الفتاة المفقودة
كاملة
كنت قاعدة لوحدي مرة وبلعب في الموبايل.. فتحت ماسنجر فيس بوك.. وبدأت أتكلم في الشات مع نفسي.. واللاب مفتوح كمان.
كان الاسم اللي ظاهر فوق الشات في الأول Just you
بس بعد فترة اتكتب إسمي بداله!
كان نفسي يبقى فيه حد فعلا بيرد عليا.. وكل ما أشوف typing...
بضحك وأقول أهو.. هرد عليا
قمت أشرب ورجعت في ايدي كوباية مايه.. ببص على اللاب توب.. وخلاص قررت أقفل الشات.
لقيت typing...
بس أنا مكنتش بكتب حاجة!
قلت عادي يمكن معلق بس اترعبت أما لقيت على الشاشة
طلب مكالمة صوتية!
مني!
ليا!!
عملت accept
ومكنش فيه صوت في الناحية التانية.
كنت متوقعة ألاقي صدى صوتي!! بس كأن حد بيسمعني.. ومش عاوز يتكلم!
قفلت اللاب توب.. وعملت sign out من الموبايل..
ورحت أنام وأنا حاسة بقلق شديد!
تاني يوم كانت كل حاجة تمام.. وكإن كل ده كان مجرد بيتهيألي.
ماما رجعت الصبح وصحتني عشان نفطر سوا.. وسمعت موبايلي بيرن.
رحت عادي وكنت متوقعة يكون حد من اصحابي!
بس لقيت اسمي على الشاشة.. مكالمة صوتية على ماسنجر فيس بوك!
فتحت وأنا خايفة.. وبرده مكانش فيه أي رد أو صوت من الناحية التانية..
قفلت.. وفتحت الشات!
لقيت رسالة أنا مكتبتهاش في الشات بيني وبين نفسي امبارح!
كان مكتوب كلمة واحدة!
العربية
ماما قاطعت خوفي وقلبي اللي كان مخضوض.. وقالتلي أجهز بسرعه عشان توصلني في طريقها للشغل..
جهزت نفسي وخرجنا وركبنا العربية بتاعة ماما.. اللي مرضيتش تتحرك من مكانها!
عقلي اتجمد للحظة.. وبعدين لقيت رسالة تانية!
وبرده كلمة واحدة
ماما قالتلي ان يستحيل العربية تكون عطلانة لإنها جاية بيها الصبح!
نزلت وأخدت تاكسي.. وماما رجعت البيت كانت ناسية مفاتيحها.
بعت رسالة
ومكنش فيه أي رد!
وصلت الشغل ومالحقتش الأسانسير كان اتملى!
كنت حاسة ان فيه حاجة!
استنيت لحد ما نزل تاني ودخلت.. بس مكانش بيقفل!
مرضيش يشتغل!
قررت أطلع على السلم.. ولحد دلوقتي مش فاهمة ايه اللي بيحصل..
أول لما وصلت لقيت زمايلي خارجين من الأسانسير.. اللي مفروض عطلان..!
طول اليوم نفسي أفهم ايه اللي بيحصل!
حكيت لنها صاحبتي.. وأقنعتني ان أكونت بتاعي مسروق! وفيه حد بيدخل يبعتلي رسايل دي..
بس معرفتش تفسرلي اشمعنه العربية واشمعنه الأسانسير..
ماما كلمتني في نص اليوم تطمن عليا.. وقالتلي انها بعد ما خرجت تاني من البيت ودخلت العربية عشان تجيب حاجتها لما شغلتها اشتغلت عادي! وراحت الشغل بيها!
قفلت مع ماما.. وعملت زي ما نها قالتلي غيرت الباسوورد.. وعملت sign out من كل الاجهزة التانية.
عدى 3 أيام من غير رسايل.. ومن غير مكالمات.. فعلا..
واتأكدت وقتها ان كلام نها كان صح.. لحد بالليل..
كان عيد ميلاد سارة زميلتي في الشغل.. كان المكان زحمة جدا وكلنا بنغنيلها وشمع كتير.. موبايلي كان مع نها.. كان فيه مكالمة تانية ليا! مكالمة مني!
نها ردت!
رحنا بعيد عشان نسمع.. لأول مرة سمعنا صوت.. كان صوت تخين ومش واضح كإنه برنامج أو حد لسانه تقيل جدا..
قال كلمة واحدة.. وكررها..
قال نار.
نها مسكت ايدي وكانت خايفة زيي وأكتر.. فتحت الشات عشان تشوفه كله بس ما لقتش أي حاجة! كل الكلام كان ممسوح.
دخلنا وقررنا نمشي..
وشلة
ماما كانت برده شغالة نبطشية بالليل في المستشفى وأنا هكون لوحدي.. بس نها لما لقت الموضوع بجد قررت تيجي وتقعد معايا.
واحنا في طريق البيت جالنا رسايل على الموبايل من اصحابنا بعد ما مشينا بيت سارة حصل فيه حريقة!!
بس كلهم كانوا بخير..
نها خافت.. شفت في عنيها انها خايفة .. مني!
بس أنا كمان كنت خايفة.. بس مش عارفة من مين.
عرضت على نها تروح وتسيبني خاصة بعد ما شفتها مترددة وخايفة.. بس هي أصرت تفضل معايا..
وصلنا البيت واحنا مش بننطق كلمة واحدة لبعض.. بس كل واحدة بتتكلم كتير مع نفسها!
بعد ما قعدنا قررنا اننا نواجه أيا كان اللي بيعمل ده! أيا كان
فتحت الموبايل.. وطلبت مكالمة ليا.
الخط فتح ونها بدأت تتكلم.
