حكايات عنايات
فوقت لقيت نفسي علي سرير في المستشفي وواقف قدامي الدكتور ومعاه واحد لابس بدله
اول مفتحت عينيا الدكتورقال لي حمد لله علي السلامه يا حاجه.. انتي اتكتب لك عمر جديد... وساب الاوضه وخرج
وفضل معايا الراجل الي لابس بدله الي عرفني بنفسه انه وكيل النيابه وبدا يسالني
ايه حكايتك ؟
بدات افتكر ورجعت بالزمن ورا
انا (عنايات) ست طول عمرها في حالها
كان عمري ١٨سنه يوم متجوزت جوزي (شعبان) وخلفت له تلات صبيان كان طاير بيهم من الفرحه لانه كان وارث من والده املاك واراضي كتير وكان بيحلم ان ولاده يراعو املاكه ويبقو سنده وعزوته لما يكبر
لكن ملحقش يفرح بيهم وعمل حادثه ومات وهم لسه صغيرين وسابني ارمله في عز شبابها عندها يادوب ٢٣سنه ومعايا تلات عيال.. قعدت اربي واكبر واراعي وبقيت لهم الام والاب
وعيشت احلم باليوم الي يكبرو فيه ويريحوني.. وفعلا ربنا كرمني فيهم
وكبرو وبقو كل الناس بيحسدوني عليهم مال وجمال وتعليم وادب واخلاق .. فعلا رجاله تملا العين
وفي يوم جالي ابني الكبير وقال لي انا عايز اتجوز يا امي .. فرحت وقولت له ياريت يا حبيبي .. قول لي مين العروسه الي عليها العين وانا اروح اخطبها لك فورا
قال لي (رحمه )بنت عمي .. قولت له يازين ما اخترت يابني دي ست البنات.. وفعلا روحت خطبتها له وانا الفرحه مش سيعاني.. طبعا ده اول فرحتي
وفعلا
كانو عايشين راضيين ومبسوطين
مهو اهم حاجه الرضا .. لو مفيش رضا
ميملاش عين ابن ادم الا التراب
وفي يوم فكراه زي ميكون النهارده
سيد رجع من شغله زي العاده وطلع علي شقته في الدور الي فوقي وبعد ساعه سمعت مراته بتصرخ طلعنا نجري انا واخواته واول مدخلنا لقيناه واقع علي الارض والسر الالهي طلع.. ايوه سيد ابني الكبير وسندي وسند اخواته مات
وهو مكملش. خمس سنين جواز..ولاده ملحقوش يشبعو منه ومراته بقت ارمله وهي لسه ورده مفتحه في عز شبابها
فكرتني بنفسي يوم ما جوزي مات
كلنا كنا زعلانين بس راضيين
بامر الله
وبعد مفاتت سنه ندهت لرحمه وقولت لها بصي يابنتي انتي لسه في عز شبابك ومن حقك تشوفي حياتك بس انا خايفه تاخدي ولادك وتبعدي عني وهم النور الي بينور لي حياتي علشان كده هعرض عليكي تتجوزي (سعد ) اخو سيد الوسطاني يكون راجلك وسندك انتي وعيالك وتبقو عايشين وسطنا منتحرمش منكم.. ايه رايك؟
قالت لي لو انتي شايفه ان ده الصالح يا امي انا موافقه ..
وفعلا اتجوزو هي وسعد
وكنت بفرح لما بشوفهم مبسوطين مع بعض والولاد متعلقين بعمهم
وبعد سنه جابو ولد سموه سيد علي اسم عمه .. وقتها قولت خلاص الدنيا بدات تضحك لنا من تاني
مكونتش اعرف ان الحزن لسه علي معاد معانا
في يوم
اتجوزت اخين وموتهم .. مفيش راجل بيعيش معايا الا ويموت.. انا شوم .. انا شوم
حاولت اتماسك رغم حزني وهديتها وقولت لها يابنتي ده امر الله ولكل اجل كتاب والي يختاره ربنا اكيد افضل من اختيارنا حتي لو مش علي هوانا ولازم نرضي بيه
بعد الي حصل رحمه فضلت حابسه نفسها في اوضتها.. لا بتاكل ولا بتخرج ولا بتشوف حد كانها ميته بالحياه
فكرت اذا كان قراري صح ولا غلط
كان جوايا صراع اني ممكن اخسر ابني سعيد لو طلبت منه بتجوز رحمه هو كمان
بس رجعت وقولت لنفسي جري ايه يا عنايات انتي هتكفري ولا ايه؟ مفيش حاجه اسمها ست شوم .. دي اعمار ودي اراده ربنا ملناش فيها اختيار
لكن لما عرضت الموضوع علي سعيد رفض وقال انه بيحب واحده تانيه ومتفقين علي الجواز.. وقتها حسيت انها علامه من ربنا ومكررتش الموضوع ده تاني .. ورحمه اهي قاعده في شقتها بتربي عيالها واحنا شايلينها علي كفوف الراحه
واتجوز ابني العروسه الي اختارها
ودعيت ربنا يعوضني خير فيه ويريح قلبي ويبرد ناره علي ولادي الي راحو
وحملت مرات ابني والي شالتها وراعتها رحمه بنت الاصول وكانت معاها اكتر من اختها.. لحد مولدت بنت زي القمر
قولنا خلاص الفرحه هتدخل
وفي يوم السبوع نزل ابني يشتري لوازم السبوع علشان يفرح ويفرحنا وهو. بره قولت اطلع اطمن علي مراته وكان الباب مفتوح ولما دخلت شرفت اخر حاجه كنت اتوقعها
حاولت اصرخ علشان امنعهم بس خلاص كانو خنقوها واول مشافوني طلعو يجرو ورايا علشان يقتلوني انا كمان لاني شوفت كل الي عملوه
وقعت ومحسبتش بنفسي غير دلوقتي لما فوقت من شويه
وكيل النيابه قال لي انتي اتكتب لك عمر جديد لما ابنك رجع من بره ولحقك قبل ميموتوكي .. الجيران اتلمو ومسكو رحمه هي وشريكها وسلموهم لشرطه
والتحقيقات اثبتت ان رحمه كانت بتعرف الشخص ده قبل متتجوز سيد بس هو كان فقير واتفق معاها تتجوز ابني علشان غني وبعد مخلفت منه حذو له السم في الاكل بسسم من نوع معين اعراضه كانها سكته قلبيه وفعلا ورثت نصيبه بعد مامات وبعدها اتجوزت اخوه واول مخلفت منه عملت نفس القصه علشان تورث بدل النصيب اتنين
رحمه وشريكها اتحكم عليهم .. واحفادي عايشين معايا بربيهم واراعيهم انا وسعيد ماليين علينا البيت وبدعي ربنا يجعل فيهم. العوض عن ولادي الي راحو
قصتي اغرب من الخيال بس فيها عبره
اياك تنخدع في المظاهر ولا يغرك الوش البرئ لان ممكن يكون وراه شيطان
الدنيا بقت صعبه والناس بقت بميت وش.. متامنش لحد واحذر من كل الي بيحصل حواليك..
وخلي عقلك
لازم توزن امورك مظبوط وتحكم بين عقلك وقلبك
