجعل كل لحظة تىعب عشتها آلاف من السنين يقضيها في أسوأ العىذاب
أنا مش هاخد فلوسي لو هيطوقوها ليا عشرأضعاف
مش مسامحه يارب فوعزتك وجلالتك ماتكسر قلبي وتسامحه
وراح طالع من المسجد الناس تحاول تشد فيه تعرف إيه الدور ليه عمل كدا طب فلوسك كام وتعالى نقعد ونشوف ولاده وإخواته قال روحتلهم كلهم في حياته محدش

عبرني ودلوقتي والله لوهيدوني أعمارهم مش مالهم ماتلزمني
هو عند الحكم العادل دلوقتي وأنا حقي
يفصل فيه ربنا
ومشي الراجل يبكي وسط محاولات من الناس إنه يسامحه لدرجة واحد عرض المبلغ وقتي ولكنه رفض ومشي وقال جملةغريبة
خرج الراجل من المسجد ودموعه لسه ما نشفتش كل خطوة كان بياخدها كأنها حجر فوق صدره الناس حواليه بتندهله اتق الله وسامحه يمكن تاب يمكن ربنا غفرله
لكن هو ما كانش سامع كان شايف قدامه بس شايف سنين شقاه اللي راحت شايف حلمه اللي انهار في لحظة غدر
وقف عند باب المسجد بص للسما وقال يا رب أنت اللي شايف لو كنت ظالمه خد بحقي منه قدامي
الناس اتجمدت مكانها حسوا إن اللي بيحصل مش مشهد عادي كأن العدالة السماوية واقفة تسمع
رجع بيته وهو تايه مراته شافته من بعيد عرفت إن في حاجة حصلت صرخت مالك
قالها مات اللي أكل مالي ومراعيش عشرة سنين مات وانا روحي مولعة نار
حاولت تهديه قالت الموت كفاية عليه يمكن ربنا بيقتص منه دلوقتي
بس هو هز راسه وقال أنا مش طالب غير العدل العدل اللي الدنيا ظلمتني فيه
في الليل ما عرفش ينام كل ما يغمض عينه يشوف وش صاحبه بيضحك نفس الضحكة اللي كانت أول الغدر
قام من على السرير صلى

ركعتين وقال يا رب أنا مش نبي أنا بشر وقلبي موجوع علمني أرتاح من الغل اللي مالي صدري
الليل كان ساكت بس قلبه كان بيصرخ
وفي اللحظة دي سمع طرق على الباب قام وهو مش مركز فتح لقى شاب واقف قال حضرتك عم حسن
قاله أيوه خير قاله أنا ابن الراجل اللي كنتوا بتصلوا عليه النهارده الراجل اتجمد ما نطقش الشاب كمل وقال
أبوي قبل ما يموت بليلة قال لي أوصل الظرف ده ليك وقال لي ما تفتحهش غير قدام عم حسن
دخل الولد وسلم الظرف قعدوا الاتنين في الصالة والولد باين عليه التعب والبكاء
فتح حسن الظرف بإيده المرتعشة لقى ورقة مكتوب فيها بخط صاحبه سامحني يا أخي أنا غلطت وخفت أواجهك الفلوس كانت عندي وكل مرة كنت ناوي أرجعها بس الطمع شدني
دموع حسن نزلت على الورقة سطر ورا سطر بيقرا ندم صاحبه اللي راح خلاص
كمل يقرأ سيبت لولادي رقم حسابك وفيه كل اللي خدته منك وزيادة يمكن ده ما يكفيش الوجع بس يمكن يخفف عني بعد الموت
الولد كان باين عليه الحرج وقال أبويا طلب أقولك إنه تاب قبل ما يموت بدقايق وكان بيبكي وبيقول نفسي حسن يسامحني
سكت حسن لحظة طويلة صوته اختنق قال لو كان قال الكلمة دي وهو عايش كنت رديت له مالي وإيدي في إيده
الولد دموعه

نزلت وقال بس هو قالها قبل ما يموت يا عم حسن قالها بصوت عالي يمكن ربنا سمعه
قعد حسن يبص في الأرض سكت كتير وكل اللي جواه اتقلب
الغل اللي كان ماليه اتحول لوجع تاني وجع الندم إنه دعا عليه وهو يمكن تاب فعلا
قام بهدوء راح على المصحف حط الورقة جواه وقال ربنا هو العدل وهو الغفور وأنا ما ينفعش أكون أقسى من ربنا
بص للولد وقال قول لأبوك لو سامعني سامحتك و كمان
بعد يومين راح حسن المسجد تاني نفس المسجد اللي دعا فيه عليه وقف قدام نفس المكان رفع إيده وقال يا رب سامحني أنا كمان يمكن ظلمته بدعوتي
الناس اللي كانت هناك افتكرت المشهد الأول قرب منه الإمام وقال ربنا بيبتلينا عشان يعرف قلوبنا فين
هز حسن راسه وقال الوجع علمني إن الغفران أحيانا أصعب من الانتقام بس هو اللي بيطفي النار اللي جوانا
ابتسم لأول مرة من سنين كانت ابتسامة هادئة كأنها نهاية وجع طويل
رجع بيته فتح التلفزيون شاف خبر عن رجل اتبرع بمبلغ كبير لجمعية أيتام باسم صديقه المتوفي
ضحك وقال هو ربنا مش بيضيع تعب حد بس بيأجله للوقت الصح
ولأول مرة نام وهو حاسس إنه ارتاح مش عشان فلوسه رجعت لكن عشان قلبه اتغسل
الصبح راح لأولاده قالهم اللي

يظلمك يوم ما تظلموش سيب حقك عند اللي ما بينساش