قصة ناريمان 2

الخميس 19/يونيو/2025 - 05:20 م

فات أسبوعين على غياب ناريمان ومفيش أي أخبار عنها
كل الإشارات بتقول أنها مخطوفة وتحت خطر كبير.
المشكلة إني لما لجأت لأهل ناريمان قالولي تلاقيها سافرت مع جوزها عادي
لكن لما فات اسبوع والتاني وتأكدوا أن مفيش اي طريقة للوصول ليها أو ل عبد العظيم هنا اتحركوا أخيرا وصدقوني وطلعنا كلنا حررنا محضر بأختفاءها.
ولاني أنا الوحيدة ال عيشت اخر لحظات مع ناريمان في بيتها كنت متأثرة وخايفة طول الوقت.
حاسة أن في عيون مرقباني حتى وانا في اوضتي
ده غير الخرابيش ال بدأت تظهر على باب اوضتي كأن حد بيأكدلي إني مش لوحدي.
لكن كل ده ماكنش فارقلي قد خوفي على صاحبة عمري ال مش عارفة هي جرالها إيه طول الوقت ده وبيحصل فيها إيه.
من حيرتي لجأت لشيخ منطقتي اسمه عم الشيخ لؤي ومتستغربوش الإسم ده راجل كبير صالح لحيته بيضا لحد صدره وخدنا

فترة علشان نتأقلم على اسمه بردو.
الجامع قصاد بيتنا مباشرة
وقفت انتظره لحد ما انتهى من صلاة العشاء وكنت واقفة على جنب ندهتله عم الشيخ ممكن لحظة.
أول ما شافني ابتسم وجالي بيقول أهلا ببنت الغاليين.. ابوكي عامل إيه وصليله سلامي بقالي كتير مشوفتوش.
كان باين على وشي التعب من الايام ال فاتت وقولتله أنا بيحصلي حاجات مش مفهومة يا شيخنا لكن مش جاية علشان احكيلك كل شيء بالتفصيل.. أنا بس عندي سؤال مطير النوم من عيني هو ممكن الجن يسرق إنسان من الدنيا.
الشيخ تعجب من كلامي وقالي ده كلام كبير اوي عليكي يا بنتي ليه بتقولي كده كفى الشر انتوا كويسين.
كنت عارفة أن إجابة سؤالي هتكون لها كذا احتمالية
حاولت احكيله ال حصل وأنا مش عارفة هبدء منين.. لحد ما شوفت بعيني قطة سودة بتخرج من الحيطة ال ورا الشيخ لؤي وبتبصلي وبتضحك ضحكة كشفت

أسنانها ال كانت زي اسنان الإنسان بالظبط!!
قلبي اتخلع من مكانه
ولقيت نفسي بتراجع بخوف وبقول للشيخ طب.. طب شكرا أنا لازم امشي دلوقتي.
عبد العظيم مش عايزني اجيب سيرته!
مش عايزني انطق...
مراقبني وحواليا في كل مكان.
نفسي أصرخ وانادي على ناريمان اقولها إني ضعيفة زيها وما باليد حيلة.
نفسي ألومها وارجع بالزمن لوقت خطوبتها وامنعها تقبله حتى لو كانت هتخسرني وقتها كان اهون عليا من إني اعيش الايام دي حسرة ووجع عليها.
القطة السودا ال ظهرت من الحيطة مختفتش من وقتها وهي ساكنة العمارة عندنا
وبسمع صوت مواءها المرعب بليل على باب شقتنا.
بتموء بصوت كأنها بتقولي نااااوماااان
لكن صوتها مهلك للأعصاب بيخليني أقفل باب اوضتي علشان مسمعهاش.
أسبوع عيوني مبتشوفش النوم
ولا حتى بقيت قادرة انزل من البيت بسبب القطة.
وصحيت

في يوم على رسالة من وردة اخت ناريمان بتقولي شهيرة.. مفيش جديد ناحيتك احنا بنموت كل يوم ومش عارفين نعمل إيه تاني .
اتكلمت معاها شوية وأحنا فاقدين الأمل وكل واحد فينا حاسس بالعجز والقهر
لحد وسط كلامنا خطر في بالي فكرة عادية..
لأ.. هي فكرة عادية جدا.
لكن محسبتش عواقبها !!
قولت لوردة ما تيجي نروح شقة ناريمان نفتش هدومها وكل ركن في البيت يمكن نوصل لحاجة.
كنت بقول الاقتراح ده من باب قلة الحيلة وأننا بنعمل كل ال نقدر عليه
وقالتلي وردة ماشي.. هخلص شغل البيت وننزل بعد العصر كده نروح سوا.
مفاتش نص ساعة ولقيت رسالة من رقم غريب على واتساب مكتوب فيها شهيرة أنا ناريمان.. متدوريش عليا ولا تقلقي أنا كويسة ومع جوزي في سفرية وراجعة قريب.. هحكيلك لما أرجع ها.
دي عمرها ما كانت اسلوب ناريمان في الرسايل
حتى الرقم مش

بتاعها!!
إيه ال بيحصل
دوامة كبيرة مقدرش