بعد نص الليل بقلم حماده هيكل
كامله
نزلت من بيتنا بعد نص الليل عشان اشتري علبة لبن من الصيدلية لبنتي الصغيرة
وانا في الطريق قابلت ست شحاته عجوزه ماشيه بعكاز..قالت يابني ممكن عشره ج اكمل اجيب عشا بيهم
صعبت عليا ولسه همد ايدي في جيبي افتكرت أن يادوب
مفيش معايا الا تمن علبة اللبن
حسيت باحراج وفكرت شويه وبعدها ..
بصت في عيني وزي ما تكون فهمت شعوري
ابتسمت وقالت خلاص ولا يهمك يا بني
قالتها بكسره ..ومشيت وهي بتحمل على عكازها ..زعلت من نفسي وطلعت من جيبي الفلوس وجريت وراها عشان الحقها لما لقيتها دخلت في شارع جانبي شبه مظلم ..استني يا ست حقك عليا
لكنها مردتش عليا وفضلت ماشيه وانا وراها
وهي تشد الخطوه وانا كمان ..لغاية
وهناك كانت اختفت ..لسه هلف وارجع طلع عليا ٢ بلطجية
ثبتوني وقالوا ..اثبت ياض اطلع باللي معاك ل نشقك
لو سمحتم انا مش معايا حاجه غير تمن علبة لبن لبنتي الرضيعه .. ضحكوا بسخريه
وقالوا لا صعبت علينا بجد
طب اطلع بالفلوس يا نونه بدل ما ترجع لبنتك على نقاله
لسه هطلع الفلوس وانا في قمة حزني
سمعت صوت عكاز بيخبط في الأرض وصحبه صوت
ودني ألفته لحد بيقول
فعلا اندال مش لاقيين الا الراجل الطيب دا وتفتروا عليه
حد منهم وجه نور كشاف على مصدر الصوت
وكان الست العجوزه الشحاته
ضحكوا بسخريه وقال واحد منهم وهو بيقرب منها طب يلا يا تيته شوفي رايحه على فين وخلي
صوت خبطه وحشرجه ونافورة
لما شوفت سيف بيلمع خرج من عكاز العجوز
وبعدها وقع على ضهره جثه هامدة
حالة ذهول انتابتني وانا واقف والبلطجي التاني نظراته مابيني وبينها وبين زميلة الواقع تحت رجليه
ومات في الحال
وقفت مذهول من المنظر وبعدها قربت مني وقالت
متخافش مفيش حد شاف اللي حصل غيرك
وانا عارفه انك مستعجل على مشوارك
انا ..انا ..اصل انا كنت جاي وراكي ع عشان..
عارفه ..خلاص ملوش داعي
وبعدها محستش بنفسي الا وانا فاقد الوعي
صحيت الصبح على صوت صرخت بنتي
ومراتي بتقولي قوم يا محمود ..امسك البنت على ما احضر الرضعه
الحمدلله أنه طلع كابوس
شيلت البنت وهديتها
وقالت وهي بتشيل البنت
بس غريبة ..
هي ايه اللي غريبة ؟
انت مش قولت انك مش معاك الا تمن علبة اللبن بس
ايوه وجبت بيها العلبه امبارح
ازاي دا وانا بغسل البنطلون وقعت منه الفلوس
وهما هما حق علبة اللبن وحطتهم قدامي ع السرير
يعني ايه ؟
انا عارفه بقى يا اخويا امسك البنت لما اقوم اشوف الغسيل
حاولت افتكر اصلا انا جبت اللبن ازاي ومنين مقدرتش
وساعتها لقيت خبر نازل وانا بقلب
العثور على شخصين مجهولين الهويه
بأحد الأزقة قتلا ليلة أمس بعد منتصف الليل
وعليهما اثر سيف حاد يرجح أنه سبب الوفاة..
وجاري التحقيق لكشف غموض الحادث.
تمت
