انتي حياتي
بعد أربع سنين جواز بدون مشاكل نهائي حصل ما بينا خناقة كبيرة وصلت لتبادل الألفاظ بطريقة لا تليق ببتوع الشارع، ورغم إنها يُعتبر غلطت أكتر مني إلَّا إنها قالتلي طلقني عشان أنا مش هقدر أعيش معاك دقيقة واحدة بعد كده!
فقولتلها وأنا كمان مش هقدر أعيش معاكي ثانية واحدة بعد كده، ولكن وحياة أمك ما هطلقك غير لما أتجوز عليكي الأول عشان تعرفي إن ملكيش لازمه في الحياة وإن ألف واحدة أحسن منك ألف مرة تتمنى ولو ضافر من ضوافري!
وبالفعل سيبتها قاعدة في بيت أهلها عشر شهور ونص بدون ما أرفع عليها سماعة التليفون ولو دقيقة واحدة حتى رغم إنها بدأت توحشني من أول إسبوع!
ولكن طلبها للطلاق كان بمثابة صفعة كبيرة لكرامتي، والراجل ما هو إلَّا كرامة؛
وعشان كده قررت أدوس على قلبي برجلي ومعبرهاش
فكان الباب يوسف إبني!
روحت في يوم أخده عشان أجيبله لبس العيد، فخرجت من جوا لأول مرة بعد المشكلة وقالتلي يوسف هيفضل معاك من النهاردة!
فنزلت من نظري أوي وقتها وقولتلها حتَّى إبنك قلبك جمِد عليه؟!
عيطت وقالتلي مفيش أم في الدُّنيا قلبها ممكن يجمد ولو ثانية على ضناها، بس للأسف عشان أقدر أصرف على نفسي إضطريت أنزل شغل من شهرين..
ولأني مبعرفش أخده معايا الشغل ولإن أمي ست معديه السبعين سنة ومتقدرش تشيل مسؤليته ولإن مرتات إخواتي مش حنينين عليه ولإنك راجل عارف ربنا ومتدين أكتر مني وهتخرجه للمجتمع بإذن اللّٰه راجل صالح، إنت أولى بتربيته عني؛
بس باللّٰه عليك زي ما أنا عمري ما منعته عنك ولا عمري كرهته فيك،
فطبطبت على كتفها وقولتلها أنا أقدر أشيله في نن عيني وأظنك عارفة حاجة زي كده كويس أوي، بس الطفل اللي من غير أم حالته تغُم.. فبتقبضي كام من شغلك ده؟!
قالتلي ألفين جنية!!
قولتلها هبعتلك كل شهر ألفين جنية وأقعدي ربي إبنك..
قالتلي ربنا يكرم أصلك بس أنا مش عاوزك أحملك همي!
فابتسمت وقولتلها واللّٰهِ عمرك ما كنتي هم يبنتي، بل بالعكس من يوم ما دخلتي حياتي وفرج ربنا حاوطني من كل ناحية..
قالتلي ونعم باللّٰه العلي العظيم، لقيت بنت الحلال ولا لسه؟!
ضحكت وقولتلها بنت الحلال كانت في حياتي وضيعتها في لحظة شيطان، كنت بقولك ألف واحدة أحسن منك ألف مرة تتمنى ولو ضافر واحد من ضوافري وإكتشفت إن ضافرك برقبة كل الحريم اللي في الدُّنيا من أول إسبوع فراق، بس مفيش حاجة
فضحكت وقالتلي إتصدق وتؤمن باللّٰه؟
قولتلها لا إله إلَّا اللّٰه..
قالتلي أقسم باللّٰه إن أنا كمان بقالي شهرين بطلع فلوس للّٰه بنية إننا نرجع لبعض وحياتنا ترد زي الأول وأحسن عشان خاطر يوسف على الأقل!
فابتسمت وقولتلها يعني عشان خاطر يوسف بس؟!
ضحكت وقالتلي وعشان العشرة مبتهونش إلَّا على ولاد الحرام وعشان إنت حب عمري!
والحمدُّ للّٰه رجعنا لبعض بعد ما كنا فقدنا الأمل إحنا الإتنين في اللي ما بينا، والحمدُّ للّٰه عايشين مع بعض من بعد الخناقة دي بقالنا خمس سنين بدون ما تحصل ما بينا مشكلة واحدة عشان لسه ملتزم بالفلوس اللي بطلعها للّٰه بس بنية إن ربنا يبارك
- أزمة
- واحد
- جيب
- وحش
- قلب
- حياة
- فخر
- ملك
- وقت
- أسبوع
- وقت
- مجتمع
- العيد
- طريقة
- مشكلة
- الحياة
- شهر
- تعرف
- طلاق
- طلاق
- تخرج
- بنك
- رجل
- وقت
- طفل
- طريقة
- جيب
- الحياة
- أول
- حياة
- طفل
- ما هو
- أزمة
- حياة
- طلب
- الحياة
- رجل
- روح
- خمس
- عمر
- طفل
- رجل
- الحياة
- قلب
- يوسف
- ما هو
- الطفل
- طريق
- ازمة
- بقول
- نهائي
- كرم
- الحر
- بطل
- كان
- عمر
- حياة
- الطفل
- عيد
- طفل
- كان
- الحياة
- حمل
- طفل
- قلب
- أسبوع
- كرة
- كرة
- بدأت
- أهلها
- اتنا
- كان
- الأول
- برج
- دقيقة
- جيب
- رفع
- برج
- تحصل
- فترة
