ليلة في المقابر قصة حماده هيكل

السبت 05/يوليو/2025 - 12:52 م

في يوم كنت قاعد انا وصاحبي ابراهيم قدام البيت وكان مضايق سألته
خير يا هيما ايه مزعلك
مش عارف اقولك ايه يا صالح
في حاجة حصلت !!
البت اختي من ساعة ما اتجوزت وهي عايشه
في حالة نكد وخناق مع جوزها ليل ونهار
خصوصا وانها كل ما تحبل تسقط ومفيش
حمل بيكمل معاها للآخر
ربنا يعوضها خير ويرزقها الخلف الصالح
والله عايشين في غلب ومرار بسببها وأمي ليل ونهار
بټعيط عليها
نصيبها بقى هتعملوا ايه
لا مش نصيبها كل دا بسبب طليقة جوزها
هي ورا كل اللي بيحصل
أستغربت وانا بسأله
طب وهي طليقة جوزها هتسقطها أزاي يعني
امي بتقول انها عامل عمل لأختي عند واحد دجال
والعمل دا بيحيب النكد والخړاب ويخلي الحمل ميكملش
عشان جوزها يطلقها
ياعم انت بتصدق في الكلام دا كل حاجة بأرادة الله
ونعم بالله انا معاك بس الحسد والسحر مذكورين في

القرآن
وكمان الاستعانه بالجن
بعد يومين كنت فكرت في المشكله دي
وسمعت أن الناس اللي بتعمل اعمال لأذية الغير
بتدفنها في المقاپر
قررت اخذ ابراهيم وشوية شباب وقررنا نروح
نعمل حملة تطهير للمقاپر كان معايا 4
ابراهيم صاحبي والاستاذ خلف راجل تقي
ومعالج بالرقية الشرعية و٢ من شباب القرية
لما وصلنا المقاپر بعد العصر أكتشفنا وجود بلاوي
مدفونه هناك في مقاپر لسه تحت الانشاء
لقينا عضم وجماجم لحيوانات غريبة موجود
داخل فم كل جمجمه عمل ومتخيط عليه
وكان في قوالب كوب متكفنه مكتوب عليها طلاسم
وصور لناس من البلد
ووسط دا كله كان في صورة اخت ابراهيم
عليها نجمه سداسية مكتوب بيه
خړاب وعدم خلفه ونكد ومۏت
شايف يا صالح مش قولتلك أن اللي بيحصل دا وراه عمل
كنا لابسين كمامات وجلوفز مسكنا بيه كل دا
واتحط جوا كياس بلاستيك
المحصله

كانت 84 عمل وعدد من الطلاسم
والاكفان والصور الاستاذ خليل فك الأعمال
واخدنا الاكياس باللي فيها لمكان فاضي
وولعنا فيها كلها
على ما خلصنا ورجعنا كنا بعد العشا
عدينا تاني ع المقاپر وقولتلهم
انا اتلهيت في الحمله ونسيت أقرى الفاتحه لابويا
روح انت يا ابراهيم ونتقابل كمان ساعه
دخلت وقفت عند قبر ابويا قريت له الفاتحه
ودعيت له بالرحمه والمغفره وفضلت احكي معاه كتير
اد ايه هو واحشني ومفقتده جدا في حياتي
وانا خارج من المقاپر عديت على القپر المفتوح
واللي كان مدفون فيه معظم الاعمال والتعوايذ اللي
لقيناها النهارده وأنا ماشي من قدامه سمعت
صوت زي ما يكون حد بيبكي
وقفت مكاني عشان اتأكد وفعلا الصوت كان كدا
قربت من القپر والصوت كان بيوضح
الدنيا كانت ضلمه مفيش الا عمود اضاءه
يبعد كام متر عن القپر دا الرؤية كانت مش كفاية
لكن

فضولي خلاني أقرب اكتر
بصيت جواه ولقيت حد قاعد في زواية القپر
وضامم ركبه على صدره وحاطط كفه على وشه
وبيعيط واضح انها ست
انتي مين
مش بترد
يا ستي انتي ايه الي جابك هنا وفي وقت زي دا
صوت بكاها بيزيد
دخلت لعندها وانا ماسك الموبايل وشغلت الكشاف
اول ما قربت منها حسيت بسخونه
كنت فاكرها سخونة القپر لكن درجة الحراره كانت بتزيد
كل ما
أقرب منها وقفت مكاني قبل ما اوصلها
بخطوتين وسألتها
انتي مين وبتعملي هنا ايه
رفعت وشها واټفزعت لما لقيت شكلها مسخ مخيف
عيون ملتهبة زي الجمر اسنان بارزة وحاده
وقفت واتضح انها اطول مني
رجعت بضهري وانا مذهول ومدت ايديها
ومسكتني من ياقة القميص وقالت بصوت مخيف
انت صاحب فكرة تطهير للمقاپر
حسيت الكلام راح مني ومعرفتش أرد
انت صالح صاحب الفكرة
انت السبب في كل اللي حصل وأنا اتأذيت

بسببك
لأني كنت حارسه ومسئولة عن حماية الأعمال والتعوايذ دي