أيا كان انت مين فإنت هتتسبب في أذى لنفسك.. ولو ده لعبة فهي لعبة سخيفة! .. صدقني مش خايفين منك!! انت اللي مفروض تخاف من اللي هيحصلك!
سكتت ومستنيين حد يرد علينا فضلنا ساكتين دقيقة كاملة فاتت كإنها سنة. وبعدها نطق بكلمة واحدة.
قال نها
قفلت بعدها وكنا في أقصى حالة من الخوف ممكن نوصلها..
لحسن الحظ ماما جات في اليوم ده البيت..
نها بدات تتكلم قدام ماما وفضلنا نتجادل عشان عاوزاني أقولها.
في الأخر وبعد ضغطهم عليا قررت أحكي لماما.. اللي مبقتش مصدقة ولا كلمة.
وقالت اني بيتهيألي! أو ده هاكر حابب يلعب بأعصابي.
طيب والعربية
مش فاكرة إنتي نفسك لما قولتيلي انها اشتغلت عادي!
وكمان حصل نفس الحاجة مع الأسانسير..
ونها سمعته مرتين معايا!
كل اللي أقدر أقوله إنه كان يوم طويل جدا.. ولازم كلنا نرتاح.
كنت عارفة ان ماما شكت.. بس عشان متزودش خوفنا حبت تنهي الموضوع.
فضلت أطمن نها إن مفيش حاجة تقلق.. وإني هبقى معاها واليوم هيعدي..
برغم خوفي الا اني أول ما غمضت عيني نمت.
صحيت الصبح على صوت ماما وهي بتخبط على الباب..
بصحي نها مالقتهاش!! رحت أشوفها في الحمام مكانتش موجودة.
سألت ماما قالتلي انها صاحية من فترة وبتحسبنا نايمين جوه احنا الاتنين.
كنت هتجنن وماما بدأت تقلق..
جبت الموبايل وحاولت أتصل بيها.. الموبايل رن في الأوضة
كان موجود في الأوضة.
اهدي بس اكيد حبت تمشي الصبح ومحبتش تصحيكي.. ونسيت موبايلها..
لأ.. نها حصلها حاجة بسببي.. أنا السبب..
طيب اسألي في الشغل!
النهاردة اجازة!
حبيبتي متقلقيش
موبايلي رن.. وماما كانت جنبي..
أخدت الموبايل مني وفتحت..
كان فيه صوت وش.. كإنه راديو..
مين أيا كان انت مين فصدقني اللي بتعمله مش في صالحك!!
رد على ماما
بصوته المخيف.. فلوس
عاوز فلوس!!
كرر الكلمة تاني فلوس
وقفل..
ماما قررت تكلم البوليس.. وحد من اصحابها وتحكيله اللي حصل..
حكيت كل حاجة حصلت للبوليس وحكيت عن اللي حصل لنها..
بس كانوا بيتعاملوا كإني أنا وماما اتجننا.. وبنقول أي كلام..
خاصة بعد ما فتحت الأكونت بتاعي ومكانش فيه أي رسايل خالص!
ولا حتى تاريخ مكالمات..
عشان أثبتلهم طلبت مكالمة منه بس محدش كان بيرد عليا!
كإنه.. كإنه عارف كإنه شايفني!
..
محدش قدر يساعدنا حتى نها.. قالوا مادام مفاتش أكتر من يومين على اختفائها مش هيعملوا حاجة!
بعد البوليس جه صديق لماما بيشتغل في وزارة الاتصالات..
اضطريت أحكي كل حاجة من الأول..
بس لأول مرة حسيت إن فيه حد مصدقني. مكانش مستغرب خالص!
بعد ما خلصت كلام قالي
ده
- تاج
- عمل
- قلق
- قلق
- خوف
- سرعة
- نفس
- كتب
- آبل
- عمل
- شعر
- صوت
- برج
- السفر
- مرض
- العربي
- فطر
- اتصالات
- شركة
- صورة
- البنك
- آبل
- سرقة
- شخص
- واحد
- العربية
- ملك
- خارج
- وقت
- حمام
- ناس
- تعلم
- سرعه
- الاتصالات
- اختفاء
- وقت
- سرعة
- شركة
- اعدة
- برنامج
- تحت
- السل
- آبل
- اتصالات
- إكس
- ابل
- بسبب
- مرض
- درة
- آبل
- استدعاء
- صوت
- تعرف
- السفر
- العربية
- روح
- نظام
- تصل
- عام
- جودة
- الحفل
- الصور
- طريقة
- أجهزة
- شاشة
- حفل
- برنامج
- سرقة
- السفر
- دكتور
- آبل
- مفقود
- عرب
- إجازة
- عربية
- العربية
- طريقة
- ابل
- عقل
- دكتور
- نظام
- مفقودة
- صورة
- وفاة
- طريق
- كرة
- أجهزة
- سحب
- سماء
- تعامل
- العربية
- سرقة
- مرض
- حفل
- حفلة
- موبايل
- شركة
- اجهزة
- كوب
- السل
- كان
- آبل
- حسب
- سفر
- عام
- حفل
- علم
- شعر
- السفر
- حفل
- البيت
- نقل
- وقف
- مرض
- صورة
- الحظ
- اتصالات
- عربية
- آبل
- برج
- الصور
- قلق
- وزارة
- سفر
- صور
- نفط
- عام
- كامل
- برنامج
- مكانة
- فترة
- شركة
- اتصالات
- برنامج
- العرب
- الشاشة
- استعادة
- برج
- أبل
- مراجعة
- عربي
- مفاتيح
- صور
- شركة
- صوت
- آبل
- مكان
- نقل
- عادة
- بنك
- توقع
- عربي
- شركة
- العرب
- لاب توب
- مركز
- السفر
